Team India: ప్రమాదంలో సచిన్ భారీ రికార్డ్.. లిస్టులో దూసుకొస్తోన్న మరో భారత స్టార్ ప్లేయర్.. టాప్ 5లో ఎవరున్నారంటే?
Most Centuries: సచిన్ టెండూల్కర్ తర్వాత అత్యధిక సెంచరీలు సాధించిన వారిలో విరాట్ కోహ్లీ (72) రెండో స్థానంలో ఉన్నాడు.
Updated on: Jan 10, 2023 | 9:59 AM
Sachin Tendulkar’s Century Record: సచిన్ టెండూల్కర్ అంతర్జాతీయ క్రికెట్లో మొత్తం 100 సెంచరీలు చేశాడు. కాగా, ఈ రికార్డు ఎప్పటికీ రికార్డు కాదంటూ నిపుణులు పేర్కొ్న్నారు. 2019 సంవత్సరం వరకు అసాధ్యంగానే పరిగణించారు. అయితే, ఆ ఏడాది విరాట్ కోహ్లి తన 70వ అంతర్జాతీయ సెంచరీని సాధించడంతో, క్రికెట్ నిపుణులు సచిన్ గొప్ప రికార్డును ప్రమాదంలో పడిదంటూ కామెంట్స్ చేశారు. కానీ, ఆ తర్వాత మూడేళ్లలో విరాట్ బ్యాట్ నుంచి ఎటువంటి సెంచరీ రాలేదు. సచిన్ ఈ గొప్ప రికార్డును బద్దలు కొట్టడంపై ఊహాగానాలు కూడా ముగిశాయి.
అయితే విరాట్ కోహ్లీ మరోసారి లయలోకి రావడంతో మరోసారి ఈ ప్రశ్న తలెత్తుతోంది. ఆసియా కప్ 2022లో అతను మూడేళ్ల సెంచరీ కరువును ముగించాడు. గత నెలలో బంగ్లాదేశ్తో జరిగిన వన్డేల్లో మరో సెంచరీని సాధించాడు. సచిన్ సెంచరీల రికార్డును బద్దలు కొట్టగల శక్తి తనకు ఇంకా ఉందని చూపించాడు.
విరాట్ కోహ్లీ ఇప్పటివరకు మొత్తం 72 అంతర్జాతీయ సెంచరీలు చేశాడు. అంతర్జాతీయంగా అత్యధిక సెంచరీలు సాధించిన వారిలో రెండో స్థానంలో ఉన్నాడు. అతని తర్వాత డేవిడ్ వార్నర్ (45), జో రూట్ (44), స్టీవ్ స్మిత్లు ఉన్నారు. అయితే, వీరు సచిన్ రికార్డును బద్దలు కొట్టడం అసాధ్యం. వాస్తవానికి ఈ క్రికెటర్లందరూ 33+ వయస్సు గలవారు. గరిష్టంగా మూడు లేదా నాలుగు సంవత్సరాలు క్రికెట్ ఆడగలరు. సచిన్ గొప్ప రికార్డును బద్దలు కొట్టేందుకు ఈ ఆటగాళ్లకు ఈ సమయం సరిపోదు.
సచిన్ రికార్డును కోహ్లీ బ్రేక్ చేస్తాడా..
ప్రస్తుతం సచిన్ 100 సెంచరీల రికార్డును విరాట్ కోహ్లీ మాత్రమే బద్దలు కొట్టగలడా? విరాట్ ప్రస్తుతం సచిన్ కంటే 28 సెంచరీలు వెనుకబడి ఉన్నాడు. అతడి వయసు 34 ఏళ్లు. ఇప్పుడు అతడికి టీ20 క్రికెట్ ఆడే అవకాశాలు కనిపించడం లేదు. నిజానికి భవిష్యత్ టీ20 జట్టులో విరాట్, రోహిత్ వంటి సీనియర్ ఆటగాళ్లను బీసీసీఐ చూడడం లేదనే ఊహాగానాలు వినిపిస్తున్నాయి. ఇలాంటి పరిస్థితుల్లో టెస్టు, వన్డే క్రికెట్లో మెరుగ్గా ఆడటం ద్వారానే సచిన్ను విరాట్ ఓడించాల్సి ఉంటుంది.
టెస్టు క్రికెట్లో విరాట్ కోహ్లీ కూడా అంతగా రాణించలేకపోయాడు. టెస్టుల్లో పరుగుల పరంగా, అతను జో రూట్, స్టీవ్ స్మిత్ కంటే వెనుకబడి ఉన్నాడు. మరొక ఆటగాడు కేన్ విలియమ్సన్ కూడా అతనిని అధిగమించబోతున్నాడు. టెస్టుల్లో విరాట్ ఇప్పటివరకు 27 సెంచరీలు మాత్రమే చేయగలిగాడు. రెండవది, ఈ రోజుల్లో వన్డే క్రికెట్ చాలా అరుదుగా నిర్వహిస్తున్నాడు. ఈ ఏడాది వన్డే ప్రపంచకప్ వరకు కచ్చితంగా మ్యాచ్ల సంఖ్య ఎక్కువగానే ఉండబోతుంది. కానీ, ఆ తర్వాత మళ్లీ వన్డే మ్యాచ్ల సంఖ్య తగ్గుతుంది. ఇలాంటి పరిస్థితుల్లో సచిన్ రికార్డును విరాట్ బద్దలు కొట్టడం అసాధ్యమనిపిస్తోంది.
విరాట్ కోహ్లీ తన అద్భుతమైన లయలో ఉన్న సమయంలో ఒక సంవత్సరంలో 11 సెంచరీలు చేశాడు. మళ్లీ అదే ఫాంలోకి వస్తే సచిన్ రికార్డు ధ్వంసమైనట్లేనని భావించవచ్చు. అయితే ప్రస్తుతం సచిన్ సెంచరీల రికార్డు పూర్తిగా సేఫ్గా కనిపిస్తోంది. ఒక సంవత్సరంలో అత్యధిక సెంచరీలు చేసిన రికార్డు కూడా సచిన్ టెండూల్కర్ పేరు మీదే ఉంది. 1998లో సచిన్ ఏడాదిలో 12 సెంచరీలు సాధించాడు.
మరిన్ని క్రికెట్ వార్తల కోసం ఇక్కడ క్లిక్ చేయండి..
