సింగిల్ డిజిట్కే 8 మంది ఔట్.. కట్ చేస్తే.. సెంచరీతో బౌలర్ల తాట తీసిన టీమిండియా యంగ్ ప్లేయర్..
India Vs South Africa: 8 మంది భారత బ్యాట్స్మెన్లకు 9 పరుగులు చేయడం కష్టంగా మారిన ఆ మైదానంలో రిషబ్ పంత్ బౌలర్లను చిత్తు చేశాడు.
Updated on: Jan 14, 2023 | 10:08 AM
India Vs South Africa: సరిగ్గా ఏడాది క్రితం కేప్ టౌన్ వేదికగా దక్షిణాఫ్రికాపై రిషబ్ పంత్ చేసిన సెంచరీని ఎవరు మర్చిపోలేరు. అయితే అతని సెంచరీ భారత్ను గెలిపించకపోవడంతో 7 వికెట్ల తేడాతో ఓటమి చవిచూడాల్సి వచ్చింది. ఈ ఓటమికి ఒక సంవత్సరం గడిచింది. ప్రస్తుతం కారు ప్రమాదంలో గాయపడిన పంత్.. ఆటకు దూరంగా ఉన్నాడు. కానీ, పంత్ పోరాట పటిమను చూసిన అభిమానులు మాత్రం.. ఆ సందర్భాన్ని గుర్తు చేసుకుంటూనే ఉన్నారు. జనవరి 11 నుంచి 14 వరకు జరిగిన ఈ టెస్ట్ మ్యాచ్లో, పంత్ 9 పరుగుల తర్వాత కూడా 8 మంది భారత బ్యాట్స్మెన్లు కుప్పకూలిన సమయంలో అజేయంగా 100 పరుగులు చేశాడు.
తొలుత బ్యాటింగ్ చేసిన భారత జట్టు తొలి ఇన్నింగ్స్లో 223 పరుగులకు ఆలౌటైంది. తొలి ఇన్నింగ్స్లో విరాట్ కోహ్లీ అత్యధికంగా 79 పరుగులు చేశాడు.
రెండంకెలు దాటని 8 మంది బ్యాట్స్మెన్స్..
జస్ప్రీత్ బుమ్రా ధాటికి దక్షిణాఫ్రికా జట్టు మొత్తం తొలి ఇన్నింగ్స్లో 210 పరుగులకే కుప్పకూలింది. బుమ్రా 42 పరుగులిచ్చి 5 వికెట్లు తీశాడు. తొలి ఇన్నింగ్స్లో భారత్ స్వల్ప ఆధిక్యం సాధించినా.. భారత జట్టు సద్వినియోగం చేసుకోలేకపోయింది. రెండో ఇన్నింగ్స్లో భారత్ బ్యాటింగ్ దారుణంగా పడిపోయింది. పంత్ మినహా ఎవ్వరూ రాణించలేకపోయారు.
విరాట్ కోహ్లీ అత్యధికంగా 29 పరుగులు చేశాడు. అదే సమయంలో కేఎల్ రాహుల్ 10 పరుగులకు చేరుకోగలిగాడు. మిగిలిన 8 మంది బ్యాట్స్మెన్లు మయాంక్ అగర్వాల్, ఛెతేశ్వర్ పుజారా, అజింక్యా రహానే, ఆర్ అశ్విన్, శార్దూల్ ఠాకూర్, ఉమేష్ యాదవ్, మహ్మద్ షమీ, జస్ప్రీత్ బుమ్రా రెండంకెల స్కోరు కూడా దాటలేకపోయారు. ఈ 8 మంది బ్యాట్స్మెన్లలో పుజారా మాత్రమే 9 పరుగులు చేయగలిగాడు. భారత్ రెండో ఇన్నింగ్స్లో 198 పరుగులకే కుప్పకూలింది.
పంత్ చివరి వరకు అలాగే..
రెండో ఇన్నింగ్స్లో భారత బ్యాట్స్మెన్ ఇబ్బంది పడుతున్న అదే పిచ్పై పంత్ 139 బంతుల్లో అజేయంగా 100 పరుగులు చేసి చివరి వరకు మైదానంలో నిలిచాడు. ఈ సమయంలో అతను 6 ఫోర్లు, 4 సిక్సర్లు బాదాడు. పంత్ సెంచరీ ఆధారంగా భారత్ రెండో ఇన్నింగ్స్ కనీసం 198 పరుగుల వద్దే ఆగిపోయింది. ఆతిథ్య జట్టుకు భారత్ 212 పరుగుల లక్ష్యాన్ని నిర్దేశించగా, దక్షిణాఫ్రికా 3 వికెట్లు కోల్పోయి ఛేదించింది. దీంతో మూడు టెస్టుల సిరీస్ను దక్షిణాఫ్రికా 2-1 తేడాతో కైవసం చేసుకుంది.
మరిన్ని క్రికెట్ వార్తల కోసం ఇక్కడ క్లిక్ చేయండి..
