YS Sharmila: షర్మిల పాదయాత్రలో టెన్షన్ టెన్షన్.. ఫ్లెక్సీలు ధ్వంసం.. ఇంతకీ రీసన్ ఏంటంటే..

వైఎస్సార్టీపీ అధ్యక్షురాలు వై.ఎస్.షర్మిల పాదయాత్ర నేపథ్యంలో ఉద్రిక్తత నెలకొంది. వర్ధన్నపేట నియోజక వర్గంలో పార్టీ అధ్యక్షురాలు షర్మిలకు చెందిన ఫ్లెక్సీలు ధ్వంసం అయ్యాయి. పర్వతగిరిలో మంత్రి ఎర్రబెల్లి దయాకర్, ఎమ్మెల్యే అరూరి రమేశ్ పై షర్మిల అనుచిత వ్యాఖ్యలు చేశారు. దీంతో బీఆర్ఎస్ నాయకులు షర్మిలపై తీవ్ర ఆగ్రహం వ్యక్తం చేశారు. వైఎస్సార్టీపీ ఫ్లైక్సీలను బీఆర్ఎస్ నేతలు ధ్వంసం చేశారు. వెంటనే అలర్ట్ అయిన పోలీసులు పలువురిని అదుపులోకి తీసుకున్నారు. కాగా.. షర్మిల చేపట్టిన పాదయాత్ర రోజుకో మలుపు తీసుకుంటోంది. రాష్ట్ర రాజకీయాల్లో హాట్ టాపిక్ గా మారుతోంది. అధికార పార్టీపై ఆమె తీవ్ర విమర్శలు చేస్తున్నారు. అందుకు తగ్గట్టే అధికార పక్షం కూడా దీటుగా సమాధానమిస్తోంది.

అయితే.. పాదయాత్రపై షర్మిల స్పందించారు. పాదయాత్ర ఒక యజ్ఞం అన్న ఆమె.. అది అందరికీ సాధ్యం కాదని చెప్పారు. ఎక్కడైతే తన ప్రజాప్రస్థానం పాదయాత్ర ఆగిందో అక్కడి నుంచే మళ్లీ స్టార్ట్ చేస్తున్నట్లు వెల్లడించారు. పాదయాత్రను తిరిగి ప్రారంభిస్తున్నందున గవర్నర్‌ను కలవడం కుదరలేదన్నారు. తాను వ్యక్తిగతంగా ఎవరినీ విమర్శించనని, ప్రజలకు ఇచ్చిన హామీలు నిలబెట్టుకోకపోతే ప్రశ్నిస్తానన్నారు. తన పాలనపై నమ్మకం ఉంటే ముఖ్యమంత్రి కేసీఆర్‌.. పాదయాత్రకు రావాలని సవాల్‌ విసిరారు.

ముఖ్యమంత్రి కేసీఆర్ నాతో కలిసి పాదయాత్రకు రావాలి. ప్రజలకు సమస్యలు ఏమీ లేవని రుజువు చేస్తే ముక్కు నేలకు రాసి, రాజకీయాలు మానేస్తాను. సమస్యలు ఉన్నాయని తేలితే కేసీఆర్‌ తన పదవికి రాజీనామా చేయాలి. ఒక దళితుడిని ముఖ్యమంత్రిని చేయాలి. ఎన్నికల సమయంలో ఇచ్చిన హామీలను అమలు చేయని కేసీఆర్‌ పాలనను అంతం చేయాలి.

ఇవి కూడా చదవండి

Mahesh Babu: మరో చిన్నారి ‘గుండె’ను కాపాడిన మహేశ్‌.. పిల్లాడి తల్లిదండ్రుల కళ్లల్లో వెలుగులు నింపిన శ్రీమంతుడు

Air India: విమానం గాల్లో ఉండగా ఇంజిన్‌లో మంటలు..! గాల్లో 184 మంది ప్రయాణికులు..!!

Vandebharat Express: సికింద్రాబాద్-తిరుపతి వందేభారత్ రైలు టికెట్ ఛార్జీ ఎంత ఉండబోతుందో తెలుసా?

Parliament Budget Session: రెండోరోజూ ఉభయసభలపై హిండెన్‌బర్గ్‌ ఎఫెక్ట్.. పార్లమెంట్ ఉభయ సభలు వాయిదా..

       – వైఎస్.షర్మిల, వైఎస్సార్టీపీ అధ్యక్షురాలు

మరిన్ని తెలంగాణ వార్తల కోసం