Telangana: వేసవి తాపం నుంచి రిలీఫ్ కోసం స్విమ్మింగ్ పూల్స్కు వెళ్తున్నారా.. అదే మీకు శాపం కావొచ్చు
సిమ్మింగ్ పూల్ వద్ద గల బాత్ రూమ్లో ఇద్దరు యువతులు దుస్తులు మార్చుకుంటుండగా అనుమానంతో పరిశీలించగా.. సెల్ఫోన్ కనిపించింది.
Camera in bathroom : సమ్మర్లో వేసవి తాపం నుంచి సేద తీరేందుకు స్విమ్మింగ్ పూల్స్కు వెళ్తున్నారా..? అయితే తస్మాత్ జాగ్రత్త. యువతులు, మహిళలు దుస్తులు మార్చుకునే సమయంలో వీడియోలు తీసేందుకు కీచకులు అక్కడ రెడీగా ఉండొచ్చు. తాజాగా ఇలాంటి ఘటనే ఒకటి వెలుగులోకి వచ్చిన క్రమంలో మిమ్మల్ని అలెర్ట్ చేస్తున్నాం. స్విమ్మింగ్ పూల్ వద్ద బాత్రూమ్లో సెల్ఫోన్ ద్వారా రహస్యంగా వీడియో చిత్రీకరించిన ఘటన సూర్యాపేటలో ఆలస్యంగా వెలుగుచూసింది. సూర్యాపేట జిల్లా(Suryapet district) చివ్వెంల మండలం(Chivvemla Mandal ) కుడకుడ గ్రామ పరిధిలోని స్విమ్మింగ్ పూల్లో గుగులోతు మహేశ్ అనే యువకుడు ఇంచార్జ్గా పనిచేస్తున్నాడు. ఆ యువకుడు స్విమ్మింగ్పూల్ వద్ద మహిళలు దుస్తులు మార్చుకునే గదిలో మంగళవారం తన సెల్ఫోన్ వీడియో కెమెరాను ఆన్చేసి రహస్యంగా ఉంచాడు. అదే రోజు ఇద్దరు యువతులు దుస్తులు మార్చుకుంటుండగా అనుమానంతో పరిశీలించగా.. సెల్ఫోన్ కనిపించింది. విషయం తెలియండతో ఆగ్రహించిన యువతుల తల్లితండ్రులు కీచకుడికి దేహశుద్ది చేశారు. బుధవారం రాత్రి పట్టణ పోలీసులకు కంప్లైంట్ చేశారు. నిందితుడిని అదుపులోకి తీసుకున్న పోలీసులు… ఘటనపై కేసు నమోదు చేసి దర్యాప్తు జరుపుతున్నట్లు తెలిపారు.
Also Read: Viral: వాయమ్మో..! ఎంత పిచ్చి ప్రేమ అమ్మాయ్.. లవర్ కోసం మరీ ఇలానా..?