Apple Watch: కాంగ్రాట్స్ మీరు తల్లి కాబోతున్నారు.. యూజర్ను ఆశ్చర్యానికి గురి చేసిన యాపిల్ వాచ్..
స్మార్ట్ వాచ్ల వినియోగం ఇప్పుడు సర్వసాధరణంగా మారిపోయింది. ఒకప్పుడు కేవలం సమయాన్ని చూసుకోవడానికే ఉపయోగపడే స్మార్ట్ వాచ్లు నేడు అన్ని రకాల పనులు చేస్తున్నాయి. బీపీ, ఆక్సిజన్ లెవల్స్, వాకింగ్ ఇలా శరీరంలో జరిగే ఎన్నో మార్పులను స్మార్ట్ వాచ్ ఇట్టే పసిగట్టేస్తోంది...
Updated on: Oct 14, 2022 | 7:37 AM
స్మార్ట్ వాచ్ల వినియోగం ఇప్పుడు సర్వసాధరణంగా మారిపోయింది. ఒకప్పుడు కేవలం సమయాన్ని చూసుకోవడానికే ఉపయోగపడే స్మార్ట్ వాచ్లు నేడు అన్ని రకాల పనులు చేస్తున్నాయి. బీపీ, ఆక్సిజన్ లెవల్స్, వాకింగ్ ఇలా శరీరంలో జరిగే ఎన్నో మార్పులను స్మార్ట్ వాచ్ ఇట్టే పసిగట్టేస్తోంది. ముందే జరిగే ప్రమాదాలను గుర్తిస్తున్నాయి. ఇప్పటికే హృద్రోగాలకు సంబంధించి యాపిల్ స్మార్ట్ వాచ్ యూజర్ను ముందుగానే అలర్ట్ చేసిందన్న వార్త అప్పట్లో హాట్ టాపిక్గా మారిన విషయం తెలిసిందే. అయితే తాజాగా ఇదే యాపిల్ స్మార్ట్ వాచ్ ఓ మహిళ తల్లి కాబోతున్న విషయాన్ని పరీక్షలు చేయించుకునే కంటే ముందే తెలిపింది. ఈ సంఘటనకు సంబంధించి ఆ మహిళ తన స్వీయ అనుభవాన్ని సోషల్ మీడియా వేదికగా పంచుకుంది.
వివరాల్లోకి వెళితే.. ఓ మహిళ యాపిల్ కంపెనీకి చెందిన స్మార్ట్ వాచ్ను ఉపయోగిస్తోంది. ఈ నేపథ్యంలోనే ఆ 34 ఏళ్ల మహిళ హార్ట్బీట్ పెరుగుతున్నట్లు వాచ్ అలర్ట్స్ చూపించింది. సాధారణంగా తన హార్ట్ బీట్ 57 ఉండగా.. వాచ్లో 72కి పెరిగినట్లు చూపించింది. 15 రోజులుగా హార్ట్బీట్ పెరుగుతున్నట్లు వాచ్ హెచ్చరిస్తూనే ఉంది. దీంతో వెంటనే అలర్ట్ అయిన సదరు మహిళ బహుశా కోవిడ్ అయ్యుండొచ్చని పరీక్ష చేయించుకుంది. కానీ కోవిడ్ టెస్ట్ నెగిటివ్ వచ్చింది.
అనంతరం ఇంటర్నెట్లో సెర్చ్ చేయగా గర్భం దాల్చిన మొదటి వారాల్లో కూడా మహిళల హార్ట్ బీట్ పెరుగుతుందని తెలుసుకున్న ఆ మహిళ.. వెంటనే ప్రెగ్నసీ టెస్ట్ చేయించుకుంది. దీంతో వైద్య పరీక్షలు నిర్వహించిన వైద్యులు ఆ మహిళ గర్భం దాల్చినట్లు నిర్ధారించారు. దీంతో ఆ మహిళ ఒక్కసారిగా షాక్కి గురైంది. ఇలా స్మార్ట్ వాచ్ ఇచ్చిన అలర్ట్ మేరకు టెస్ట్ చేయించుకోగా అసలు విషయం తెలియడం అందరినీ ఆశ్చర్యానికి గురి చేసింది.
మరిన్ని టెక్నాలజీ వార్తల కోసం క్లిక్ చేయండి..
