సంపత్ కుమార్ గాండ్ల , టీవీ9 తెలుగులో ఉమ్మడి కరీంనగర్ జిల్లా స్టాఫర్ గా 17ఏళ్లుగా పనిచేస్తున్నాను. మొదట ఆంధ్రజ్యోతి లో పని చేశాను.గత 17 ఏళ్లుగా టీవీ9 లో పనిచేస్తున్నాను .. ఉమ్మడి కరీంనగర్ జిల్లాలో సామాజిక సమస్యలపై, ప్రభుత్వ కార్యక్రమాలపై కథనాలు అందిస్తున్నాను. ఉమ్మడి కరీంనగర్ జిల్లాలో వివిధ ప్రాంతాల్లో జరిగిన దుర్ఘటనలు, ఈవెంట్లు, రాజకీయ కార్యక్రమాలు, ఆందోళన కార్యక్రమాలను కవరేజ్ చేసిన అనుభవం ఉంది. బాల్య వివాహాలు పై చేసిన స్టోరీ కి ఉత్తమ జర్నలిస్ట్ అవార్డు వచ్చింది.. అదేవిధంగా.. తెలంగాణ ప్రభుత్వం.. ఉమ్మడి కరీంనగర్ జిల్లా.. ఉత్తమ జర్నలిస్ట్ అవార్డు ఇచ్చి.. సత్కరించింది..
Telangana: స్కూల్ రుణం తీర్చుకున్న పూర్వ విద్యార్థులు.. 25 ఏళ్ల తర్వాత చదువుకున్న బడికి అద్భుత గిఫ్ట్..
కలిసి నడిచిన రోజులు.. ఒకే బెంచీపై పంచుకున్న జ్ఞాపకాలు.. కాలం గిర్రున తిరిగినా ఆ బంధం ఏమాత్రం చెక్కుచెదరలేదు.. సరిగ్గా పాతికేళ్ల తర్వాత తమ చిన్ననాటి బడి ముంగిట వాలిన పూర్వ విద్యార్థులు, కేవలం జ్ఞాపకాలను నెమరువేసుకుని వెళ్లిపోలేదు. అక్షరం నేర్పిన ఆ సరస్వతీ నిలయం రుణం తీర్చుకునేలా ఏకంగా రూ. 4 లక్షలు పోగుచేసి సరికొత్త గ్రంథాలయాన్ని నిర్మించి ఇచ్చారు. ఆ వివరాలు ఈ స్టోరీలో తెలుసుకుందాం..
- G Sampath Kumar
- Updated on: Oct 26, 2026
- 8:24 pm
దేవుడు లేని గుడి.. అద్భుత శిల్పకళతో ఆకట్టుకునే ధర్మాబాద్ ఆలయం వెనుక ఆసక్తికర చరిత్ర!
దేవాలయం అంటేనే దైవం కొలువై ఉండే పవిత్ర ప్రదేశం. కానీ ఓ ఆలయం మాత్రం అందుకు భిన్నం. అద్భుతమైన శిల్పకళ.. ఆకట్టుకునే గోపురం.. విశాలమైన మండపం.. దేవతామూర్తుల కోసం ప్రత్యేక గదులు.. ఇలా అన్ని హంగులతో నిర్మించిన ఈ ఆలయంలో మాత్రం దేవతా విగ్రహం లేదు. అమ్మవారి ప్రతిష్ఠాపన కోసం నిర్మించిన ఈ గుడి.. నేడు దేవుడు లేని గుడిగా మిగిలిపోయింది. దీని వెనుక ఆసక్తికరమైన చరిత్ర ఉంది.
- G Sampath Kumar
- Updated on: Oct 26, 2026
- 2:14 pm
అంతా శ్రీనివాసుల మయం.! ఒకే వేదికమీద 50వేల మంది శ్రీనివాస్‌లు చేరితే ఎలా ఉంటుందో తెలుసా?
ఒకే పేరుతో మొదలైన పరిచయం ఐక్యతగా మారి సామాజిక సేవా కార్యక్రమాలకు వేదికగా నిలుస్తోంది తెలంగాణ శ్రీనివాసుల సేవా సంస్థ. కుల, ప్రాంత, రాజకీయ భేదాలకు అతీతంగా శ్రీనివాస్ అనే పేరున్న వారందరినీ ఒకే తాటిపైకి తెచ్చే లక్ష్యంతో ప్రారంభమైన ఈ ప్రయాణం నేడు 50 వేల మందిని అనుసంధానించే స్థాయికి చేరింది. 2023 అక్టోబర్ 29న పది మందితో మొదలైన ఈ సంస్థ, ప్రస్తుతం 75 వాట్సాప్ గ్రూపులతో విస్తరించింది. తాజాగా జగిత్యాల జిల్లా కోరుట్లలోని జీఎస్ గార్డెన్స్‌లో మూడో వార్షికోత్సవాన్ని ఘనంగా నిర్వహించారు. తెలంగాణ, ఆంధ్రప్రదేశ్ రాష్ట్రాల నుంచి సుమారు ఐదు వేల మంది శ్రీనివాసులు ఈ వేడుకకు హాజరై తమ ఆత్మీయ బంధాన్ని, సేవా నిరతిని చాటుకున్నారు.
- G Sampath Kumar
- Updated on: Oct 26, 2026
- 11:49 am
ఆ గ్రామం‌లో అడుగు అడుగునా ఆలయాలే..
సాధారణంగా ఏ ఊళ్లో చూసినా ఒకటి లేదా రెండు ఆంజనేయ స్వామి ఆలయాలు ఉండటం సహజం. కానీ ఆ ఊరికి వెళ్తే మాత్రం అడుగడుగునా హనుమాన్ ఆలయాలే దర్శనమిస్తాయి. గల్లీకో గుడి.. ఇంటికో సంప్రదాయంలా ఏకంగా 50కి పైగా హనుమాన్ దేవాలయాలు కొలువైన ఆ అరుదైన గ్రామం విశేషాలు ఇప్పుడు చూద్దాం.
- G Sampath Kumar
- Updated on: Oct 24, 2026
- 12:28 pm
Telangana: ఐడియా అదుర్స్.. కోతుల బెడదకు చెక్‌ పెట్టేందుకు వృద్ధురాలి వినూత్న ప్రయత్నం!
నిత్యం రోడ్డు పక్కన పండ్లు అమ్ముకొని జీవనం సాగిస్తున్న ఓ వృద్ధురాలిని కోతులు ముప్పుతిప్పలు పెడుతున్నాయి. తాను విక్రయిస్తున్న వాటిలో సగం పండ్లు కోతులే ఎత్తుకెళ్తున్నాయి. దీంతో విసిగిపోయిన ఆ వృద్దురాలు కొతులకు చెక్‌ పెట్టేందుకు వినూత్న ఆలోచన చేసింది. తన వ్యాపారాన్ని కాపాడుకునేందుకు తన చుట్టూ జాలిని ఏర్పాటు చేసుకుంది. ఇందుకు సంబంధించిన వీడయో ప్రస్తుతం నెట్టింట వైరల్‌గా మారింది. ఈ వీడియో చూసిన నెటిజన్లు వృద్దురాలి ఐడీ అదుర్స్ అంటూ కామెంట్స్ చేస్తున్నారు.
- G Sampath Kumar
- Updated on: Oct 23, 2026
- 7:22 pm
Telangana: ముక్క ముట్టుకుంటే షాక్.. దసరా వేళ చుక్కలు చూపిస్తున్న మటన్ రేట్లు..
ముక్క లేనిదే ముద్ద దిగని నాన్ వెజ్ ప్రియులకు దసరా వేళ మటన్ ధరలు చుక్కలు చూపిస్తున్నాయి. పండుగ పూట బంధుమిత్రులతో కలిసి విందు చేసుకుందామనుకున్న సామాన్యుడికి ఈసారి ధరల భారం గుదిబండలా మారింది. మార్కెట్లో కిలో మటన్ ధర ఏకంగా రూ.1200 దాటేయడంతో అసలు ఈ స్థాయిలో రేట్లు ఎందుకు పెరిగాయి? స్థానికంగా మేకలు, గొర్రెల కొరతకు కారణాలేంటి? అనేది ఈ స్టోరీలో తెలుసుకుందాం..
- G Sampath Kumar
- Updated on: Oct 19, 2026
- 12:18 pm
ఒక్కటే దుర్గామాత విగ్రహం.. 40 ఏళ్లుగా ఏటా నవరాత్రి పూజలు.. ఎక్కడంటే?
Durga Idol Worship: రాజన్న సిరిసిల్లలోని జగదాంబ సేవా సంఘం దేవీ నవరాత్రి ఉత్సవాలలో ప్రత్యేక సంప్రదాయాన్ని పాటిస్తోంది. దాదాపు నాలుగు దశాబ్దాలుగా దుర్గామాత విగ్రహాన్ని నిమజ్జనం చేయకుండా, ప్రతి ఏడాది అదే విగ్రహానికి పూజలు నిర్వహిస్తోంది. ఈ సంఘం అమ్మవారిపై భక్తితో ఈ విలక్షణ పద్ధతిని కొనసాగిస్తూ, సాధారణ నిమజ్జన ఆనవాయితీకి భిన్నంగా నిలుస్తోంది.
- G Sampath Kumar
- Updated on: Oct 18, 2026
- 1:41 pm
తంగేడు పువ్వులకు వెళ్లి.. తీవ్ర గాయాలతో తిరిగొచ్చి వ్యక్తి.. విషయం తెలిసి షాక్!
రాజన్న సిరిసిల్ల జిల్లాలో సద్దుల బతుకమ్మ కోసం తంగేడు పువ్వులు తెంపడానికి వెళ్లిన వ్యక్తిపై ఎలుగుబంటి దాడి చేసింది. వంకాయల లక్ష్మణ్ తీవ్ర గాయాలతో ఆసుపత్రిలో చికిత్స పొందుతున్నారు. ఈ ఘటనతో స్థానిక రైతులు, ప్రజలు భయాందోళన చెందుతున్నారు. కొండ ప్రాంతాలకు ఒంటరిగా వెళ్లవద్దని, శబ్దాలు చేసుకుంటూ వెళ్లాలని అటవీ శాఖ అధికారులు సూచిస్తున్నారు.
- G Sampath Kumar
- Updated on: Oct 18, 2026
- 11:00 am
వేములవాడ రాజన్న ఆలయ పరిసరాల్లో కలకలం.. భీమేశ్వర ఆలయం వద్ద నాగుపాము ప్రత్యక్షం!
తెలంగాణలోని ప్రముఖ శైవక్షేత్రమైన రాజన్న సిరిసిల్ల జిల్లా వేములవాడ శ్రీ రాజరాజేశ్వర స్వామి ఆలయానికి నిత్యం రాష్ట్ర నలుమూలల నుంచే కాకుండా ఇతర రాష్ట్రాల నుంచి కూడా భారీ సంఖ్యలో భక్తులు తరలివస్తుంటారు. అయితే, ఇటీవల కాలంలో ఆలయ పరిసర ప్రాంతాల్లో పాములు తరచూ సంచరిస్తుండటం భక్తులను తీవ్ర ఆందోళనకు గురిచేస్తోంది. తాజాగా భీమేశ్వర ఆలయ సమీపంలోని వసతి గదుల సముదాయం వద్ద నాగుపాము ప్రత్యక్షం కావడం స్థానికంగా కలకలం రేపింది.
- G Sampath Kumar
- Updated on: Oct 16, 2026
- 7:43 pm
Watch video: మానవత్వాన్ని ప్రశ్నిస్తున్న ఘటన.. తాత మృతదేహం ముందే ఆస్తి పంచాయితీ!
కన్నప్రేమ.. కుటుంబ బంధాలు.. మానవీయ విలువలు.. ఇవన్నీ ఆస్తి ముందు వెలవెలబోయాయి. ఇంటి పెద్ద మరణిస్తే కుటుంబ సభ్యులంతా ఒక్కటై కన్నీటి వీడ్కోలు పలకాల్సిన వేళ.. ఆయన మృతదేహం ముందే ఆస్తి కోసం వాదులాటకు దిగిన ఘటన రాజన్న సిరిసిల్ల జిల్లాలో చర్చనీయాంశంగా మారింది. కడసారి వీడ్కోలు పలకాల్సిన సమయంలోనూ ఆస్తి, వారసత్వం చుట్టూ వివాదం చెలరేగడం స్థానికులను విస్మయానికి గురిచేసింది..
- G Sampath Kumar
- Updated on: Oct 15, 2026
- 10:12 am
అంతర పంటలతో అద్భుతాలు.. వినూత్న సాగుతో జాతీయ అవార్డు నెగ్గిన జగిత్యాల మహిళా రైతు!
వ్యవసాయంలో వినూత్న పద్ధతులను అనుసరిస్తూ తక్కువ విస్తీర్ణంలో అధిక దిగుబడులు సాధిస్తున్న జగిత్యాల జిల్లా మహిళా రైతుకు జాతీయ స్థాయిలో గుర్తింపు లభించింది. సారంగాపూర్ మండలం పెంబట్ల గ్రామానికి చెందిన బండారి విజయ ప్రతిష్ఠాత్మకమైన మహిళా కిసాన్ దివస్ అవార్డుకు ఎంపికయ్యారు. ఎకరం విస్తీర్ణంలోనే 14 రకాల కూరగాయలను సాగు చేస్తూ, అంతర పంటల ద్వారా అదనపు ఆదాయం పొందుతూ విజయ సాధిస్తున్న తీరు ఆమెను ప్రత్యేకంగా నిలిపింది.
- G Sampath Kumar
- Updated on: Oct 14, 2026
- 1:43 pm
తెలంగాణ పూల పండుగలో అత్తింటివారి ఆప్యాయత…కొత్త కోడలికి గుర్తుండిపోయే కానుక
తెలంగాణ సంస్కృతి, సంప్రదాయాలకు నిలువుటద్దంగా నిలిచే బతుకమ్మ పండుగను రాష్ట్రవ్యాప్తంగా మహిళలు ఎంతో వైభవంగా జరుపుకుంటారు. ప్రకృతిని దైవంగా భావించి పూలను అందంగా పేర్చి, ఆటపాటలతో గౌరమ్మను పూజించడం ఈ పండుగ ప్రత్యేకత. అయితే జగిత్యాల జిల్లా మెట్‌పల్లిలో ఓ కుటుంబం సంప్రదాయానికి ఆధునిక ఆలోచనలను జోడించి బతుకమ్మ పండుగను వినూత్నంగా నిర్వహించి అందరి దృష్టిని ఆకర్షించింది. కొత్తగా పెళ్లైన కోడలిపై ఉన్న ప్రేమానురాగాలను చాటుకుంటూ ఏకంగా 25 రకాల బతుకమ్మలను తయారు చేసి వాయినంగా అందించారు.
- G Sampath Kumar
- Updated on: Oct 13, 2026
- 6:47 pm
