Team India: ఆ ఇద్దరి సంగతి తేల్చేది అప్పుడే.. రోహిత్, కోహ్లీ కెరీర్లపై గంభీర్ షాకింగ్ కామెంట్స్
Rohit Sharma and Virat Kohli Career May End: బోర్డర్ గవాస్కర్ ట్రోఫీ సిరీస్‌ను టీమిండియా కోల్పోయింది. సిడ్నీ టెస్టులో ఆరు వికెట్ల తేడాతో ఓడిన సంగతి తెలిసిందే. దీంతో ఆస్ట్రేలియాతో జరిగిన ఐదు మ్యాచ్‌ల సిరీస్‌ను 1-3తో కోల్పోయింది. ఈ ఓటమితో డబ్ల్యూటీసీ ఫైనల్ నుంచి కూడా భారత జట్టు అధికారికంగా తప్పుకుంది.
Updated on: Jan 05, 2025 | 11:49 AM
Rohit Sharma and Virat Kohli Career May End: బోర్డర్ గవాస్కర్ ట్రోఫీ సిరీస్‌ను టీమిండియా కోల్పోయింది. సిడ్నీ టెస్టులో ఆరు వికెట్ల తేడాతో ఓడిన తర్వాత, ఆస్ట్రేలియాతో జరిగిన ఐదు మ్యాచ్‌ల సిరీస్‌ను 1-3తో కోల్పోయింది. ఈ ఓటమితో భారత జట్టు ప్రపంచ టెస్టు ఛాంపియన్‌షిప్‌కు దూరమైంది. ఈ సిరీస్‌లో రోహిత్ శర్మ, విరాట్ కోహ్లీల ప్రదర్శన చాలా నిరాశపరిచింది. వీరిద్దరూ బ్యాటింగ్ చేయలేదు. దీంతో భారత జట్టు భారీ నష్టాన్ని చవిచూడాల్సి వచ్చింది. అలాగే, బోర్డర్ గవాస్కర్ ట్రోపీని చేజార్చుకుంది.
ఈ సిరీస్‌లో కోహ్లి ఐదు మ్యాచ్‌ల్లో ఒక సెంచరీతో సహా మొత్తం 190 పరుగులు చేశాడు. కాగా, రోహిత్ మూడు మ్యాచ్‌ల్లో మొత్తం 31 పరుగులు చేశాడు. ఈ సిరీస్‌లో తొలి మ్యాచ్ ఆడలేకపోయాడు. అయితే, సిడ్నీ మ్యాచ్‌కు దూరమయ్యాడు. ఈ సమయంలో రోహిత్ రిటైర్మెంట్‌పై కూడా చర్చ మొదలైంది. టెస్టు క్రికెట్ నుంచి తప్పుకోవాలని రోహిత్‌కు సలహాలు ఇస్తున్నారు. సిడ్నీ టెస్టు తర్వాత రిటైర్మెంట్ ప్రకటించనున్నట్టు వార్తలు వచ్చాయి. ఇప్పుడు సిడ్నీ టెస్ట్ తర్వాత, ప్రధాన కోచ్ గౌతం గంభీర్ రోహిత్ శర్మ, విరాట్ కోహ్లీల భవిష్యత్తు గురించి కీలక ప్రకటన ఇచ్చాడు.
మ్యాచ్ అనంతరం విలేకరుల సమావేశంలో గంభీర్ మాట్లాడుతూ.. ఐదు నెలల సమయం ఉందని చెప్పుకొచ్చాడు. అంటే, ఆస్ట్రేలియా టూర్ తర్వాత టీమ్‌ఇండియా వచ్చే ఐదు నెలల పాటు ఎలాంటి టెస్టు ఆడదు. ఇప్పుడు టీం ఇండియా జూన్‌లో టెస్ట్ క్రికెట్ ఆడనుంది. ఐదు టెస్టుల సిరీస్ కోసం టీమిండియా ఇంగ్లండ్‌లో పర్యటించనుంది. ఆ పర్యటనలో చాలా విషయాలు మారవచ్చని గంభీర్ తెలిపాడు.
గంభీర్ మాట్లాడుతూ..” రోహిత్, కోహ్లీ రిటైర్మెంట్ గురించి మాట్లాడటం చాలా తొందరగా పడడమే అవుతుంది. మేం ప్లాన్ చేయడానికి ఐదు నెలల సమయం ఉంది. చాలా విషయాలు మారతాయి. ప్రజలు మారతారు. ఇంగ్లండ్ టూర్ ముందు ఈ విషయాలను చూద్దాం” అంటూ చెప్పుకొచ్చాడు.
శుభారంభం తర్వాత విఫలం..
జస్ప్రీత్ బుమ్రా కెప్టెన్సీలో పెర్త్ టెస్ట్ మ్యాచ్‌ను గెలవడం ద్వారా టీమిండియా తన ఆస్ట్రేలియా పర్యటనను అద్భుతంగా ప్రారంభించింది. అయితే, ఆ తర్వాత రోహిత్ శర్మ జట్టులోకి తిరిగి వచ్చాడు. టీమిండియా లయ దెబ్బతింది. అడిలైడ్, మెల్‌బోర్న్, సిడ్నీలలో పరాజయాలను ఎదుర్కొంది. గబ్బా టెస్ట్ డ్రాగా ముగిసింది. దీంతో ఆస్ట్రేలియా 10 సంవత్సరాల తర్వాత మొదటిసారిగా బోర్డర్ గవాస్కర్ టెస్ట్ సిరీస్‌ను గెలుచుకుంది.
మరిన్ని క్రీడా వార్తల కోసం ఇక్కడ క్లిక్ చేయండి..
