కోహ్లి ఇన్‌స్టాగ్రామ్‌ పోస్టు వాల్యూ తెలిస్తే మీరు షాక్ అవుతారు!

టీమిండియా సారథి విరాట్‌ కోహ్లీ గురించి ప్రత్యేకంగా ఏం చెప్పాలి?. అతడో రన్ మెషీన్. వరల్డ్ నెంబర్ వన్ టెస్ట్ బ్యాట్స్‌మెన్. ఎగ్రెసీవ్ ప్లేయర్. ఇవి మాత్రమే కాదు బ్రాండింగ్‌లో కూడా టాప్‌లో ఉన్నాడు మెన్ ఇన్ బ్లూ సారథి.  మరోవైపు సోషల్ మీడియా ద్వారా మంచి ఇన్‌కం సంపాదిస్తున్నాడు. ఇన్‌స్టాగ్రామ్‌లో ఇతడిని  38.1 మిలియన్ల మంది ఫాలో అవుతున్నాడు. తాను బ్రాండ్ అంబాసీడర్‌గా ఉన్న ప్రొడక్ట్స్‌కి సంబంధించి కోహ్లీ ఇన్‌స్టాలో పోస్టులు చేస్తుంటాడు. ఒక్క పోస్ట్‌కు కోహ్లీ 1.35కోట్లు తీసుకుంటాడు అంటే మీరు నమ్ముతారా?. ఇది వాస్తవం.  తాజాగా హోపర్‌హెచ్‌క్యూ అనే ఇన్‌స్టాగ్రామ్‌ షెడ్యూలింగ్‌ టూల్ విడుదల చేసిన జాబితాలో కోహ్లీ ప్రపంచ వ్యాప్తంగా తొమ్మిదో స్థానంలో నిలిచాడు. ఇన్‌స్టా పోస్టులతో అత్యధికంగా సంపాదిస్తున్న ఒకే ఒక్క క్రికెటర్‌ కోహ్లీ. ఈ సంస్థ టాప్‌-10 జాబితాలో కోహ్లీ తొమ్మిదో స్థానంలో నిలిచాడు. మరే క్రికెటర్‌ ఈ జాబితాలో చోటు దక్కించుకోలేదు.

పోర్చుగల్‌ ఫుట్‌ బాలర్‌ క్రిస్టియానో రొనాల్డో ఈ లిస్టులో తొలిస్థానంలో ఉన్నాడు. ఇతడు ఒక్కో పోస్ట్‌కు రూ.6.73కోట్లు తీసుకుంటున్నాడు. తర్వాతి స్థానంలో నెయ్‌మార్‌ రూ.4.98కోట్లు, మూడో స్థానంలో లియోనల్‌ మెస్పీ రూ.4.47కోట్లు, డేవిడ్‌ బెకారమ్‌ రూ.2.46కోట్లు, లిబ్రాన్‌ జేమ్స్‌ రూ.1.88కోట్లు, రొనాల్డినో రూ.1.76కోట్లు, గారెట్‌ బాలే రూ.1.50కోట్లు, లాటన్‌ ఇబ్రహిమోవిక్‌ రూ.1.38కోట్లు, లూయిస్‌ సారేజ్‌ రూ.1.27 కోట్లు ఛార్జ్‌ చేస్తున్నారు.