Asia Cup: 1984లో మొదలైన ఆసియా కప్.. ఇప్పటి వరకు అత్యధిక టైటిళ్లు గెలిచిన జట్టు ఏదో తెలుసా?
Asia Cup 2023: ఆసియా కప్ను తొలిసారిగా 1984లో యూఏఈలో నిర్వహించారు. ఇందులో భారత జట్టు ఛాంపియన్గా నిలిచింది. టోర్నమెంట్లో చాలా జట్లు పాల్గొన్నాయి. అయితే ఇప్పటివరకు మూడు జట్లు మాత్రమే ఛాంపియన్లుగా మారాయి. ఇందులో భారత్, శ్రీలంక, పాకిస్తాన్ మాత్రమే ఉన్నాయి. ఆసియా కప్లో భారత జట్టు అత్యధికంగా 7 సార్లు టైటిల్ను కైవసం చేసుకుంది.
Asia Cup Winner List: ఆసియా కప్ 2023 ఆగస్టు 30నుంచి మొదలుకానుంది. ఈ టోర్నమెంట్కు పాకిస్థాన్తోపాటు, శ్రీలంక దేశాలు ఆతిథ్యం ఇవ్వనున్నాయి. భారత జట్టు పాకిస్థాన్లో పర్యటించడానికి నిరాకరించడంతో, 9 మ్యాచ్లు శ్రీలంకకు మార్చారు. ఆసియాకప్ 2023లో మొత్తం 13 మ్యాచ్లు జరగనున్నాయి. ఇందులో 9 శ్రీలంకలో, 4 పాకిస్థాన్లో ప్లాన్ చేశారు. అయితే, ఇప్పటి వరకు ఆసియా కప్లో అత్యధిక టైటిళ్లు గెలిచిన జట్టుగా టీమిండియా నిలిచింది. ఇప్పటి వరకు ఏ జట్లు ఎన్నిసార్లు గెలిచాయో తెలుసుకుందాం..
ఆసియా కప్ను తొలిసారిగా 1984లో యూఏఈలో నిర్వహించారు. ఇందులో భారత జట్టు ఛాంపియన్గా నిలిచింది. టోర్నమెంట్లో చాలా జట్లు పాల్గొన్నాయి. అయితే ఇప్పటివరకు మూడు జట్లు మాత్రమే ఛాంపియన్లుగా మారాయి. ఇందులో భారత్, శ్రీలంక, పాకిస్తాన్ మాత్రమే ఉన్నాయి. ఆసియా కప్లో భారత జట్టు అత్యధికంగా 7 సార్లు టైటిల్ను కైవసం చేసుకుంది. అదే సమయంలో శ్రీలంక 6 సార్లు ఛాంపియన్గా నిలిచింది. ఇది కాకుండా, పాకిస్తాన్ జట్టు 2 సార్లు ఆసియా కప్ను గెలుచుకుంది.
బంగ్లాదేశ్ మాత్రమే ఇప్పటివరకు ఫైనల్స్కు చేరినా టైటిల్ గెలవలేకపోయింది. అదే సమయంలో, ఆతిథ్య జట్లు టైటిల్ గెలుచుకోవడం నాలుగు సార్లు జరిగింది. ఆతిథ్యమిస్తుండగా ఛాంపియన్గా నిలిచిన జాబితాలో శ్రీలంక, భారత్ మాత్రమే ఉన్నాయి. శ్రీలంక జట్టు 1986లో, భారత్ 1990/91లో, శ్రీలంక 1997, 2004లో ఆతిథ్యమిస్తుండగా టైటిల్ను గెలుచుకున్నాయి.
ఈసారి ఆసియా కప్ 16వ సీజన్ జరగనుంది. ఇప్పటి వరకు ఆడిన 15 ఎడిషన్లలో వన్డేల్లో 13 సార్లు, టీ20 ఫార్మాట్లో 2 సార్లు టోర్నీ జరిగింది. 2016లో తొలిసారిగా టీ20 ఫార్మాట్లో ఆసియా కప్ నిర్వహించారు. ఆ తరువాత, 2022 ఆసియా కప్ కూడా T20 ఫార్మాట్లో మాత్రమే జరిగింది. అంతకుముందు 2008లో పాకిస్తాన్ టోర్నమెంట్కు ఆతిథ్యమిచ్చింది. ఫైనల్లో భారత్ను ఓడించి శ్రీలంక టైటిల్ను గెలుచుకుంది.
