IPL 2023: ధోని దూరం.. కెప్టెన్గా స్టోక్స్? తుది జట్టులో హార్డ్ హిట్టర్లు.. ఆ ముగ్గురే కీలకం.!
క్రికెట్ ఫ్యాన్స్ ఎంతగానో ఎదురుచూస్తున్న ఐపీఎల్ 2023 సీజన్కు రంగం సిద్దమైంది. శుక్రవారం అహ్మదాబాద్ వేదికగా తొలి మ్యాచ్లో..
Updated on: Mar 31, 2023 | 8:19 AM
క్రికెట్ ఫ్యాన్స్ ఎంతగానో ఎదురుచూస్తున్న ఐపీఎల్ 2023 సీజన్కు రంగం సిద్దమైంది. శుక్రవారం అహ్మదాబాద్ వేదికగా తొలి మ్యాచ్లో గుజరాత్ టైటాన్స్, చెన్నై సూపర్ కింగ్స్ తలబడతాయి. ఇరు జట్లూ విజయమే లక్ష్యంగా బరిలోకి దిగుతున్నాయి. ఈ రెండు జట్లకు కీలక ఆటగాళ్లు తొలి మ్యాచ్కు దూరం కానున్నారు. కొందరు జాతీయ జట్టు డ్యూటీలో ఉండగా.. మరికొందరు గాయాలు కారణంగా దూరమయ్యారు.
ఇదిలా ఉండగా.. ప్రాక్టీస్ సెషన్లో బ్యాటింగ్ చేస్తూ ధోని గాయపడినట్లుగా వార్తలు వినిపిస్తున్నాయి. ఈ క్రమంలో అతడికి తొలి మ్యాచ్కు విశ్రాంతి ఇవ్వాలని సీఎస్కే వైద్యబృందం సూచించినట్లు సమాచారం. కానీ దీనిపై ఆ ఫ్రాంచైజీ సీఈఓ క్లారిటీ ఇచ్చాడు. ధోని వంద శాతం ఫిట్గా ఉన్నాడని.. మొదటి మ్యాచ్ ఆడతాడని స్పష్టం చేశాడు. ఒకవేళ ధోని మొదటి మ్యాచ్కు దూరమైతే.. కెప్టెన్గా బెన్ స్టోక్స్ వ్యవహరించే అవకాశం ఉంది. ధోని టీం.. విధ్వంసకర ఓపెనర్లు, టీ20 ఫినిషర్లతో బరిలోకి దిగుతుంటే.. గుజరాత్ టైటాన్స్ మరోసారి విన్నింగ్ టీం కాంబినేషన్లో దిగుతోంది.
చెన్నై సూపర్ కింగ్స్(ప్లేయింగ్ 11- అంచనా):
డెవాన్ కాన్వే, రుతురాజ్ గైక్వాడ్, మొయిన్ అలీ, శివం దూబే, అంబటి రాయుడు, బెన్ స్టోక్స్, రవీంద్ర జడేజా, ఎంఎస్ ధోనీ, దీపక్ చాహర్, తుషార్ దేశ్పాండే, మతీషా పతిరన
గుజరాత్ టైటాన్స్(ప్లేయింగ్ 11 – అంచనా):
శుభ్మాన్ గిల్, వృద్ధిమాన్ సాహా, కేన్ విలియమ్సన్, హార్దిక్ పాండ్యా, విజయ్ శంకర్, మాథ్యూ వేడ్, రాహుల్ తెవాటియా, రషీద్ ఖాన్, శివమ్ మావి, మహమ్మద్ షమీ, జాషువా లిటిల్
