MI Playoffs: 7 మ్యాచ్‌లు, 2 విజయాలు.. కట్‌చేస్తే.. ముంబై ప్లేఆఫ్స్ చేరాలంటే ఇలా జరగాల్సిందే?

Mumbai Indians Playoffs Race: ఐపీఎల్ 2026 సీజన్‌లో ఐదుసార్లు ఛాంపియన్ ముంబై ఇండియన్స్ పరిస్థితి అగమ్యగోచరంగా మారింది. చెన్నై సూపర్ కింగ్స్‌తో జరిగిన కీలక పోరులో ఘోర పరాజయం పాలైన హార్దిక్ పాండ్యా సేన, పాయింట్ల పట్టికలో అట్టడుగుకు పడిపోయింది. ఆడిన ఏడు మ్యాచ్‌లలో ఐదు ఓటములతో సతమతమవుతున్న ముంబై, అసలు ప్లేఆఫ్స్ రేసులో నిలుస్తుందా లేదా అన్నది ఇప్పుడు మిలియన్ డాలర్ల ప్రశ్నగా మారింది.

Mumbai

Venkata Chari |
Updated on: Apr 24, 2026 | 6:30 PM

Mumbai Indians Playoffs Race: ముంబైలోని సొంత మైదానం వాంఖడే స్టేడియంలో గురువారం జరిగిన మ్యాచ్‌లో చెన్నై సూపర్ కింగ్స్ అద్భుత విజయాన్ని అందుకుంది. మొదట బ్యాటింగ్ చేసిన చెన్నై 207 పరుగుల భారీ లక్ష్యాన్ని నిర్దేశించగా, ముంబై ఇండియన్స్ కేవలం 104 పరుగులకే కుప్పకూలింది. 103 పరుగుల భారీ తేడాతో ఓడిపోవడం ముంబై చరిత్రలోనే అతిపెద్ద పరాజయంగా నమోదైంది. గత 19 ఏళ్ల ఐపీఎల్ చరిత్రలో ముంబై జట్టుకు ఇంతటి అవమానకర ఓటమి ఎప్పుడూ ఎదురుకాలేదు. కెప్టెన్ హార్దిక్ పాండ్యా నాయకత్వంపై ఇప్పుడు తీవ్ర విమర్శలు వెల్లువెత్తుతున్నాయి.

పాయింట్ల పట్టికలో దారుణమైన స్థితి..

ప్రస్తుత సీజన్‌లో ముంబై ప్రయాణం సగం పూర్తయింది. ఏడు మ్యాచ్‌లలో కేవలం రెండింటిలో మాత్రమే గెలిచిన ముంబై, 4 పాయింట్లతో ఎనిమిదో స్థానంలో ఉంది. ఈ భారీ ఓటమి వల్ల ముంబై నెట్ రన్ రేట్ (-0.736) దారుణంగా పడిపోయింది. టోర్నీలో ముందంజ వేయాలంటే రన్ రేట్ అత్యంత కీలకం కానుంది. కానీ, ప్రస్తుత పరిస్థితులు జట్టుకు ఏమాత్రం అనుకూలంగా లేవు.

ప్లేఆఫ్స్ చేరాలంటే ఏం చేయాలి?

ముంబై ఇండియన్స్ ప్లేఆఫ్స్ చేరడం ఇప్పుడు చాలా కష్టతరమైన సమీకరణంగా మారింది. సాధారణంగా ఐపీఎల్‌లో ప్లేఆఫ్స్‌కు అర్హత సాధించాలంటే కనీసం 16 పాయింట్లు అవసరం. అంటే ముంబై తన మిగిలిన ఏడు మ్యాచ్‌లలో కనీసం ఆరింటిలో విజయం సాధించాల్సి ఉంటుంది. కేవలం విజయాలే సరిపోవు, నెట్ రన్ రేట్‌ను కూడా భారీగా మెరుగుపరుచుకోవాలి. హార్దిక్ సేన ప్రస్తుతం ఉన్న ఫామ్ చూస్తుంటే ఇది అసాధ్యమైన పనిగా కనిపిస్తోంది, కానీ క్రికెట్‌లో ఏదైనా జరగవచ్చు.