Watch Video: రంజీ ట్రోఫీ ఫైనల్ మ్యాచ్‌లో సెంచరీ ఇన్నింగ్స్.. ఏడ్చేసిన బ్యాట్స్‌మెన్..

Watch Video: రంజీ ట్రోఫీ ఫైనల్ మ్యాచ్‌లో సెంచరీ ఇన్నింగ్స్.. ఏడ్చేసిన బ్యాట్స్‌మెన్..
Ranji Trophy Sarfaraz Khan

ఈ సీజన్‌లో 133.85 సగటుతో 937 పరుగులు చేశాడు. కనీసం 2000 ఫస్ట్ క్లాస్ పరుగులు చేసిన బ్యాట్స్‌మెన్‌లలో అతని సగటు 82గా నిలిచింది. సర్ఫరాజ్ ఖాన్ సరసన డాన్ బ్రాడ్‌మన్ మాత్రమే ఉండడం విశేషం.

Venkata Chari

|

Jun 23, 2022 | 4:11 PM

రంజీ ట్రోఫీలో ముంబై బ్యాట్స్‌మెన్ సర్ఫరాజ్ ఖాన్ అద్భుతమైన ఫామ్‌తో దూసుకపోతున్నాడు. మధ్యప్రదేశ్‌తో జరుగుతున్న ఫైనల్ మ్యాచ్‌లో ఈ సీజన్‌లో ఈ ఆటగాడు నాలుగో సెంచరీ సాధించాడు. సెంచరీ చేసిన తర్వాత సర్ఫరాజ్ తీవ్ర భావోద్వేగానికి గురై ఏడవడం మొదలుపెట్టాడు. ఈ వీడియోను బీసీసీఐ నెట్టింట్లో షేర్ చేసింది. అలాగే ఇటీవలే ప్రపంచానికి వీడ్కోలు పలికిన పంజాబీ గాయకుడు సిద్ధూ ముసేవాలాకు కూడా అతను తన సంతకం స్టెప్ వేసి నివాళులర్పించాడు. ఈ సందర్భంగా సర్ఫరాజ్ ఖాన్ చాలా ఎమోషనల్‌గా కనిపించాడు. దీనికి సంబంధించిన వీడియో సోషల్ మీడియాలో వైరల్ అవుతోంది.

ఈ మ్యాచ్‌లో సర్ఫరాజ్ బ్యాట్ 243 బంతుల్లో 134 పరుగులు చేసింది. ఈ క్రమంలో అతను 13 ఫోర్లు, 2 సిక్సర్లు బాదాడు. ముంబై మొత్తం ఇన్నింగ్స్ 374 పరుగుల వద్ద ముగిసింది. ముంబైకి సర్ఫరాజ్‌తో పాటు యశస్వి జైస్వాల్ 78, పృథ్వీ షా 47 పరుగులు చేసి, ఆకట్టుకున్నారు.

130 కంటే ఎక్కువ సగటుతో పరుగులు..

రంజీ ట్రోఫీ చివరి సీజన్‌లో సర్ఫ్రరాజ్ 9 ఇన్నింగ్స్‌ల్లో 928 పరుగులు చేశాడు. అదే సమయంలో ఈ సీజన్‌లో 133.85 సగటుతో 937 పరుగులు చేశాడు. కనీసం 2000 ఫస్ట్ క్లాస్ పరుగులు చేసిన బ్యాట్స్‌మెన్‌లలో అతని సగటు 82గా నిలిచింది. సర్ఫరాజ్ ఖాన్ సరసన డాన్ బ్రాడ్‌మన్ మాత్రమే ఉండడం విశేషం.

ఇవి కూడా చదవండి

ఫైనల్‌కు ముందు సర్ఫరాజ్ ఖాన్ బ్యాట్ 275, 63, 48, 165, 153, 40, 59 నాటౌట్‌గా నిలిచాడు. గురువారం 248/5తో ఇన్నింగ్స్‌ను కొనసాగించిన ముంబై 126 పరుగులు జోడించి 5 వికెట్లు కోల్పోయింది.

Follow us on

Related Stories

Most Read Stories

Click on your DTH Provider to Add TV9 Telugu