Redmi Note 11: మార్కెట్లోకి రెడ్‌మి నోట్‌ 11 సిరీస్‌ ఫోన్‌లు.. 108 మెగా పిక్సెల్స్‌ కెమెరాతో అదిరిపోనున్న ఫీచర్లు..

Redmi Note 11: చైనాకు చెందిన ప్రముఖ స్మార్ట్‌ ఫోన్‌ తయారీ సంస్థ షావోమీ తన మార్కెట్‌ను రోజురోజుకీ విస్తరిస్తూ పోతోంది. తక్కువ ధరలో అత్యాధునిక ఫీచర్లతో కూడిన స్మార్ట్‌ ఫోన్‌లను పరిచయం చేసిన ఈ సంస్థ బడా, బడా కంపెనీలను సైతం వెనక్కి నెడుతూ టాప్‌ ప్లేస్‌లో దూసుకుపోతోంది. ఈ క్రమంలోనే ఎప్పటికప్పుడు కొంగొత్త స్మార్ట్‌ ఫోన్‌లను పరిచయం చేస్తూ వస్తోన్న షావోమీ తాజాగా రెడ్‌మి నోట్‌ 11 సిరీస్‌ను లాంచ్‌ చేసేందుకు సిద్ధమవుతోంది. ఇందులో భాగంగానే ఈ ఫోన్‌ లాంచింగ్‌ కార్యక్రమాన్ని అక్టోబర్‌ 28న నిర్వహిస్తున్నారు.

ఈ కార్యక్రమంలోనే షావోమి రెడ్‌మి నోట్‌ 11 సిరీస్‌ ఫోన్లతో పాటు రెడ్‌మి వాచ్‌ 2ను కూడా ఆవిష్కరించనుంది. ఇదిలా ఉంటే రెడ్‌మి నోట్‌ 11 సిరీస్‌ విడుదలకు ముందే ఆ ఫోన్‌కు సంబంధించిన కొన్ని ఫీచర్లను కంపెనీ అధికారికంగా తెలిపింది. ఈ ఫోన్‌ను 120డబ్ల్యు ఫాస్ట్ ఛార్జింగ్ సపోర్ట్‌తో తీసుకురానున్నారు. ఇక 8 జీబీ ర్యామ్, 128 జీబీ స్టోరేజ్ వేరియంట్‌లలో ఫోన్‌లను విడుదల చేయనున్నారు. ప్రాసెసర్‌ విషయానికొస్తే ఇందులో.. మీడియాటెక్ డిమెన్సిటీ 810 ప్రాసెసర్, రెడ్‌మి నోట్ 11 ప్రో మీడియాటెక్ డిమెన్సిటీ 920 ప్రాసెసర్, రెడ్‌మి నోట్ 11 ప్రో+ మీడియాటెక్ డిమెన్సిటీ 1200 ఏఐ ప్రాసెసర్‌ను అందించారు.

కెమెరాకు అత్యధిక ప్రాధాన్యత ఇచ్చిన ఈ ఫోన్‌లో 108 మెగా పిక్సెల్స్‌ రెయిర్‌ కెమరా, సెల్ఫీల కోసం 16 మెగా పిక్సెల్స్‌ ఫ్రంట్‌ కెమెరాను అందించనున్నారు. మరి రెడ్‌మి నుంచి స్తోన్న ఈ కొత్త సిరీస్‌ ఎలాంటి సంచలనాలకు తెర తీస్తుందో చూడాలి. ఇక ధర విషయం మాత్రం లాంచింగ్ రోజు తెలిసే అవకాశాలు ఉన్నాయి.

Also Read: Carrot farming: రైతుకు వరంగా మారుతున్న రుధిర క్యారెట్ సాగు.. అతి తక్కువ సమయంలో ఎక్కవ దిగుబడి..

Palnadu Politcs: ఎమ్మెల్యే కాసు, యరపతినేని మధ్య రాజకీయ వైరం కొత్త టర్న్‌.. పౌరుషాల గడ్డ పల్నాడులో వైసీపీ నేతల ‘గాంధీ’గిరి

Lakshmi Manchu: మోడరన్ అయినా ట్రెడిషన్ అయినా నేనే.. ‘మంచు లక్ష్మి’ లేటెస్ట్ ఫోటో గ్యాలరీ..