ఇంత విధ్వంసమేంటి సామీ.. 38 ఫోర్లు, 16 సిక్సర్లతో మంట పుట్టించాడు.. ఎవరో తెల్సా
ఇతడు కేవలం ఇంగ్లాండ్ తరపున 14 మ్యాచ్లు మాత్రమే ఆడాడు. కానీ డొమెస్టిక్ క్రికెట్లో మాత్రం చెలరేగిపోతున్నాడు. వరుసగా రెండు సెంచరీలు బాదేశాడు. తన జట్టుకు దూకుడైన ఆటతీరుతో విజయాలను అందిస్తున్నాడు. ఇంతకీ ఈ రైట్ హ్యాండ్ బ్యాటర్ ఎవరో తెల్సా
Updated on: Jan 28, 2025 | 7:18 PM
వామ్మో.! వాయమ్మో.. ఇదేం విధ్వంసం సామీ. మాటల్లో చెప్పలేం. ఇంగ్లాండ్ జాతీయ జట్టు తరపున కేవలం 14 టీ20 మాత్రమే ఆడిన ఈ ప్లేయర్.. ప్రస్తుతం ఇంటర్నేషనల్ లీగ్ టీ20లో చెలరేగిపోతున్నాడు. అతడు మరెవరో కాదు టామ్ బాంటన్. ఈ టోర్నీలో తన జట్టుకు కోసం మరోసారి పేలుడు సెంచరీతో సాయపడ్డాడు. గత 8 రోజుల్లో దూకుడైన ఆటతీరుతో రెండో సెంచరీ సాధించాడు ఈ రైట్ హ్యాండ్ బ్యాటర్. ఈ క్రమంలోనే ఐఎల్టి20 చరిత్రలో ఒకే సీజన్లో 2 సెంచరీలు సాధించిన ఆటగాడిగా నిలిచాడు.
హ్యాట్రిక్ సిక్సర్లతో రెండో సెంచరీ..
జనవరి 27న డెసర్ట్ వైపర్స్తో జరిగిన మ్యాచ్లో టామ్ బాంటన్ 55 బంతుల్లో తన రెండో సెంచరీని నమోదు చేశాడు. ఈ మ్యాచ్లో 7 సిక్సర్లు, 9 ఫోర్ల సాయంతో 190.90 స్ట్రైక్ రేట్తో 105 పరుగులు చేశాడు. విశేషమేమిటంటే డెసర్ట్ వైపర్స్పై వరుసగా 3 సిక్సర్లు కొట్టి తన రెండో సెంచరీ పూర్తి చేశాడు. జనవరి 19న షార్జా వారియర్స్తో జరిగిన మ్యాచ్లో బాంటన్ 44 బంతుల్లో ILT20లో తన మొదటి సెంచరీని సాధించాడు.
ILT20లో 369 పరుగులు..
టామ్ బాంటన్ ILT20లో 369 పరుగులు చేశాడు. ఈ క్రమంలోనే రెండు సెంచరీలు కొట్టాడు. ఈ స్కోరుతో అతడు ప్రస్తుత సీజన్లో టాప్ స్కోరర్గా కూడా నిలిచాడు. టామ్ బాంటన్ 8 మ్యాచ్లలో 16 సిక్సర్లు, 38 ఫోర్ల సహాయంతో 156.35 స్ట్రైక్ రేట్తో ఈ పరుగులు సాధించాడు.
151.60 స్ట్రైక్ రేట్తో 1134 పరుగులు..
ఐఎల్టి20లో టామ్ బాంటన్ పరుగుల వరద పారిస్తున్నాడు. రెడ్ హాట్ ఫామ్లో ఉన్న ఇతడు.. 2024 నుంచి పేలుడు ఇన్నింగ్స్లు ఆడుతున్నాడు. ఇప్పటిదాకా T20 క్రికెట్లో 151.60 స్ట్రైక్ రేట్తో 1134 పరుగులు చేశాడు. ఈ సమయంలో అతడి బ్యాట్ నుంచి 2 సెంచరీలు, 7 అర్ధ సెంచరీలు వచ్చాయి. 20 ఓవర్ల గేమ్లో ఈ ఇంగ్లాండ్ వికెట్ కీపర్ అద్భుత గణాంకాలు నమోదు చేశాడు.
CARNAGE! DESTRUCTION! RUTHLESS!
Tom Banton & Andre Fletcher were at their unforgiving best tonight. The two batters sent the fielders on a leather hunt, thumping 6️⃣4️⃣ runs off 18 deliveries, in the 16th, 17th and 18th over. 🥵#MIEvDV #DPWorldILT20 #AllInForCricket… pic.twitter.com/nn5jozZpNj
— International League T20 (@ILT20Official) January 27, 2025
మరిన్ని క్రికెట్ వార్తల కోసం ఇక్కడ క్లిక్ చేయండి
