WTC 2023 Final: రోహిత్ సేనకు ఓటమి తప్పదా.. ఈ 5 సంకేతాలతో టీమిండియాలో పెరిగిన టెన్షన్..
India vs Australia: జూన్ 7 నుంచి లండన్‌లోని ఓవల్ మైదానంలో భారత్-ఆస్ట్రేలియా జట్ల మధ్య డబ్ల్యూటీపీ ఫైనల్ టెస్టు మ్యాచ్ జరగనుంది. ఈ మ్యాచ్‌లో రోహిత్ సేన కంటే ఆస్ట్రేలియా ఎంతో బలంగా కనిపిస్తోంది.
ICC WTC Final 2023: నాడు సౌతాంప్టన్.. నేడు లండన్.. రెండేళ్ల వ్యవధిలో, ప్రపంచ టెస్ట్ ఛాంపియన్‌షిప్‌లో ఫైనల్ ఆడేందుకు టీమ్ ఇండియా రెండోసారి ఇంగ్లాండ్‌కు చేరుకుంది. చివరిసారి న్యూజిలాండ్‌తో సవాల్‌ ఎదుర్కొంది. ఈసారి న్యూజిలాండ్ పక్క దేశం మరింత ప్రమాదకరమైన జట్టు ఆస్ట్రేలియాతో టీమిండియా తలపడనుంది. ఇటీవల ఆస్ట్రేలియాతో జరిగిన టెస్టు సిరీస్‌ను టీమిండియా కైవసం చేసుకుంది. అయినా, డబ్ల్యూటీసీ ఫైనల్స్‌లో టీమిండియా పరిస్థితి మరోసారి 2021 లాగా ఉండవచ్చనే భయం అందరిలోనూ కలుగుతోంది.
రెండేళ్ల క్రితం సౌతాంప్టన్‌లో జరిగిన ఫైనల్లో న్యూజిలాండ్ చేతిలో భారత్ ఓటమిని చవిచూడాల్సి వచ్చింది. ఆ సమయంలో టీమ్ ఇండియా అద్భుతమైన ఫామ్‌లో ఉంది. టైటిల్ కోసం పోటీదారుగా పరిగణించారు. అయితే, అది కూడా జూన్ నెలే. టీమ్ ఇండియాకు ఏమి జరిగిందో అందరికీ తెలిసిందే. ఈసారి కూడా అదే భయం పట్టుకుంది. దానికి కొన్ని కారణాలు కూడా ఉన్నాయి.
క్రీడాకారులు గాయాలు..
కీలక ఆటగాళ్లు గాయపడడమే భారత జట్టుకు పెద్ద తలనొప్పి. స్టార్ ఫాస్ట్ బౌలర్ జస్ప్రీత్ బుమ్రా, తుఫాన్ వికెట్ కీపర్ బ్యాట్స్‌మెన్ రిషబ్ పంత్ లేకపోవడం అతిపెద్ద సమస్య. అలాగే, కేఎల్ రాహుల్ గాయం కూడా రోహిత్ సేన పరిస్థితిని కష్టతరంగా మార్చింది. బుమ్రాకు ప్రత్యామ్నాయంగా జట్టులో ఇప్పటికీ ఫాస్ట్ బౌలర్లు ఉన్నారు. అయితే పంత్ స్థానాన్ని భర్తీ చేయడానికి, కేఎస్ భరత్, ఇషాన్ కిషన్ రూపంలో అనుభవం లేని కీపర్ ఉండటం కష్టాలను పెంచుతోంది. టీమిండియాతో పోల్చితే, ఆస్ట్రేలియాలో కీలక ఆటగాళ్లందరూ ఫిట్‌గా ఉన్నారు.
Preparations, adapting to the conditions and getting into the #WTC23 Final groove ?
Hear from Paras Mhambrey, T Dilip & Vikram Rathour on #TeamIndia‘s preps ahead of the all-important clash ???? – By @RajalArora
Full Video ??https://t.co/AyJN4GzSRD pic.twitter.com/x5wRxTn99b
— BCCI (@BCCI) May 31, 2023
ఇంగ్లాండ్ వాతావరణం:
రెండు జట్లకు ఇంగ్లండ్ పరిస్థితులు పూర్తిగా భిన్నమైనప్పటికీ, ఇంగ్లండ్‌లో టెస్టు ఆడేందుకు టీమ్ ఇండియా తరచుగా సమయం తీసుకుంటోంది. అయితే, ఇప్పుడు ఒకే ఒక టెస్ట్ మ్యాచ్ ఉంది. గత డబ్ల్యూటీసీ ఫైనల్లో కూడా ఈ సమస్య కనిపించడంతో ఫలితం ఓటమి రూపంలో వెలువడింది. పోల్చి చూస్తే, ఆస్ట్రేలియాకు వేగంగా, స్వింగ్ చేసే పరిస్థితులకు అనుగుణంగా ఉండటం పెద్ద కష్టమేమీ కాదు.
Energy levels high ??
Upping the intensity with each session ahead of #WTC23 ?#TeamIndia pic.twitter.com/q6IAORAkIz
— BCCI (@BCCI) June 2, 2023
తాజాగా ఆసీస్ జట్టు:
ఇదే అతి పెద్ద తేడా. ఛెతేశ్వర్ పుజారా తప్ప, భారత జట్టులోని మిగతా ఆటగాళ్లందరూ గత 2 నెలలుగా ఐపీఎల్‌లో బిజీగా ఉన్నారు. కెప్టెన్ రోహిత్ శర్మ, విరాట్ కోహ్లీ, శుభ్‌మన్ గిల్ వంటి బ్యాట్స్‌మెన్ అయినా లేదా రవిచంద్రన్ అశ్విన్, మహ్మద్ సిరాజ్, మహ్మద్ షమీ వంటి బౌలర్లు అయినా అందరూ IPL ఆడారు. ఐపీఎల్‌లో ఆస్ట్రేలియాకు చెందిన డేవిడ్ వార్నర్, కామెరాన్ గ్రీన్, జోష్ హేజిల్‌వుడ్ మాత్రమే ఉన్నారు. పాట్ కమ్మిన్స్, మిచెల్ స్టార్క్, నాథన్ లియోన్ వంటి బౌలర్లు ఈ ఫైనల్లో చాలా ఫ్రెష్‌గా ఎంట్రీ ఇచ్చారు. ఇది నిర్ణయాత్మకమైనదిగా నిరూపితమయ్యే ఛాన్స్ ఉంది.
View this post on Instagram
స్టీవ్ స్మిత్ రికార్డు:
స్టీవ్ స్మిత్ భారతదేశానికి అతిపెద్ద సమస్యగా నిరూపించగలడు. ఆస్ట్రేలియా దిగ్గజ బ్యాట్స్‌మెన్‌కు ఓవల్ మైదానం అంటే చాలా ఇష్టం. ఈ మైదానంలో అతని బ్యాట్‌ నుంచి ఎప్పుడూ పరుగులు వస్తూనే ఉంటాయి. స్మిత్ ఇక్కడ 5 ఇన్నింగ్స్‌లు మాత్రమే ఆడాడు. అయితే 2 సెంచరీలు, 1 అర్ధ సెంచరీతో సహా 97.75 సగటుతో 391 పరుగులు చేశాడు.
Josh Hazlewood getting into the groove ahead of the #WTC23 Final ?♂️ pic.twitter.com/FCQGD6FjXv
— ICC (@ICC) May 30, 2023
ది ఓవల్‌లో పేలవ ప్రదర్శన:
భారతదేశం ఎన్నడూ ఇష్టపడని మైదానంలో ఇది కూడా ఒకటి. లండన్‌లోని ఈ మైదానంలో 14 టెస్టు మ్యాచ్‌లు ఆడిన టీమిండియా కేవలం 2 సార్లు మాత్రమే గెలిచింది. గత శతాబ్దంలో ఒకసారి, 2021లో మరొకసారి. 40 ఏళ్ల తర్వాత చివరి ఇంగ్లండ్ పర్యటనలో భారత్ విజయం సాధించింది. ఈ మైదానం ఆస్ట్రేలియాకు కూడా ప్రత్యేకమైనది కాదు. ఇక్కడ 38 టెస్టులు ఆడిన ఆ జట్టు 7 మాత్రమే గెలిచింది.
మరిన్ని క్రీడా వార్తల కోసం ఇక్కడ క్లిక్ చేయండి..
