IPL 2024 Purple Cap: పంజాబ్ను వణికించాడు.. కట్చేస్తే.. పర్పుల్ క్యాప్లో అగ్రస్థానికి యార్కర్ కింగ్..
IPL 2024 Purple Cap: జస్ప్రీత్ బుమ్రా పర్పుల్ క్యాప్ హోల్డర్ అయ్యాడు. పంజాబ్ కింగ్స్పై మూడు వికెట్లు తీసి యుజ్వేంద్ర చాహల్ నుంచి నంబర్ వన్ కిరీటాన్ని కొల్లగొట్టాడు. దీంతో ప్రస్తుతం పర్పుల్ క్యాప్ రేసు మరింత ఆసక్తిగా మారింది.
Updated on: Apr 19, 2024 | 12:21 PM
IPL 2024 Purple Cap: జస్ప్రీత్ బుమ్రా పర్పుల్ క్యాప్ హోల్డర్ అయ్యాడు. పంజాబ్ కింగ్స్పై 21 పరుగులకు మూడు వికెట్లు పడగొట్టిన ముంబై ఇండియన్స్ స్టార్ బౌలర్ పర్పుల్ క్యాప్ దక్కించుకున్నాడు. యుజ్వేంద్ర చాహల్ రెండో స్థానానికి పడిపోయాడు. ముంబై-పంజాబ్ జట్ల మధ్య జరిగిన మ్యాచ్ తర్వాత పర్పుల్ క్యాప్ రేసులో మూడు మార్పులు చోటు చేసుకున్నాయి.
బుమ్రా అగ్రస్థానానికి చేరుకోవడంతోఅతని ఎంట్రీతో చెన్నై సూపర్ కింగ్స్ స్టార్ బౌలర్ ముస్తాఫిజుర్ రెహమాన్, సన్రైజర్స్ హైదరాబాద్ కెప్టెన్ పాట్ కమిన్స్ రేసుకు దూరమయ్యారు.
జస్ప్రీత్ బుమ్రా (ముంబై ఇండియన్స్): ముంబై ఇండియన్స్కు చెందిన జస్ప్రీత్ బుమ్రా 5.96 ఎకానమీతో 7 మ్యాచ్ల్లో మొత్తం 13 వికెట్లు సాధించాడు. అతని సగటు 12.92. అతను పర్పుల్ క్యాప్ హోల్డర్గా మారాడు.
యుజ్వేంద్ర చాహల్ (రాజస్థాన్ రాయల్స్): రాజస్థాన్ ఆటగాడు యుజ్వేంద్ర చాహల్ రెండో స్థానానికి పడిపోయాడు. 7 మ్యాచ్లలో, అతను 8.34 ఎకానమీతో 12 వికెట్లను తన పేరిట కలిగి ఉన్నాడు. అతని సగటు 18.08.
గెరాల్డ్ కోయెట్జీ (ముంబై ఇండియన్స్): ముంబైకి చెందిన గెరాల్డ్ కోయెట్జీ కూడా పంజాబ్పై 32 పరుగులకు మూడు వికెట్లు పడగొట్టి టాప్ 5లోకి ప్రవేశించాడు. అతను 9.92 ఎకానమీతో 7 మ్యాచ్ల్లో 12 వికెట్లతో మూడో స్థానంలో ఉన్నాడు. అతని సగటు 21.91.
ఖలీల్ అహ్మద్ (ఢిల్లీ క్యాపిటల్స్): ఖలీల్ అహ్మద్ 7 మ్యాచ్ల్లో 8.17 ఎకానమీతో మొత్తం 10 వికెట్లు సాధించాడు. అతని సగటు 22.90. ఈ రేసులో అతను నాలుగో స్థానానికి పడిపోయాడు.
కగిసో రబడ (పంజాబ్ కింగ్స్): ముంబైపై పంజాబ్ కింగ్స్కు చెందిన కగిసో రబాడ విజయం సాధించాడు. దీంతో పర్పుల్ క్యాప్ రేసులో 8.77 ఎకానమీతో 7 మ్యాచ్ల్లో 10 వికెట్లు పడగొట్టి 5వ స్థానానికి చేరుకున్నాడు.
ఐపీఎల్ 2024 పాయింట్ల పట్టిక..
| జట్టు స్థానం | జట్టు | మ్యాచ్లు | విజయాలు | ఓటమి | పాయింట్లు | నికర రన్ రేట్ |
| 1 | రాజస్థాన్ రాయల్స్ | 7 | 6 | 1 | 12 | 0.677 |
| 2 | కోల్కతా నైట్ రైడర్స్ | 6 | 4 | 2 | 8 | 1.399 |
| 3 | చెన్నై సూపర్ కింగ్స్ | 6 | 4 | 2 | 8 | 0.726 |
| 4 | సన్రైజర్స్ హైదరాబాద్ | 6 | 4 | 2 | 8 | 0.502 |
| 5 | లక్నో సూపర్ జెయింట్స్ | 6 | 3 | 3 | 6 | 0.038 |
| 6 | ఢిల్లీ క్యాపిటల్స్ | 7 | 3 | 4 | 6 | -0.074 |
| 7 | ముంబై ఇండియన్స్ | 7 | 3 | 4 | 6 | -0.133 |
| 8 | గుజరాత్ టైటాన్స్ | 7 | 3 | 4 | 6 | -1.303 |
| 9 | పంజాబ్ కింగ్స్ | 7 | 2 | 5 | 4 | -0.251 |
| 10 | రాయల్ ఛాలెంజర్స్ బెంగళూరు | 7 | 1 | 6 | 2 | -1.185 |
మరిన్ని క్రీడా వార్తల కోసం ఇక్కడ క్లిక్ చేయండి..
