IND vs AUS: 1268 రోజుల్లో కేవలం 3 మ్యాచ్లు.. కట్ చేస్తే.. 4వ వన్డే తర్వాత మారిన లక్.. నేడు విధ్వంసం సృష్టించేందుకు రెడీ..
India Vs Australia ODI Series: భారత్, ఆసీస్ వన్డే సిరీస్లో తొలి మ్యాచ్ ఈరోజు ముంబైలోని వాంఖడే స్టేడియంలో జరగనుంది. 1268 రోజుల్లో కేవలం 3 వన్డేలు మాత్రమే ఆడిన బ్యాట్స్మెన్.. నేడు విధ్వంసం సృష్టించేందుకు సిద్ధమయ్యాడు.
Updated on: Mar 17, 2023 | 8:39 AM
భారత్, ఆస్ట్రేలియా జట్లు నేటి నుంచి మరోసారి ముఖాముఖిగా తలపడనున్నాయి. ఈసారి ఇరుజట్లు వన్డే సిరీస్లో తలపడుతున్నాయి. తొలి మ్యాచ్ ఈరోజు ముంబైలోని వాంఖడే స్టేడియంలో జరగనుంది. అయితే, 1268 రోజుల్లో కేవలం 3 వన్డేలు మాత్రమే ఆడిన బ్యాట్స్మెన్ విధ్వంసం సృష్టించేందుకు సిద్ధమయ్యాడు.
ఈ ప్లేయర్ జనవరి 31, 2019న వన్డే అరంగేట్రం చేశాడు. ఆ తర్వాత 21 జులై 2022 వరకు అతను మరో 2 మ్యాచ్లు మాత్రమే ఆడగలిగాడు. ఈ రెండు తేదీల మధ్య రోజుల గ్యాప్ 1268 రోజులు. ఈ కాలంలో కేవలం 3 ODIలు మాత్రమే ఆడిన వ్యక్తిగా శుభమాన్ గిల్ నిలిచాడు.
అందరికీ రెండో అవకాశం వస్తుందని అంటున్నారు. 1268 రోజుల తర్వాత, శుభ్మాన్ గిల్కి కూడా ఈ అవకాశం వచ్చింది. అతను 22 జులై 2022న 4వ వన్డే ఆడాడు. అయితే, ఆ తర్వాత వెనుదిరిగి చూడాల్సిన అవసరం రాలేదు.
గిల్ తన మొదటి 3 ODIలలో చేయలేనిది.. నాలుగో వన్డేలో చేశాడు. 4వ వన్డేలో 15 ఎక్కువ పరుగులు చేశాడు. ఆ మ్యాచ్లో 64 పరుగులు చేశాడు. కాగా, తొలి 3 వన్డేల స్కోరు 49 పరుగులు మాత్రమే.
గిల్ 22 జులై 2022 నుంచి ఆడిన 18 ODIల్లో 86.07 సగటుతో 4 సెంచరీలు, 5 అర్ధ సెంచరీలతో సహా 1205 పరుగులు చేశాడు. మిగిలిన బ్యాట్స్మెన్ల గురించి చెప్పాలంటే, ఈ కాలంలో మరెవరూ 684 కంటే ఎక్కువ పరుగులు చేయలేదు.
ఈరోజు గిల్ ఆస్ట్రేలియాకు పెను ముప్పుగా మారనున్నాడని, టీమిండియాకు కీలక ఆయుధంగా మారనున్నాడని స్పష్టం అవుతోంది. దీనికి మరో కారణం 2023లో గిల్ బలమైన ప్రదర్శనతో పరుగుల వర్షం కురిపిస్తున్నాడు. ఈ ఏడాది అంతర్జాతీయ క్రికెట్లో 15 ఇన్నింగ్స్లలో 71 సగటుతో శుభ్మన్ గిల్ 935 పరుగులు చేశాడు. ఇందులో 5 సెంచరీలు నమోదయ్యాయి.
మరిన్ని క్రీడా వార్తల కోసం ఇక్కడ క్లిక్ చేయండి..
