Alexa: మీ బెడ్‌రూమ్‌లో ఈ గ్యాడ్జెట్‌ ఉందా.? మీ కొంపకొల్లేరే.. హెచ్చరిస్తోన్న టెక్ నిపుణులు.
'అలెక్సా.. ప్లే సాంగ్‌', 'అలెక్సా.. మేక్‌ ఏ కాల్‌ టూ రవి', 'అలెక్సా.. స్విచ్ఛాఫ్‌ది లైట్‌'... ఇటీవల కొన్ని ఇళ్లలలో ఇలాంటి మాటలు సర్వసాధారణంగా మారిపోయాయి. డిజిటల్‌ వాయిస్‌ అసిస్టెంట్ డివైజ్‌ల వినియోగం భారీగా పెరిగింది...
Updated on: Jan 02, 2023 | 4:45 PM
‘అలెక్సా.. ప్లే సాంగ్‌’, ‘అలెక్సా.. మేక్‌ ఏ కాల్‌ టూ రవి’, ‘అలెక్సా.. స్విచ్ఛాఫ్‌ది లైట్‌’… ఇటీవల కొన్ని ఇళ్లలలో ఇలాంటి మాటలు సర్వసాధారణంగా మారిపోయాయి. డిజిటల్‌ వాయిస్‌ అసిస్టెంట్ డివైజ్‌ల వినియోగం భారీగా పెరిగింది. తక్కువ ధరకు అందుబాటులోకి రావడంతో వీటిని ఉపయోగించే వారిక సంఖ్య భారీగా పెరుగుతోంది. దీంతో వాయిస్‌ అసిస్టెంట్ డివైజ్‌లు ఇంట్లో కుటుంబ సభ్యుల్లో ఓ భాగమైపోయింది. అయితే ఈ డివైజ్‌లను ఉపయోగించే క్రమంలో జాగ్రత్తగా లేకపోతే అంతే సంగతులని నిపుణులు చెబుతున్నారు.
ముఖ్యంగా అలెక్సాను ఎట్టి పరిస్థితుల్లో బెడ్‌రూమ్‌లలో ఉంచుకోవద్దని టెక్ నిపుణులు చెబుతున్నారు. మీరు ఏకాంత సమయంలో మాట్లాడే మాటలను అలెక్సా వింటోందని నిపుణులు హెచ్చరిస్తున్నారు. అంతేకాదు మీ మాటలను ఈ పరికరం రికార్డు చేస్తోందంటా.. ఈ డేటాను అమెజాన్‌ ఉద్యోగులు కొందరు వింటున్నారని నిపుణులు హెచ్చరిస్తున్నారు. దీంతో మీ వ్యక్తిగత ప్రైవసీకి భంగం వాటిల్లే ప్రమాదం ఉంటుందని జాగ్రత్తలు పాటించాలని చెబుతున్నారు.
ఇక అమెజాన్‌ కూడా ఈ విషయమై స్పందించింది. తమ సేవలను మరింత మెరుగు పరుచుకునే క్రమంలో టెస్టింగ్‌లో భాగంగా కొంత మంది ఎంపిక చేసిన ఉద్యోగులకు అనుమతులు ఇచ్చినట్లు తెలిపారు. అయితే సదరు వాయిస్‌ ఏ డివైజ్‌లో రికార్డ్ అయ్యిందన్నదానిపై మాత్రం సమాచారం ఉండదని తెలిలిపింది. ఇదిలా ఉంటే అలెక్సాలో రికార్డింగ్‌ ఆప్షన్‌ ఆఫ్‌ చేసుకునే అవకాశం కూడా ఉంది. అలెక్సా యాప్‌ను ఓపెన్‌ చేసి సెట్టింగ్‌లోకి వెళ్లాలి. అనంతరం ప్రైవసీని సెలక్ట్ చేసుకొని.. అడ్జెస్ట్‌ అలెక్సాలోకి వెళ్లి రికార్డింగ్‌ను ఆఫ్‌ చేసుకోవచ్చు.
మరిన్ని టెక్ వార్తల కోసం క్లిక్ చేయండి..
