Orleans Masters: సెమీస్లోకి దూసుకెళ్లిన భారత స్టార్ షట్లర్ సైనా నెహ్వాల్…

పారిస్ వేదికగా జరుగుతున్న ఓర్లీన్స్ మాస్టర్స్లో భారత స్టార్ షట్లర్ సైనా నెహ్వాల్ హవా కొనసాగిస్తోంది. మహిళల సింగిల్స్లో అమెరికా ప్లేయర్ ఐరిస్ వాంగ్తో జరిగిన క్వార్టర్ ఫైనల్స్లో...

Sanjay Kasula |
Updated on: Mar 27, 2021 | 1:36 AM

పారిస్ వేదికగా జరుగుతున్న ఓర్లీన్స్ మాస్టర్స్లో భారత స్టార్ షట్లర్ సైనా నెహ్వాల్ హవా కొనసాగిస్తోంది. మహిళల సింగిల్స్లో అమెరికా ప్లేయర్ ఐరిస్ వాంగ్తో జరిగిన క్వార్టర్ ఫైనల్స్లో 21-19, 17-21, 21-19తో గెలిచింది. గత రెండేళ్లుగా ఫామ్లేమితో తంటాలు పడుతున్న సైనా.. సెమీస్ చేరడం ఇదే తొలిసారి.

చివరిసారిగా 2019లో ఇండోనేషియా మాస్టర్స్ 500 టోర్నీలో సెమీస్కు చేరిన సైనా…. తన తదుపరి మ్యాచ్లో డెన్మార్క్ షట్లర్ క్రిస్టోఫర్సన్తో పాటు స్వదేశానికి చెందిన ఇరా శర్మతో తలపడనుంది.

ప్రపంచ 8న సీడ్, భారత మహిళల డబుల్స్ జోడీ అశ్విని పొన్నప్ప-సిక్కి రెడ్డి.. ఇంగ్లాండ్కు చెందిన చోలే బిర్చ్-లారెన్ స్మిత్ జంటపై విజయం సాధించింది. 21-14, 21-18 తేడాతో గెలుపొందింది . తదుపరి మ్యాచ్లో థాయ్లాండ్ జోడీ జోంగ్‌కోల్ఫాన్ కితితారకుల్-రవిందా ప్రజోంగ్ను ఎదుర్కోనుంది.

పురుషుల డబుల్స్ జోడీ క్రిష్ణ ప్రసాద్-విష్ణు వర్ధన్.. ఫ్రాన్స్ జంట క్రిస్టో పోపోవ్-తోమ జూనియర్ పోపోవ్ జంటపై విజయం సాధించింది. 21-17, 10-21, 22-20 తేడాతో గెలుపొందిన ఈ ద్వయం సెమీస్కు అర్హత సాధించింది. తర్వాతి మ్యాచ్లో ఇంగ్లాండ్కు చెందిన కల్లమ్ హమ్మింగ్-స్టీవెన్ స్టాల్వుడ్ జంటతో ఆడనుంది.