IND vs ENG, Guyana Weather: ఆగని వర్షం.. ఇంగ్లండ్ ఆశలు ఆవిరయ్యేనా? గయానాలో ప్రస్తుత పరిస్థితి ఇదే..
IND vs ENG, Guyana Weather: Accuweather ప్రకారం, భారత్ వర్సెస్ ఇంగ్లాండ్ మధ్య రెండవ సెమీ-ఫైనల్ ప్రారంభం ఆలస్యం అయ్యే అవకాశం ఉంది. స్థానిక కాలమానం ప్రకారం ఉదయం 10 గంటల వరకు, ప్రారంభానికి అరగంట ముందు, వర్షం పడే అవకాశం దాదాపు 66 శాతం ఉంటుందని తెలుస్తోంది. ఎక్కువగా మేఘావృతమై వర్షం పడే సూచన ఉంది.
IND vs ENG, Guyana Weather: టీ20 ప్రపంచకప్ 2024లో భారత్, ఇంగ్లండ్ జట్ల మధ్య రెండో సెమీ-ఫైనల్ మ్యాచ్ జరగడానికి మరికొన్ని గంటల సమయం మాత్రమే ఉంది. భారత కాలమానం ప్రకారం ఇరు జట్ల మధ్య ఈ పోరు రాత్రి 8 గంటలకు ప్రారంభం కానుంది. అయితే, అంతకంటే ముందే వాతావరణ నివేదిక ప్రకారం గయానాలో ఎడతెరిపి లేకుండా వర్షం కురుస్తోంది. స్థానిక కాలమానం ప్రకారం ఉదయం 10 గంటలకు మ్యాచ్ ప్రారంభం కానుంది. అయితే, ఇప్పటికే భారీ వర్షం కురుస్తుండటంతో మ్యాచ్ ప్రారంభం కాస్త ఆలస్యం కావచ్చు. ఇప్పటికే గయానాలో వర్షం కురుస్తున్న వీడియోలు సోషల్ మీడియాలో హల్ చల్ చేస్తున్నాయి.
మ్యాచ్‌కి వర్షం ముప్పు..
అక్యూవెదర్ ప్రకారం, భారత్ వర్సెస్ ఇంగ్లండ్ మధ్య రెండవ సెమీ-ఫైనల్ ప్రారంభం ఆలస్యం అయ్యే అవకాశం ఉంది. స్థానిక కాలమానం ప్రకారం ఉదయం 10 గంటల వరకు, ప్రారంభానికి అరగంట ముందు, వర్షం పడే అవకాశం దాదాపు 66 శాతం ఉంటుందని తెలుస్తోంది. వాతావరణం ఎక్కువగా మేఘావృతమై వర్షం పడే సూచన ఉంది. ఉదయం 11 గంటలకు కూడా ఇదే అంచనా ఉంది. వర్షం పడే అవకాశం 75 శాతానికి పెరుగుతుంది. అయితే, దాదాపు గంట తర్వాత అంటే మధ్యాహ్నం 12 గంటల తర్వాత పరిస్థితి మెరుగుపడుతుంది.
మధ్యాహ్నానికి మ్యాచ్ ప్రారంభం?
#WATCH | Rain lashes Guyana ahead of semi-final clash between India and England in T20 World Cup 2024 pic.twitter.com/roIl3RZcgZ
— ANI (@ANI) June 27, 2024
ఈ సమయంలో వర్షం పడే అవకాశం 49 శాతానికి తగ్గిపోయింది. స్థానిక కాలమానం ప్రకారం మధ్యాహ్నం 3 గంటల వరకు అంటే భారత కాలమానం ప్రకారం అర్ధరాత్రి 12:30 గంటల వరకు తేలికపాటి మేఘాలు ఆవరించి 35 నుంచి 40 శాతం వర్షం కురిసే అవకాశం ఉంది. మధ్యలో ఏదో ఒక మ్యాచ్ జరిగే అవకాశం ఉంది. సాయంత్రం 4 గంటలకు మళ్లీ వర్షం ప్రారంభమవుతుంది. దాని సంభావ్యత 50 శాతానికి పైగా పెరుగుతుంది. స్థానిక కాలమానం ప్రకారం సాయంత్రం 5 గంటలకు కూడా ఇదే పరిస్థితి ఉంటుంది.
మ్యాచ్ జరిగే అవకాశాలు..
Cloudy to begin the day with in Guyana but I see no threat to the India-England T20 World Cup semifinals – maybe a passing shower but we’ve 3 hours to the start of the game pic.twitter.com/mif9gzscVG
— Vikrant Gupta (@vikrantgupta73) June 27, 2024
సమాచారం ప్రకారం వర్షం ఆగితే నిర్ణీత సమయానికి మ్యాచ్ నిర్వహించవచ్చని అంటున్నారు. అలాగే, ఈ మ్యాచ్‌కి రిజర్వ్ డే కూడా నిర్ణయించలేదు. బదులుగా, ICC అదనపు 250 నిమిషాలను అనుమతించింది. ఈ లోపు మ్యాచ్‌ను పూర్తి చేయడానికి ఇరు జట్లు కనీసం 10 ఓవర్లు ఆడాల్సి ఉంటుంది. అది కుదరని పక్షంలో మ్యాచ్‌ను రద్దు చేస్తారు.
మరిన్ని క్రీడా వార్తల కోసం ఇక్కడ క్లిక్ చేయండి..
