Watch : ఈ ఆచారం ఏందయ్యా.. ఏకంగా తలపైనే టెంకాయలు కొట్టేస్తారట.. ఎందుకంటే?

తలపై కొబ్బరి కాయలు పగలగొట్టే సీన్ అనగానే అందరికీ అరుందతి సినిమా గుర్తోస్తుంది. ఆ సినిమాలో అరుందతి తలపై 100 కొబ్బరికాయలు కొట్టినా ఆమె కదలకుండా కూర్చుంటుంది. అటు ఇటులా అలాంటి ఆచారమే ఇక్కడో గ్రామంలో ఉంది. నెత్తిపై టెంకాయపెట్టి పగులగొడుతున్న ఇక్కడి జానాలు చడీచప్పుడు లేకుండా కూర్చుంటున్నారు. ఇంతకు వీళ్లు ఎందుకు ఈ ఆచారాన్ని ఫాలో అవుతున్నారు. దీని వెనక ఉన్న అంతర్యం ఏంటో తెలుసుకుందాం పదండి.

ఆలయం ముందు కూర్చొని నెత్తిపై కొబ్బరి కాయలు పెట్టి పూజారితో వాటిని పగలగొట్టించే ఆచారం పెద్దపల్లి జిల్లా సుల్తానాబాద్ మండలం మంచరామి గ్రామంలో ఉంది. అనాదిగా వస్తున్న ఈ ఆచార సాంప్రదాయాలను అక్కడి అర్చకులు, భక్తులు ఎంతో భక్తి శ్రద్దలతో ఇప్పటికీ పాటిస్తూ భవిష్యత్ తరాలకు అందిస్తున్నారు. రజకుల ఆరాధ్య దైవం అయిన మడేలయ్య స్వామి విగ్రహ పునఃప్రతిష్ట కార్యక్రమంలో భాగంగా హోమం, బలిహరణం తర్వాత ఈ ఆచారాన్ని గ్రామస్తులు నిర్వహించారు.

ఇక్కడ ఆచారం ప్రకారం.. బలిహరణం జరిగిన తర్వాత ఆలయం ముందు పురుషులను కూర్చుండబెట్టి వాళ్ల తలపై కొబ్బరి కాయలను పెడతారు, అలాగే మహిళను నిల్చోపెట్టి వారి చేతితో కొబ్బరి కొబ్బరికాయలను ఉంచుతారు. తర్వాత పూజారి వచ్చి తన చేతిలో ఉన్న కర్రతో కొబ్బరి కాయలను ఒక్క దెబ్బతో పగలగొడతారు. అలా పూజారి కొబ్బరికాయలను పగులగొడుతున్నప్పుడు ఆ భక్తులు ఎలాంటి చడీ చప్పుడు లేకుండా కూర్చున్నారు.ఈ వేడుకలు చూడడానికి స్థానికులతో పాటు పక్క గ్రామాల ప్రజలు కూడా భారీగా వచ్చారు.

ఆచారం వెనక అంతర్యం ఏమిటి

సూర్యుడు చూడని నీటితో స్వామివారికి బలిస్తే అంతా మంచి జరుగుతుందని ఇక్కడ గ్రామస్తుల అపార నమ్మకం. అందుకే ప్రతి ఏడాది ఇక్కడ గ్రామస్తులు ఈ ఆచారాన్ని కొనసాగిస్తున్నారు. ఇలా తలపై చేతి పైన ఉన్న కొబ్బరికాయలు పగలగొట్టడం లాంటి సాంప్రదాయం ఈ గ్రామంలో మాత్రమే కనబడుతుంది.

వీడియో చూడండి..

మరిన్ని తెలంగాణ వార్తల కోసం ఇక్కడ క్లిక్ చేయండి.