Smartwatch: ఎండైనా.. వానైనా తగ్గేదేలా.. వాటర్ ప్రూఫ్ స్మార్ట్ వాచ్‌లు.. మార్కెట్లో బెస్ట్ ఇవే..

ప్రయాణంలో స్మార్ట్ ఫోన్ తీయకుండానే వాచ్ లో మెసేజ్ లు, కాల్స్ రిసీవ్ చేసుకునే వీలుంది. ఇప్పుడు స్విమ్మర్లకు ఉపయోగపడేలా కొత్త వాటర్ ఫ్రూప్ టెక్నాలజీ కలిగిన వాచ్ లు మార్కెట్లోకి విడుదలయ్యాయి. నీటి అడుగునా కూడా మీ ఫిట్ నెస్ తో పాటు స్విమ్మింగ్ లక్ష్యాలను ట్రాకింగ్ చేస్తాయి. వాటిలో వివిధ బ్రాండ్ల కు చెందిన ఆరు అత్యుత్తమ స్మార్ట్ వాచ్ లు, వాటి ప్రత్యేకతలను తెలుసుకుందాం.

Smartwatch: ఎండైనా.. వానైనా తగ్గేదేలా.. వాటర్ ప్రూఫ్ స్మార్ట్ వాచ్‌లు.. మార్కెట్లో బెస్ట్ ఇవే..
Best Waterproof Smartwatch
Follow us

|

Updated on: May 17, 2024 | 6:16 PM

టెక్నాలజీ రోజురోజుకూ మరింత స్మార్ట్ గా మారుతోంది. ప్రజలకు ఉపయోగపడేలా అనేక ఎలక్ట్రానిక్ వస్తువులు మార్కెట్ లోకి విడుదలవుతున్నాయి. సాధారణంగా స్మార్ట్ ఫోన్లు వివిధ ఫీచర్లతో కొత్త లుక్ తో విడుదలవుతున్న విషయం మనందరికీ తెలిసిందే. ఇప్పుడు వాటితో స్మార్ట్ వాచ్ లు పోటీపడుతున్నాయి. వీటిలో ఫీచర్లను పరిశీలిస్తే ఆశ్యర్చపోవాల్సిందే. మణికట్టుపై కేవలం రెండు అంగుళాల లోపు డిస్ ప్లే తో కనిపించే ఈ వాచ్ లలో స్మార్ట్ ఫోన్ల కు తీసిపోని ప్రత్యేకతలు ఉంటున్నాయి. వీటి ద్వారా మన ఆరోగ్య స్థితిని పరిశీలించుకోవచ్చు. హార్ట్ బీట్, ఆక్సిజన్ స్థాయిలను ఎప్పటికప్పుడు తెలుసుకోవచ్చు. ప్రయాణంలో స్మార్ట్ ఫోన్ తీయకుండానే వాచ్ లో మెసేజ్ లు, కాల్స్ రిసీవ్ చేసుకునే వీలుంది. ఇప్పుడు స్విమ్మర్లకు ఉపయోగపడేలా కొత్త వాటర్ ఫ్రూప్ టెక్నాలజీ కలిగిన వాచ్ లు మార్కెట్లోకి విడుదలయ్యాయి. నీటి అడుగునా కూడా మీ ఫిట్ నెస్ తో పాటు స్విమ్మింగ్ లక్ష్యాలను ట్రాకింగ్ చేస్తాయి. వాటిలో వివిధ బ్రాండ్ల కు చెందిన ఆరు అత్యుత్తమ స్మార్ట్ వాచ్ లు, వాటి ప్రత్యేకతలను తెలుసుకుందాం.

నాయిస్ వివిడ్ కాల్ 2 స్మార్ట్ వాచ్ (noise vivid call 2 smart watch)..

నాయిస్ నుంచి విడుదలైన ఈ వాటర్‌ప్రూఫ్ స్మార్ట్‌వాచ్‌ 1.85 అంగుళాల డిస్‌ప్లేతో ఆకట్టుకుంటుంది. దీనిని నాయిస్ ఫిట్ ప్రైమ్ యాప్ తో కనెక్ట్ చేయవచ్చు. మీ ఆరోగ్యం, వ్యాయామం రెండింటినీ పర్యవేక్షించవచ్చు. ఒక్కసారి చార్జింగ్ చేస్తే ఏడు రోజుల పాటు పనిచేస్తుంది. వారం పొడవునా ఎటువంటి ఇబ్బందులు లేకుండా ఉపయోగించుకోవచ్చు. హృదయ స్పందన రేటు, ఎస్పీఓ2, నిద్ర, ఒత్తిడి స్థాయిలను ట్రాక్ చేస్తుంది.

ఫైర్-బోల్ట్ నింజా 3 ప్లస్ (Fire-boltt ninja 3 plus)..

ఫైర్ బోల్ట్ విడుదల చేసిన ఈ వాచ్ 1.83 అంగుళాల డిస్‌ప్లే, 240*284 పిక్సెల్‌ రిజల్యూషన్‌తో వస్తుంది. దీనిలో ఐపీ 68 వాటర్ రెసిస్టెంట్ సామర్థ్యం ఉంది. ఇన్‌బిల్ట్ గేమ్‌లు,118 స్పోర్ట్స్ మోడ్‌లు, ఏడు రోజుల బ్యాటరీ లైఫ్, వందకు పైగా క్లౌడ్ ఆధారిత వాచ్ ఫేస్‌లు దీని ప్రత్యేకత. ఈతగాళ్ల కోసం స్మార్ట్ హెల్త్ అసిస్టెంట్‌ ఫీచర్ ఉంది. ఎస్పీO2 స్థాయి, హార్ట్ రేట్ , నిద్ర ను ట్రాకింగ్‌ చేస్తుంది.

ఫాస్ట్రాక్ లిమిట్‌లెస్ గ్లైడ్ అడ్వాన్స్‌డ్(FastTrack limitless)..

స్విమ్మర్లకు ఉపయోగపడేలా రూపొందించిన మరో స్మార్ట్ వాచ్ ఇది. దీనిలోని హెల్త్ సూట్‌లు మీ నిద్ర, ఎస్పీO2 స్థాయిలను ట్రాక్ ఎప్పటికప్పుడు ట్రాక్ చేస్తాయి. శ్వాస వ్యాయామాలు, హృదయ స్పందన రేటును పరిశీలిస్తాయి. ఈ వాచ్ లో వంద ప్లస్ స్పోర్ట్స్ మోడ్‌లు, ఏఐ కోచ్, ఆటో మల్టీస్పోర్ట్ రికగ్నిషన్‌ తదితర ఫీచర్లు ఉన్నాయి. ఒక్కసారి చార్జింగ్ చేస్తే దాదాపు ఏడు రోజుల పాటు పని చేస్తుంది. అదే బ్లూటూత్ కాలింగ్‌ను ఉపయోగిస్తే మూడు రోజులు బ్యాటరీ బ్యాకప్ వస్తుంది.

సీబిరెర్ బియాండ్ 3 స్మార్ట్ వాచ్ (CIBERER BEYOND3)..

ఈ స్మార్ట్ వాచ్ బ్యాటరీ బ్యాకప్ చాలా బాగుంది. దాదాపు 14 రోజుల పాటు ఎలాంటి ఇబ్బంది లేకుండా ఉపయోగించుకోవచ్చు. 1.43 అంగుళాల హెచ్ డీ అమోలెడ్ డిస్ ప్లే కలిగిన ఈ వాచ్ లో షాక్, చలి, తేమ, హీట్, స్ప్రే, రెయిన్ రెసిస్టెంట్ ఫీచర్లు ఉన్నాయి. ఐపీ69కే, 3 ఏటీఎమ్ రేటింగ్‌తో 30 మీటర్ల వరకు వాటర్ ప్రూఫ్ గా పని చేస్తుంది. హార్ట్ బీట్, ఆక్సిజన్ స్థాయిలు, కేలరీలు, శ్వాస, నిద్ర తదితర వాటిని ట్రాక్ చేస్తుంది. స్విమ్మింగ్, యోగా, సైక్లింగ్ తదితర 150కి పైగా స్పోర్ట్స్ మోడ్‌లు ఉన్నాయి.

ఎస్ కేజీ స్మార్ట్ వాచ్ (SKG smart watch)..

1.7 అంగుళాల హెచ్ డీ టచ్ స్క్రీన్‌తో వస్తున్న ఈ స్మార్ట్ వాచ్ తో మన హార్ట్ బీట్, ఒత్తిడి స్థాయిలను ఎప్పటికప్పుడు తెలుసుకోవచ్చు. ఎనిమిది రోజుల బ్యాటరీ బ్యాకప్ దీని ప్రత్యేకత. 5 ఏటీఎం రేటింగ్ కలిగిన ఈ వాచ్ 50 మీటర్ల వరకు వాటర్ రెసిస్టెంట్ ను కలిగి ఉంది. మనకు ఎంతో ఉపయోగపడే 14 స్పోర్ట్స్ మోడ్‌లను కూడా ఉన్నాయి.

ఏక్యూఫిట్ డబ్ల్యూ6 స్మార్ట్ వాచ్ (AQFIT W6 smart watch)..

ఏక్యూ ఫిట్ డబ్ల్యూ6 స్మార్ట్ వాచ్ చాలా తేలికగా ఉంటుంది. 1.69 అంగుళాల పూర్తి టచ్ డిస్‌ప్లే, ఐపీ68 రేటింగ్‌తో వస్తుంది. వాతావరణ సూచనలతో పాటు మెసేజ్ లు, కాల్‌లు, రోజువారీ రిమైండర్లను అందిస్తుంది. వాటర్‌ ప్రూఫ్, డస్ట్ రెసిస్టెంట్‌గానూ పనిచేస్తుంది. హార్ట్ బీట్, నిద్ర, కేలరీలు, శ్వాస తదితర వాటిని ట్రాక్ చేయడంలో మీకు సహాయపడుతుంది. దీని బ్యాటరీ ఏడు నుంచి పది రోజుల వరకూ వస్తుంది. మహిళల కోసం 15 స్పోర్ట్స్ మోడ్‌లు ఉన్నాయి.

మరిన్ని టెక్నాలజీ వార్తల కోసం ఇక్కడ క్లిక్ చేయండి..

కువైట్ మృతుల కుటుంబాలకు 7 లక్షల సాయం.. మృతుల్లో ముగ్గురు ఆంధ్రులు
కువైట్ మృతుల కుటుంబాలకు 7 లక్షల సాయం.. మృతుల్లో ముగ్గురు ఆంధ్రులు
పిఠాపురానికి అప్పుడే వెళతా.! కానీ.. ఒక షరతు.. : పవన్ కళ్యాణ్.
పిఠాపురానికి అప్పుడే వెళతా.! కానీ.. ఒక షరతు.. : పవన్ కళ్యాణ్.
ఈ దృశ్యాలు చూస్తే మందుబాబుల మనసు చివుక్కుమంటుంది
ఈ దృశ్యాలు చూస్తే మందుబాబుల మనసు చివుక్కుమంటుంది
అర్ధరాత్రి రెండు రైళ్లలో దోపిడీ.. బీదర్‌, పద్మావతీ ఎక్స్‌ప్రెస్
అర్ధరాత్రి రెండు రైళ్లలో దోపిడీ.. బీదర్‌, పద్మావతీ ఎక్స్‌ప్రెస్
రెండు రోజుల్లో ఈ రాష్ట్రాల్లో భారీ వర్షాలు.! వాతావరణశాఖ అలెర్ట్..
రెండు రోజుల్లో ఈ రాష్ట్రాల్లో భారీ వర్షాలు.! వాతావరణశాఖ అలెర్ట్..
గాలొచ్చినా.. వానొచ్చినా.. మెట్రో ఆగదు.! ప్రయాణికులకు నిరంతర సేవలు
గాలొచ్చినా.. వానొచ్చినా.. మెట్రో ఆగదు.! ప్రయాణికులకు నిరంతర సేవలు
కాలు విరిగి ఆస్పత్రికి వెళ్తే డాక్టర్లు ఏం చేశారో తెలుసా.? వీడియో
కాలు విరిగి ఆస్పత్రికి వెళ్తే డాక్టర్లు ఏం చేశారో తెలుసా.? వీడియో
నిండా నాలుగు నెలలు లేవు.. అప్పడే ఏ ఫర్‌ యాపిల్‌ అంటోంది.!
నిండా నాలుగు నెలలు లేవు.. అప్పడే ఏ ఫర్‌ యాపిల్‌ అంటోంది.!
34 ఏళ్ల తర్వాత చిరంజీవిని కలిసిన ఆ ముగ్గురు.!
34 ఏళ్ల తర్వాత చిరంజీవిని కలిసిన ఆ ముగ్గురు.!
వద్దన్నా అంటగట్టిన టికెట్‌కి రూ.26 లక్షల లాటరీ..!
వద్దన్నా అంటగట్టిన టికెట్‌కి రూ.26 లక్షల లాటరీ..!