ప్రపంచంలోని అత్యుత్తమ విమానాశ్రయాల జాబితాలో శంషాబాద్ ఎయిర్పోర్ట్
ప్రపంచంలోని అత్యుత్తమ విమానాశ్రయాల జాబితాలో హైదరాబాద్లోని రాజీవ్ గాంధీ ఇంటర్నేషనల్ ఎయిర్పోర్టు టాప్ 10లో చోటు సంపాదించుకుంది. 2019 సంవత్సరానికి గానూ విమానాశ్రయాల ర్యాంకింగ్లను ఎయిర్హెల్ప్ అనే సంస్థ తాజాగా విడుదల చేసింది. ఇందులో శంషాబాద్లోని రాజీవ్గాంధీ అంతర్జాతీయ విమానాశ్రయం 8వ స్థానంలో నిలిచింది. ప్రపంచంలోని అత్యుత్తమైన ఎయిర్పోర్టుగా ఖతార్లోని హమద్ ఇంటర్నేషనల్ ఎయిర్పోర్టు అగ్రస్థానంలో ఉంది. ఆ తర్వాత జపాన్లోని టోక్యో అంతర్జాతీయ విమానాశ్రయం రెండు, గ్రీస్లోని ఏథెన్స్ ఇంటర్నేషనల్ ఎయిర్పోర్టులో మూడో స్థానంలో నిలిచాయి. […]
Updated on: May 10, 2019 | 7:54 PM
ప్రపంచంలోని అత్యుత్తమ విమానాశ్రయాల జాబితాలో హైదరాబాద్లోని రాజీవ్ గాంధీ ఇంటర్నేషనల్ ఎయిర్పోర్టు టాప్ 10లో చోటు సంపాదించుకుంది. 2019 సంవత్సరానికి గానూ విమానాశ్రయాల ర్యాంకింగ్లను ఎయిర్హెల్ప్ అనే సంస్థ తాజాగా విడుదల చేసింది. ఇందులో శంషాబాద్లోని రాజీవ్గాంధీ అంతర్జాతీయ విమానాశ్రయం 8వ స్థానంలో నిలిచింది.
ప్రపంచంలోని అత్యుత్తమైన ఎయిర్పోర్టుగా ఖతార్లోని హమద్ ఇంటర్నేషనల్ ఎయిర్పోర్టు అగ్రస్థానంలో ఉంది. ఆ తర్వాత జపాన్లోని టోక్యో అంతర్జాతీయ విమానాశ్రయం రెండు, గ్రీస్లోని ఏథెన్స్ ఇంటర్నేషనల్ ఎయిర్పోర్టులో మూడో స్థానంలో నిలిచాయి. కాగా.. అమెరికా, యూకే నుంచి ఏ విమానాశ్రయాలు టాప్ 10లో చోటు దక్కించుకోలేకపోయాయి. ఎయిర్పోర్టు ఆన్టైం నిర్వహణ, సేవల నాణ్యత, ఆహారం, షాపింగ్ అవకాశాల వంటివి పరిగణనలోకి తీసుకుని ఎయిర్హెల్ప్ విమానాశ్రయాలకు ర్యాంకింగ్స్ ఇచ్చింది. 40 దేశాల్లోని 40వేల మంది ప్రయాణికులతో సర్వే జరిపి ఈ జాబితా రూపొందించింది.
ప్రపంచంలోని అత్యుత్తమ ఎయిర్లైన్గా ఖతార్ ఎయిర్వేస్ తొలి స్థానంలో నిలిచింది. ఆ తర్వాత అమెరికన్ ఎయిర్లైన్స్ రెండు, ఏరోమెక్సికో మూడో స్థానం దక్కించుకున్నాయి.
Rajiv Gandhi International Airport, Hyderabad Ranked World’s Top Eight In AirHelp Survey#RajivGandhiInternationalAirport#Hyderabad https://t.co/iSJ40xrDwr
— The Sentinel (@Sentinel_Assam) May 10, 2019
