114 బంతుల్లో డబుల్ సెంచరీ.. వరుసగా 5 సెంచరీలు.. పంత్ ప్లేస్లో ఖతర్నాక్ ప్లేయర్ ఎంట్రీ..
IND vs ENG: నాలుగో టెస్టు మొదటి రోజున బ్యాటింగ్ చేస్తున్నప్పుడు క్రిస్ వోక్స్ వేసిన బంతి తగిలి పంత్ కాలికి గాయమైంది. తీవ్ర నొప్పి ఉన్నప్పటికీ, పంత్ రెండో రోజున బ్యాటింగ్కు దిగి అర్ధ సెంచరీ సాధించి తన పోరాట పటిమను చాటాడు. అయితే, గాయం తీవ్రత ఎక్కువగా ఉండటంతో, అతను ఈ మ్యాచ్లో వికెట్ కీపింగ్ బాధ్యతల నుంచి తప్పుకున్నాడు.
Updated on: Jul 26, 2025 | 9:47 PM
India vs England: మాంచెస్టర్ టెస్ట్లో రిషబ్ పంత్ కాలికి గాయం కావడంతో, ఈ సిరీస్లో ఇకపై పాల్గొనలేడు. అతని స్థానంలో ఇషాన్ కిషన్ను ఎంపిక చేయాలనే చర్చ జరిగింది. కానీ. ఇప్పుడు అతని స్థానంలో తమిళనాడు వికెట్ కీపర్కు ఈ అవకాశం లభించింది.
ఇంగ్లాండ్తో జరుగుతున్న టెస్ట్ సిరీస్లో భారత జట్టుకు గాయాల బెడద వెంటాడుతోంది. మాంచెస్టర్లో జరుగుతున్న నాలుగో టెస్టులో రిషబ్ పంత్కు కాలికి గాయం కావడంతో, చివరి టెస్టుకు అతని స్థానంలో తమిళనాడు వికెట్ కీపర్-బ్యాట్స్మెన్ ఎన్. జగదీశన్ను ఎంపిక చేశారు. ఇది జగదీశన్కు భారత టెస్ట్ జట్టులోకి తొలి పిలుపు కావడం విశేషం.
పంత్ గాయం, జట్టుకు ఎదురుదెబ్బ..
నాలుగో టెస్టు మొదటి రోజున బ్యాటింగ్ చేస్తున్నప్పుడు క్రిస్ వోక్స్ వేసిన బంతి తగిలి పంత్ కాలికి గాయమైంది. తీవ్ర నొప్పి ఉన్నప్పటికీ, పంత్ రెండో రోజున బ్యాటింగ్కు దిగి అర్ధ సెంచరీ సాధించి తన పోరాట పటిమను చాటాడు. అయితే, గాయం తీవ్రత ఎక్కువగా ఉండటంతో, అతను ఈ మ్యాచ్లో వికెట్ కీపింగ్ బాధ్యతల నుంచి తప్పుకున్నాడు. అతని స్థానంలో ధ్రువ్ జురెల్ కీపింగ్ చేశాడు. స్కానింగ్లో పంత్కు కాలి బొటనవేలుకు ఫ్రాక్చర్ అయినట్లు తేలింది. దీంతో అతను మిగిలిన సిరీస్కు దూరం కానున్నాడు.
భారత జట్టు వైస్ కెప్టెన్, కీలక వికెట్ కీపర్-బ్యాట్స్మెన్ అయిన పంత్ లేకపోవడం జట్టుకు పెద్ద లోటు. అతను సిరీస్లో ఇప్పటికే రెండు సెంచరీలు, మూడు అర్ధ సెంచరీలు చేసి భారత బ్యాటింగ్కు వెన్నెముకగా నిలిచాడు. ఇషాన్ కిషన్ కూడా చీలమండ గాయం కారణంగా అందుబాటులో లేకపోవడంతో, సెలెక్టర్లు ఎన్. జగదీశన్ వైపు మొగ్గు చూపారు.
జగదీశన్కు అద్భుత అవకాశం..
29 ఏళ్ల ఎన్. జగదీశన్ దేశీయ క్రికెట్లో తమిళనాడు తరపున నిలకడగా రాణిస్తున్న వికెట్ కీపర్-బ్యాట్స్మెన్. ఫస్ట్-క్లాస్ క్రికెట్లో అతని రికార్డు ఆకట్టుకుంటుంది.
ఫస్ట్-క్లాస్ క్రికెట్: 52 మ్యాచ్లలో 47.50 సగటుతో 3,373 పరుగులు.
సెంచరీలు: 10
అర్ధ సెంచరీలు: 14
గత రంజీ ట్రోఫీ సీజన్లో, జగదీశన్ తమిళనాడు తరపున అత్యధిక పరుగులు చేసిన ఆటగాడిగా నిలిచాడు. ఎనిమిది మ్యాచ్లలో 56.16 సగటుతో 674 పరుగులు చేశాడు. ఇందులో రెండు సెంచరీలు, ఐదు అర్ధ సెంచరీలు ఉన్నాయి. వికెట్ కీపర్లలో విదర్భకు చెందిన అక్షయ్ వడ్కర్ మాత్రమే అతనికంటే ఎక్కువ పరుగులు చేశాడు.
జగదీశన్కు భారత జట్టులోకి ఈ పిలుపు అకస్మాత్తుగా రాలేదని, గత రెండు-మూడు సంవత్సరాలుగా అతను “టార్గెటెడ్ ప్లేయర్స్ లిస్ట్”లో ఉన్నాడని స్వయంగా తెలిపాడు. NCAలో ఇతర టాప్ వికెట్ కీపర్లతో కలిసి శిక్షణ పొందానని, అంతర్జాతీయ అవకాశాల కోసం తాను సిద్ధంగా ఉన్నానని చెప్పాడు. ధ్రువ్ జురెల్ జట్టులో ఉన్నప్పటికీ, జగదీశన్కు అంతర్జాతీయ టెస్ట్ అరంగేట్రం చేసే అవకాశం వస్తుందా అనేది ఆసక్తికరంగా మారింది.
రిషబ్ పంత్కు గాయం కావడం భారత జట్టుకు ఒక నష్టం అయినప్పటికీ, ఎన్. జగదీశన్కు ఇది ఒక పెద్ద అవకాశం. దేశీయ క్రికెట్లో తన నిలకడైన ప్రదర్శనతో అందరి దృష్టిని ఆకర్షించిన జగదీశన్, ఈ అవకాశాన్ని ఎలా సద్వినియోగం చేసుకుంటాడో చూడాలి. భారత జట్టు ఇంగ్లాండ్తో చివరి టెస్టులో ఎలా రాణిస్తుందో వేచి చూడాలి.
మరిన్ని క్రికెట్ వార్తల కోసం ఇక్కడ క్లిక్ చేయండి..
