Video: చివరి ఓవర్లో విజయానికి 20 పరుగులు.. బ్రావో బ్యాటింగ్.. రస్సెల్ బౌలింగ్.. వీడియో చూస్తే ఫుల్ మజా..
ఎంఐ ఎమిరేట్స్ విజయానికి చివరి ఓవర్లో 20 పరుగులు కావాలి. మరోవైపు, అబుదాబి నైట్ రైడర్స్ను గెలిపించే బాధ్యత ఆండ్రీ రస్సెల్పై నిలిచింది.
ILT20 Viral Video: 6,2,4,1,6,6… డ్వేన్ బ్రావో, నజీబుల్లా జద్రాన్ ఆఖరి ఓవర్లో సృష్టించిన బీభత్సానికి గుర్తులు. ఓడిపోయే టీంను తుఫాన్ బ్యాటింగ్తో రచ్చ చేసి, ప్రత్యర్థికి చుక్కలు చూపించారు. అబుదాబి నైట్ రైడర్స్, ఎంఐ ఎమిరేట్స్ మధ్య జరిగిన ఇంటర్నేషనల్ లీగ్ టీ20 మ్యాచ్ చివరి ఓవర్లో ఫోర్లు, సిక్సర్ల వర్షం కురిసింది. అసాధ్యమనిపించిన లక్ష్యాన్ని బ్రేవో, జద్రాన్ సులభతరం చేశారు. తొలుత బ్యాటింగ్ చేసిన అబుదాబి ఎంఐకి 171 పరుగుల లక్ష్యాన్ని అందించింది. కీరన్ పొలార్డ్ జట్టు చివరి బంతికి 5 వికెట్ల నష్టపోయి టార్గెట్ను చేరుకుంది.
చివరి ఓవర్లో ఎంఐకి 20 పరుగులు అవసరం. ప్రతి ఒక్కరూ ఈ లక్ష్యాన్ని అసాధ్యమని అనుకున్నారు. అయితే బ్రావో, జద్రాన్ తమ సొంత ప్రణాళికలను సిద్ధం చేసుకున్నారు. ఆండ్రీ రస్సెల్ బౌలింగ్తో దాడి చేసేందుకు సిద్ధంగా ఉన్నాడు. అందరి కన్ను చివరి ఓవర్పై నిలిచింది. ఆపై బ్యాట్స్మెన్ రస్సెల్ బంతులను కొట్టడం ప్రారంభించారు.
గెలిచే మ్యాచ్లో ఓడిన అబుదాబి..
మైదానంలో ఫోర్లు, సిక్సర్ల వర్షం మొదలైంది. చివరి ఓవర్లో 3 సిక్సర్లు, ఒక ఫోర్ బాదేశాడు. రస్సెల్ చివరి ఓవర్లో 25 పరుగులు ఇచ్చాడు. దీంతో అబుదాబి గెలవాల్సిన మ్యాచ్లో ఓడిపోయింది. అబుదాబి తరపున ధనంజయ్ డిసిల్వా అత్యధికంగా 65 పరుగులు చేశాడు. 40 బంతుల్లో 8 ఫోర్లు, 2 సిక్సర్లు బాదాడు. సిల్వాతో పాటు, కెప్టెన్ సునీల్ నరైన్ 18 బంతుల్లో అజేయంగా 28 పరుగులు చేశాడు. అయితే, అతని కష్టానికి చివరి ఓవర్లో ఫలితం దక్కింది. అబుదాబి బౌలర్లు మ్యాచ్పై పట్టు సాధించారు.
వీరంగం సృష్టించిన జడ్రాన్..
.@iamnajibzadran displayed excellent temperament as he took strike with @MIEmirates needing 7 runs off the last 2 balls.
He took it away from the Riders with 2 back to back sixes, scoring a scintillating 35 off 17 balls.#DPWorldILT20 #ALeagueApart #ADKRvMIE pic.twitter.com/A0u9gakbhv
— International League T20 (@ILT20Official) January 21, 2023
ఆండ్రీ ఫ్లెచర్ ఎంఐ తరపున అత్యధికంగా 53 పరుగులు చేశాడు. 19 ఓవర్ల ఆట ముగిసే సమయానికి ఎంఐ 5 వికెట్లకు 151 పరుగులు చేసింది. అబుదాబి విజయం కనిపించడం ప్రారంభమైంది. కానీ, చివరి ఓవర్లో, రస్సెల్ బ్రావో, జద్రాన్ అబుదాబి కృషిని చిత్తు చేశారు. 20 ఓవర్ల చివరి 2 బంతుల్లో జద్రాన్ బ్యాట్ నుంచి అద్భుతమైన సిక్సర్లు వచ్చాయి. బ్రావో బ్యాట్ నుంచి ఒక సిక్స్, ఒక ఫోర్ బాదాడు. జద్రాన్ 17 బంతుల్లో అజేయంగా 35 పరుగులు జోడించాడు. బ్రావో 6 బంతుల్లో 15 పరుగులు చేశాడు.
మరిన్ని క్రికెట్ వార్తల కోసం ఇక్కడ క్లిక్ చేయండి..