IPL 2023 Playoffs: ప్లే ఆఫ్స్‌లో ముంబైకు తిరుగులేదుగా.. ఐపీఎల్ చరిత్రలో తొలిజట్టుగా.. రికార్డులు చూస్తే లక్నోకు వణుకే..
Lucknow Super Giants vs Mumbai Indians, Eliminator: ఐపీఎల్ ప్లేఆఫ్స్‌లో ముంబై ఇండియన్స్ అత్యంత విజయవంతమైన జట్టుగా నిలిచిన సంగతి తెలిసిందే. ప్లేఆఫ్ మ్యాచ్‌లలో ముంబై ఇండియన్స్ 66.67 విజయ శాతంతో అగ్రస్థానంలో నిలిచింది.
Updated on: May 24, 2023 | 2:38 PM
Mumbai Indians In IPL Playoffs: ఐపీఎల్ 2023 చివరి దశకు చేరుకుంది. ఇందులో భాగంగా ప్రస్తుతం ప్లేఆఫ్‌లు జరుగుతున్నాయి. ఈ టోర్నీలో మొదటి క్వాలిఫయర్ మ్యాచ్ గుజరాత్ టైటాన్స్ వర్సెస్ చెన్నై సూపర్ కింగ్స్ మధ్య జరిగింది. ఇందులో చెన్నై గెలిచి ఫైనల్స్‌కు చేరుకుంది. టోర్నీ ఎలిమినేటర్ మ్యాచ్ ఈరోజు (మే 24) ముంబై ఇండియన్స్ వర్సెస్ లక్నో సూపర్ జెయింట్స్ మధ్య జరగనుంది. ముంబై ఇండియన్స్ ప్లేఆఫ్‌ల గణాంకాలను పరిశీలిస్తే, ఎలిమినేటర్‌లో ముంబై లక్నోను ఓడించవచ్చని అంచనా వేయవచ్చు.
ప్లే ఆఫ్స్ మ్యాచ్‌లలో రారాజుగా ముంబై..
ఇప్పటి వరకు ఐపీఎల్ ప్లేఆఫ్స్ మ్యాచ్‌ల్లో ముంబై ఇండియన్స్ రికార్డు అద్భుతంగా ఉంది. ప్లేఆఫ్ మ్యాచ్‌లలో ముంబైకి 66.67 విజయ శాతం ఉంది. ఇది ఐపీఎల్ చరిత్రలో అత్యధికంగా నిలిచింది. ముంబై ఇండియన్స్ ప్లేఆఫ్స్‌లో ఇప్పటివరకు 18 మ్యాచ్‌లు ఆడగా, ఆ జట్టు 12 గెలిచి 6 మ్యాచ్‌ల్లో ఓడింది.
ఇటువంటి పరిస్థితిలో ఈ రోజు లక్నో సూపర్ జెయింట్‌తో జరిగే మ్యాచ్‌లో ముంబై ఇండియన్స్ విజయానికి పోటీదారుగా మారవచ్చు. లక్నో ఇప్పటివరకు ప్లేఆఫ్స్‌లో ఒకే ఒక మ్యాచ్ ఆడింది. ఇందులో జట్టు RCBతో ఓటమిని చవిచూడాల్సి వచ్చింది.
ముంబయి ఆరో ఐపీఎల్ టైటిల్‌ గెలిచేనా?
ఐపీఎల్ చరిత్రలో ముంబై ఇండియన్స్ అత్యంత విజయవంతమైన జట్టు అని తెలిసిందే. రోహిత్ శర్మ సారథ్యంలో ముంబై ఇండియన్స్ ఐదు టైటిళ్లు గెలుచుకుంది. ఈ జట్టు 2013లో తొలి టైటిల్‌ను గెలుచుకుంది. దీని తర్వాత జట్టు 2015, 2017, 2019, 2020లో విజేతగా నిలిచింది.
మరోవైపు, గత సీజన్‌లో అంటే IPL 2022లో ముంబై చివరి స్థానంలో అంటే పాయింట్ల పట్టికలో 10వ స్థానంలో ఉంది. ఇలాంటి పరిస్థితుల్లో ముంబై కచ్చితంగా ఈ ఏడాది ఫైనల్స్‌లో విజయం నమోదు చేయాలనుకుంటుంది.
ఫైనల్ మే 28న..
IPL 2023 ఫైనల్ మ్యాచ్ మే 28, ఆదివారం నాడు అహ్మదాబాద్‌లోని నరేంద్ర మోడీ స్టేడియంలో జరగనుంది. చెన్నై సూపర్ కింగ్స్ ఈ సీజన్‌లో తొలి ఫైనలిస్ట్‌గా తన స్థానాన్ని నిర్థారించుకుంది.
మరిన్ని క్రీడా వార్తల కోసం ఇక్కడ క్లిక్ చేయండి..
