India Vs West Indies: రంజీల్లో రఫ్పాడించారు.. సెంచరీలతో సత్తా చాటారు.. కట్చేస్తే.. మరోసారి ముగ్గురికి మొండిచేయి..
India Test Squad vs West Indies: వెస్టిండీస్తో జరగనున్న టెస్టు సిరీస్కు 16 మంది సభ్యులతో కూడిన భారత జట్టును శుక్రవారం (జూన్ 23) ప్రకటించారు. న్యూజిలాండ్, ఆస్ట్రేలియాతో వరుసగా రెండు WTC ఫైనల్స్లో ఓడిపోయిన భారత్..
Updated on: Jun 24, 2023 | 6:30 AM
India Test Squad vs West Indies: వెస్టిండీస్తో జరగనున్న టెస్టు సిరీస్కు 16 మంది సభ్యులతో కూడిన భారత జట్టును శుక్రవారం (జూన్ 23) ప్రకటించారు. న్యూజిలాండ్, ఆస్ట్రేలియాతో వరుసగా రెండు WTC ఫైనల్స్లో ఓడిపోయిన భారత్.. ఇప్పుడు వెస్టిండీస్తో ప్రపంచ టెస్ట్ ఛాంపియన్షిప్ 3వ ఎడిషన్ను ప్రారంభించనుంది.
భవిష్యత్ టెస్ట్ జట్టును నిర్మించడానికి టీమ్ ఇండియాలో చాలా మంది కొత్త ముఖాలను సెలక్షన్ బోర్డు అనుమతించింది. వీరిలో యువ ఆటగాళ్లు రుతురాజ్ గైక్వాడ్, యశస్వి జైస్వాల్, నవదీప్ సైనీ, ముఖేష్ కుమార్ ఉన్నారు. అయితే ఈ ముగ్గురు ఆటగాళ్లతోపాటు మరికొందరిని భారత టెస్టు జట్టుకు ఎంపిక చేస్తారని భావించారు. అయితే ముఖ్యంగా ముగ్గురు ఆటగాళ్లు నిరాశ చెందారు. ఆ ముగ్గురు ఆటగాళ్లు ఎవరో ఇప్పుడు తెలుసుకుందాం..
1. సర్ఫరాజ్ ఖాన్: గత కొన్నేళ్లుగా సర్ఫరాజ్ ఖాన్ టీమ్ ఇండియా తలుపు తడుతున్నాడు. అయితే ఇప్పటి వరకు సెలక్షన్ బోర్డు అతని వైపు చూడలేదు. రంజీ ట్రోఫీలో ముంబయి తరపున సర్ఫరాజ్ 92.66 సగటుతో మూడు సెంచరీలు, ఒక అర్ధ సెంచరీతో కేవలం తొమ్మిది ఇన్నింగ్స్ల్లో 556 పరుగులు చేశాడు. తద్వారా టెస్టు జట్టులో సర్ఫరాజ్కు అవకాశం దక్కుతుందని చెప్పుకొచ్చారు. కానీ, సెలక్షన్ బోర్డు అతడిని ఈ టూర్ నుంచి కూడా పక్కన పెట్టింది.
2. మయాంక్ అగర్వాల్: తొలి డబ్ల్యూటీసీలో టీమిండియా తరపున అద్భుత ప్రదర్శన చేసిన మయాంక్ తర్వాత పేలవ ఫామ్ కారణంగా జట్టు నుంచి తప్పుకున్నాడు. కానీ, గత రంజీ ట్రోఫీ సీజన్లో సంచలనం సృష్టించిన మయాంక్ మూడు సెంచరీలు, ఆరు అర్ధసెంచరీలతో సహా 82.5 సగటుతో 990 పరుగులు చేశాడు.
గతంలో టీమిండియా తరఫున మిడిలార్డర్లో బ్యాటింగ్ చేసిన మయాంక్ 21 టెస్టుల్లో 1488 పరుగులు చేశాడు. రెండు డబుల్ సెంచరీలతో సహా, మయాంక్ 41.88 సగటుతో పరుగులు చేశాడు. అయితే దురదృష్టవశాత్తు అగర్వాల్కు జట్టులో చోటు దక్కలేదు.
3. అభిమన్యు ఈశ్వరన్: బెంగాల్కు చెందిన అభిమన్యు ఈశ్వరన్ రంజీ క్రికెట్లో కూడా అద్భుత ప్రదర్శన చేశాడు. కానీ, మరోసారి జట్టులోకి ఎంపిక కాలేదు. గత రంజీ ట్రోఫీలో 14 ఇన్నింగ్స్లలో, అభిమన్యు మూడు సెంచరీలు, ఒక అర్ధ సెంచరీతో 66.50 సగటుతో 798 పరుగులు చేశాడు. అతను 87 ఫస్ట్-క్లాస్ మ్యాచ్లలో 47.85 సగటును కూడా కలిగి ఉన్నాడు. అయితే టీమ్ ఇండియాలో స్టార్టింగ్ పొజిషన్ కోసం చాలా ఆప్షన్స్ ఉండటంతో అభిమన్యుకి టీమ్ ఇండియాలో అవకాశం రావడం లేదు.
భారత టెస్టు జట్టు: రోహిత్ శర్మ (కెప్టెన్), శుభమన్ గిల్, రుతురాజ్ గైక్వాడ్, విరాట్ కోహ్లీ, యస్సవి జైస్వాల్, అజింక్యా రహానే (వైస్ కెప్టెన్), కెఎస్ భరత్ (వికెట్ కీపర్), ఇషాన్ కిషన్ (వికెట్ కీపర్), ఆర్. అశ్విన్, రవీంద్ర జడేజా, శార్దూల్ ఠాకూర్, అక్షర్ పటేల్, మహ్మద్ సిరాజ్, ముఖేష్ కుమార్, జయదేవ్ ఉనద్కత్, నవదీప్ సైనీ.
మరిన్ని క్రీడా వార్తల కోసం ఇక్కడ క్లిక్ చేయండి..
