Vijay Hazare Trophy: సంజూ శాంసన్‎కు పరాభవం.. కేరళను ఓడించి సెమీఫైనల్లోకి దూసుకెళ్లిన సర్వీస్ జట్టు..

విజయ్ హజారే ట్రోఫీలో సర్వీసెస్ క్రికెట్ జట్టు బుధవారం యువ వికెట్ కీపర్-బ్యాట్స్‌మెన్ సంజూ శాంసన్ కెప్టెన్సీలో కేరళను ఓడించి సెమీఫైనల్‌లోకి ప్రవేశించింది. డిసెంబర్ 24న జైపూర్‌లోని సవాయ్ మాన్‌సింగ్ స్టేడియంలో జరిగే సెమీస్‌లో హిమాచల్ ప్రదేశ్‌తో సర్వీసెస్ తలపడనుంది. సర్వీసెస్ విజయంలో ముగ్గురు హీరోలు ఉన్నారు. ఒకరు బాల్‌తో విధ్వంసం మాయ చేయగా, మిగతా ఇద్దరు బ్యాట్‌తో రాణించారు. తొలుత బ్యాటింగ్ చేసిన కేరళ కేవలం 175 పరుగులకు ఆలౌటైంది.

సర్వీస్‌లలో దివేష్‌తో పాటు అభిషేక్ తివారీ 33 పరుగులిచ్చి రెండు వికెట్లు, పుల్కిత్ నారంగ్ 51 పరుగులిచ్చి రెండు వికెట్లు తీశారు. కేరళ తరఫున ఓపెనర్ రోహన్ కునుమల్ 85 పరుగులు చేసి రనౌట్ అయ్యాడు. ఏడో ఓవర్లో మహ్మద్ అజారుద్దీన్ (07), జలజ్ సక్సేనా (00)లను వరుస బంతుల్లో ఔట్ చేయడం ద్వారా పథానియా కేరళను దెబ్బ తీశాడు. రోహన్, వినూప్ మనోహరన్ (41) మూడో వికెట్‌కు 81 పరుగులు జోడించి ఇన్నింగ్స్‌ను చక్కదిద్దారు.

లక్ష్యాన్ని ఛేదించిన సర్వీసెస్‌ ఆరంభంలోనే లఖన్‌ సింగ్‌ (04), ముంతాజ్‌ ఖాదిర్‌ (04) వికెట్లను కోల్పోయింది. అయితే చౌహాన్, పాలీవాల్‌లు సెంచరీ భాగస్వామ్యంతో రాణించి విజయం సాధించారు. దూకుడుగా బ్యాటింగ్ చేసిన చౌహాన్ 47 బంతుల్లోనే అర్ధ సెంచరీ పూర్తి చేశాడు. కెప్టెన్ పలివాల్ ఓపికగా బ్యాటింగ్ చేసి చౌహాన్‌కు మరింత స్ట్రైక్ ఇచ్చాడు.

Read Also.. Virat Kohli: మారిపోయిన విరాట్ కోహ్లీ గొంతు.. వింటే ఆశ్చర్య పోతారు.. వైరల్‎గా మారిన వీడియో..