Team India: టీమిండియా టెస్ట్ చరిత్రలోనే అత్యంత ఘోర పరాజయం.. ఉప్పల్‌లో చెత్త రికార్డ్..

India vs England Test Records: హైదరాబాద్‌లోని రాజీవ్ గాంధీ అంతర్జాతీయ స్టేడియంలో ఇంగ్లండ్‌తో జరిగిన తొలి టెస్టు మ్యాచ్‌లో భారత జట్టు ఓటమి పాలైంది. ఈ మ్యాచ్‌లో ఇంగ్లండ్‌ను టీమిండియా 246 పరుగులకే కట్టడి చేసింది. అనంతరం బ్యాటింగ్‌కు దిగిన భారత జట్టు తొలి ఇన్నింగ్స్‌లో 436 పరుగులకు ఆలౌటైంది. 190 పరుగుల లోటుతో రెండో ఇన్నింగ్స్ ప్రారంభించిన ఇంగ్లండ్ 420 పరుగులు సేకరిస్తూ టీమిండియాకు 231 పరుగుల సులువైన లక్ష్యాన్ని అందించింది. అయితే, ఈ లక్ష్యాన్ని ఛేదించడంలో విఫలమైన భారత జట్టు 28 పరుగుల తేడాతో ఓడిపోయింది. అయితే టీమ్ ఇండియాకు అత్యంత చెత్త ఓటమిగా నిలిచింది.

అంటే, భారత జట్టు ఇప్పటి వరకు స్వదేశంలో 284 టెస్టు మ్యాచ్‌లు ఆడింది. ఈ సమయంలో, 105 మ్యాచ్‌లలో, మొదటి ఇన్నింగ్స్ ఆధిక్యం 100+ పరుగులుగా నిలిచింది. ఈ మ్యాచ్‌ల్లో టీమిండియా 70 మ్యాచ్‌ల్లో విజయం సాధించగా, 35 మ్యాచ్‌లను డ్రా చేసుకుంది. అంటే, తొలి ఇన్నింగ్స్‌లో ఆధిక్యం సాధించిన ఏ మ్యాచ్‌లోనూ టీమిండియా ఓటమి రుచి చూడలేదు.

అయితే, ఈసారి భారత జట్టుకు బెన్ స్టోక్స్ సేన అత్యంత చెత్త పరాజయాన్ని చవిచూసేలా చేసింది. తొలి ఇన్నింగ్స్‌లో 190 పరుగుల ఆధిక్యంలో ఉన్న టీమిండియాను 28 పరుగుల తేడాతో ఓడించి ఇంగ్లండ్ జట్టు కొత్త చరిత్రను లిఖించింది.

It came right down to the wire in Hyderabad but it’s England who win the closely-fought contest.#TeamIndia will aim to bounce back in the next game.

Scorecard ▶️ https://t.co/HGTxXf8b1E#INDvENG | @IDFCFIRSTBank pic.twitter.com/OcmEgKCjUT

— BCCI (@BCCI) January 28, 2024

అంతే కాకుండా హైదరాబాద్ రాజీవ్ గాంధీ మైదానంలో టీమ్ ఇండియా ఓడిపోవడం ఇదే తొలిసారి. అలాగే 12 ఏళ్ల తర్వాత స్వదేశంలో భారత జట్టు వరుసగా మూడు టెస్టు మ్యాచ్‌ల్లో విజయం సాధించలేకపోయింది. ఈ కారణాలన్నింటి కారణంగా ఇంగ్లండ్‌తో జరిగిన ఈ ఓటమిని టీమ్ ఇండియా ఘోర పరాజయాల్లో ఒకటిగా పరిగణిస్తున్నారు.

మరిన్ని క్రీడా వార్తల కోసం ఇక్కడ క్లిక్ చేయండి..