Video: 10 బంతుల్లో 3 వికెట్లు.. ఆస్ట్రేలియా సారథి సవాల్కు దిమ్మ తిరిగే షాక్ ఇచ్చిన జడేజా..
India vs Australia, Ravindra Jadeja: రవీంద్ర జడేజా ప్రపంచకప్ 2023లో అద్భుతంగా అరంగేట్రం చేశాడు. ఈ లెఫ్ట్ ఆర్మ్ స్పిన్నర్ ఆస్ట్రేలియాపై 10 బంతుల్లో 3 వికెట్లు తీశాడు. స్టీవ్ స్మిత్, మార్నస్ లాబుషాగ్నే, అలెక్స్ కారీల వికెట్లు తీసిన జడ్డూ.. చెపాక్లో అద్భుతాలు చేశాడు. దీంతో మ్యాచ్కు ముందు ఆస్ట్రేలియా సారథి సవాల్కు దిమ్మతిరిగే షాక్ ఇచ్చాడు.
Updated on: Oct 08, 2023 | 5:29 PM
India vs Australia, Ravindra Jadeja: ప్రపంచ కప్ 2023 ఐదో మ్యాచ్లో టీమిండియా లెఫ్ట్ ఆర్మ్ స్పిన్నర్ రవీంద్ర జడేజా అద్భుతాలు చేశాడు. ఆస్ట్రేలియాపై జడేజా ప్రపంచంలోనే ది బెస్ట్ బ్యాట్స్మెన్లను కూడా పిచ్పై చుక్కలు చూపించాడు. ఆస్ట్రేలియన్ బ్యాట్స్మెన్స్ సమాధానం లేక వరుసగా పెవిలియన్ చేరారు. మొదట్లో చెపాక్ స్టేడియంలో ఆస్ట్రేలియా బ్యాట్స్మెన్లు వికెట్పై స్థిరంగా పరుగులు రాబడుతూ.. నిలదొక్కుకున్నారు. స్టీవ్ స్మిత్, మార్నస్ లాబుస్చాగ్నే భారీ భాగస్వామ్యం దిశగా సాగుతున్నారు. అయితే, ఆ తర్వాత 28, 30 ఓవర్లలో జడేజా ఆస్ట్రేలియాను పూర్తిగా వెనక్కు నెట్టాడు.
ఆస్ట్రేలియాపై జడేజా సరైన లెంగ్త్లో బౌలింగ్ చేసి 10 బంతుల్లో 3 వికెట్లు పడగొట్టాడు. 28వ ఓవర్లో స్టీవ్ స్మిత్ను జడేజా అవుట్ చేశాడు. ఆ తర్వాతి ఓవర్లో అతను మార్నస్ లాబుస్చాగ్నే, అలెక్స్ కారీల వికెట్లు పడగొట్టాడు.
స్మిత్ను ట్రాప్ చేసిన జడేజా..
ODI క్రికెట్లో, జడేజాపై స్మిత్ సగటు 100 కంటే ఎక్కువగానే ఉంది. కానీ, చెన్నైలో జడ్డూ ఈ సీనియర్ ప్లేయర్కు షాక్ ఇచ్చాడు. డ్రింక్స్ బ్రేక్ తర్వాత తొలి బంతికే స్మిత్ను జడేజా అవుట్ చేశాడు. జడేజా వేసిన ఈ బంతి నిజంగా అద్భుతం. జడేజా బంతిని గాలిలోకి లోపలికి విసిరాడు. పిచ్ టచ్ చేసిన తర్వాత అది బయటికి వెళ్లింది. స్మిత్ దానిని ఆడేందుకు ఫ్రంట్ ఫుట్ డిఫెన్స్ ఉపయోగించాడు. కానీ, జడేజా వేసిన బంతి అతని డిఫెన్స్ గుండా వెళ్లింది.
జడేజా ఉచ్చులో చిక్కుకున్న స్మిత్..
View this post on Instagram
జడేజా కూడా తన బౌలింగ్ స్పీడ్తో స్మిత్ను ట్రాప్ చేశాడు. అతను మొదటి రెండు బంతులను వేగంగా బౌల్డ్ చేశాడు. మూడవ బంతి కొద్దిగా నెమ్మదిగా విసిరాడు. దీంతో ఈ బంతిని చూసి ఆశ్చర్యపోవడం స్మిత్ వంతైంది. ఆ తర్వాత, జడేజా మరుసటి ఓవర్లో లాబుషాగ్నే వికెట్ తీశాడు. లాబుస్చాగ్నే తన బంతిపై స్వీప్ ఆడేందుకు ప్రయత్నించాడు. కానీ బంతి బ్యాట్ అంచుని తీసుకుని రాహుల్ గ్లోవ్స్లో పడింది. దీని తర్వాత జడేజా రెండు బంతుల తర్వాత అలెక్స్ కారీని ఎల్బీడబ్ల్యూ చేసి, కేవలం 10 బంతుల్లో ఆస్ట్రేలియాకు 3 షాక్లు ఇచ్చాడు. జడేజా చెన్నైలో చాలా క్రికెట్ ఆడాడు. ఐపీఎల్లో అతని సొంత మైదానం కూడా ఇదే. చెన్నై 22 గజాల స్ట్రిప్లో జడ్డూ అత్యుత్తమంగా బౌలింగ్ చేయడానికి కారణం ఇదేనని అంటున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..
