ODI World Cup 2023: షాకింగ్ న్యూస్.. ఈడెన్ గార్డెన్స్‌లో అగ్ని ప్రమాదం.. ప్రపంచ కప్‌ ఏర్పాట్లపై ఆందోళన?

ODI World Cup 2023: ఈడెన్ గార్డెన్స్ మైదానంలో డ్రెస్సింగ్ రూమ్‌లో మంటలు చెలరేగాయి. బుధవారం రాత్రి 11:50 గంటల ప్రాంతంలో ఈడెన్ డ్రెస్సింగ్ రూమ్‌లో మంటలు చెలరేగాయి. సమాచారం అందుకున్న వెంటనే 2 అగ్నిమాపక యంత్రాలు సంఘటనా స్థలానికి చేరుకుని మంటలను అదుపులోకి తెచ్చాయి. కాగా, కొద్ది రోజుల క్రితం ఐసీసీ, బీసీసీఐల బృందం ఈడెన్ గార్డెన్‌ను సందర్శించింది. మైదానం పునరుద్ధరణను చూసి ఇరు ప్రతినిధులూ సంతృప్తి చెందారు. ఇప్పుడు ఐసీసీ, బీసీసీఐ బృందం సెప్టెంబర్ మొదటి వారంలో మళ్లీ సందర్శించనుంది.

Eden Gardens

Venkata Chari |
Updated on: Aug 10, 2023 | 3:10 PM

వన్డే ప్రపంచ కప్ 2023 మరికొన్ని నెలల్లో భారతదేశంలో ప్రారంభం కానుంది. ప్రపంచకప్ షెడ్యూల్ కూడా విడుదలైంది. భారతదేశంలోని 9 నగరాల్లో మ్యాచ్‌లు జరగనున్నాయి. ఈ లిస్టులో కోల్‌కతాలోని ఈడెన్ గార్డెన్స్ స్టేడియం ఒకటి. ఈ స్టేడియంలో సెమీఫైనల్‌తో సహా మొత్తం ఐదు ప్రపంచకప్ మ్యాచ్‌లు ఈ మైదానంలో జరగనున్నాయి. అయితే అంతకు ముందే ఈ గ్రౌండ్‌లోని డ్రెస్సింగ్ రూమ్‌లో మంటలు చెలరేగాయి. బుధవారం రాత్రి 11:50 గంటల ప్రాంతంలో ఈడెన్ డ్రెస్సింగ్ రూమ్‌లో మంటలు చెలరేగాయి. సమాచారం అందుకున్న వెంటనే 2 అగ్నిమాపక యంత్రాలు సంఘటనా స్థలానికి చేరుకుని మంటలను అదుపులోకి తెచ్చాయి.

స్థానిక సమాచారం ప్రకారం.. ఈడెన్ గార్డెన్స్‌లో అర్ధరాత్రి మంటలు చెలరేగాయి. దూరంగా ఉన్న జట్టు డ్రెస్సింగ్ రూమ్ నుంచి పొగలు రావడాన్ని సిబ్బంది చూశారు. దీనిపై వెంటనే అగ్నిమాపక శాఖకు సమాచారం అందించారు. సమాచారం అందుకున్న వెంటనే రెండు ఫైరింజన్లు సంఘటనా స్థలానికి చేరుకుని గంట వ్యవధిలో మంటలను అదుపులోకి తెచ్చినట్లు సమాచారం.

షార్ట్ సర్క్యూట్ కారణంగా మంటలు..

Fire breaks out at Eden Gardens dressing room on Wednesday night when the renovation work was going on before World Cup 2023.

The workers immediately informed the fire dept and two fire tenders were rushed to douze the fire .

( Video last night ) pic.twitter.com/lYSH7VxoXe

— Syeda Shabana (@ShabanaANI2) August 10, 2023

డ్రెస్సింగ్ రూమ్‌లో చెల్లాచెదురుగా ఉన్న వస్తువులు కాలిపోయాయి. డ్రెస్సింగ్ రూమ్‌లోని చెక్క ఫాల్స్ సీలింగ్ నుంచి పొగలు వస్తున్నాయని, సీలింగ్‌కు మంటలు వ్యాపించకముందే సీలింగ్‌లోని కొంత భాగాన్ని ధ్వంసం చేశారు. షార్ట్ సర్క్యూట్ కారణంగా మంటలు చెలరేగి ఉండవచ్చని అగ్నిమాపక దళం ప్రాథమిక నివేదికలో పేర్కొంది.

ఇదే ఈడెన్ మైదానంలో ఐదు ప్రపంచకప్ మ్యాచ్‌లు జరగనున్నాయి. దీంతో స్టేడియంలో పునరుద్ధరణ పనులు జరుగుతున్నాయి. కొద్ది రోజుల క్రితం ఐసీసీ, బీసీసీఐల బృందం ఈడెన్ గార్డెన్‌ను సందర్శించింది. మైదానం పునరుద్ధరణను చూసి ఇరు ప్రతినిధులూ సంతృప్తి చెందారు. ఇప్పుడు ఐసీసీ, బీసీసీఐ బృందం సెప్టెంబర్ మొదటి వారంలో మళ్లీ సందర్శించనుంది.