Ravindra Jadeja: జడేజా క్రష్ ఎవరో తెలుసా..? పబ్లిక్గా చెప్పేసిన జడ్డూ భాయ్.. వైరల్ అవుతున్న ఫోటోలు..
Ravindra Jadeja: ప్రపంచ క్రికెట్లో టాప్ ఆల్రౌండర్స్ లిస్టులో తప్పక ఉండే పేరు రవీంద్ర జడేజా. భారత్ జట్టును ఎన్నో సందర్భాల్లో తన ఒంటరి పోరాటంతో గెలిపించిన జడేజా ఇప్పుడు టెస్ట్ క్రికెట్లో నెం.1 ఆల్రౌండర్. అయితే ఐపీఎల్ 2023..
Updated on: Jun 19, 2023 | 4:25 PM
Ravindra Jadeja: ప్రపంచ క్రికెట్లో టాప్ ఆల్రౌండర్స్ లిస్టులో తప్పక ఉండే పేరు రవీంద్ర జడేజా. భారత్ జట్టును ఎన్నో సందర్భాల్లో తన ఒంటరి పోరాటంతో గెలిపించిన జడేజా ఇప్పుడు టెస్ట్ క్రికెట్లో నెం.1 ఆల్రౌండర్. అయితే ఐపీఎల్ 2023 ఫైనల్లో చెన్నై సూపర్ కింగ్స్ని ఒంటి చేత్తో గెలిపించిన జడేజాకు సంబంధించిన పోస్ట్ ఒకటి ప్రస్తుతం సోషల్ మీడియాలో తెగ వైరల్ అవుతోంది. అవును, స్వతహాగానే గుర్రాలను ప్రేమించే జడేజా తన గుర్రంతో కలిసి దిగిన మూడు ఫోటోలను షేర్ చేశాడు. ‘ఫరెవర్ క్రష్’ అనే క్యాప్షన్ కూడా తన పోస్ట్కి జోడించాడు జడేజా.
వైరల్ అవుతున్న తాజా పోస్ట్
వైరల్ అవుతున్న తాజా ఫోటోలలో జడేజా బ్లూ కలర్ ట్రాక్, రెడ్ టీషర్ట్ ధరించి తన గుర్రాన్ని పట్టుకుని నిలుచున్నాడు. అయితే జడేజా తన గుర్రంతో కలిసి దిగిన ఫోటోలను పోస్ట్ చేయడం ఇదే తొలిసారి కాదు. గతేడాది జూన్లో కూడా జడేజా ఇదే తరహాలో ‘టు ఇండియన్ మేల్’ అంటూ 3 ఫోటోలను షేర్ చేశాడు.
Forever crush ❤️? #meetingafterlongtime pic.twitter.com/NvrvZrqenV
— Ravindrasinh jadeja (@imjadeja) June 18, 2023
గతేడాది పోస్ట్
Two Indian male??#strongpersonality pic.twitter.com/01eN7Zdjbd
— Ravindrasinh jadeja (@imjadeja) June 3, 2022
కాగా, ఇటీవల జరిగిన వరల్డ్ టెస్ట్ చాంపియన్షిప్ ఫైనల్లో జడేజా 4 వికెట్లు పడగొట్టడంతో పాటు 48 పరుగులు చేశాడు. ఇంకా ఆ మ్యాచ్లో తీసిన వికెట్ల ద్వారా టీమిండియా మాజీ బిషన్ సింగ్ బేడీని అధిగమించి టెస్ట్ క్రికెట్లో భారత్ తరఫున అత్యధిక వికెట్లు పడగొట్టిన రైట్ ఆర్మ్ స్పిన్నర్గా నిలిచాడు. ఇంకా ఐపీఎల్ కంటే ముందు జరిగిన బోర్డర్ గవాస్కర్ ట్రోఫీలో కూడా జడ్డూ ఆల్రౌండర్గా మెరిసి.. అశ్విన్తో పాటు ప్లేయర్ ఆఫ్ ది సిరీస్గా నిలిచాడు.
మరిన్ని క్రీడా వార్తల కోసం ఇక్కడ క్లిక్ చేయండి..
