Heath Streak: మరో జన్మలో కూడా నీ భార్యగానే పుట్టాలనుకుంటున్నా.. హీత్‌ స్ట్రీక్‌ మృతిపై సతీమణి ఎమోషనల్

జింబాబ్వే లెజెండరీ క్రికెటర్ హీత్ స్ట్రీక్‌ మరణంతో అతని భార్య నడైన్‌ స్ట్రీక్‌ కన్నీరుమున్నీరవుతోంది. ఈ క్రమంలో సోషల్‌ మీడియా వేదికగా ఒక ఎమోషనల్‌ పోస్ట్‌ షేర్‌ చేశారామె. హీత్‌ స్ట్రీక్‌తో కలిసున్న అందమైన ఫొటోలను ఫేస్‌బుక్‌లో షేర్‌ చేసిన ఆమె.. 'ఈరోజు ఉదయం నా లైఫ్‌లో సంగం, నా అందమైన పిల్లల తండ్రి మమ్మల్ని విడిచి మరో లోకానికి వెళ్లిపోయారు' అంటూ...

Heath Streak Family

Basha Shek |
Updated on: Sep 03, 2023 | 2:37 PM

లెజెండరీ క్రికెటర్‌, జింబాబ్వే మాజీ కెప్టెన్‌ హీత్‌ స్ట్రీక్‌ (49) కన్నుమూయడంతో ప్రపంచ క్రికెట్‌లో తీవ్ర విషాదం నెలకొంది. చాలా ఏళ్లుగా క్యాన్సర్‌తో పోరాడుతున్న ఆయన ఆదివారం తుదిశ్వాస విడిచారు. తన ఆల్‌రౌండర్‌ ఆటతీరుతో జింబాబ్వే జట్టుకు ఎన్నో మధురమైన విజయాలు అందించారు హీత్ స్ట్రీక్‌ మరణంపై పలువురు క్రికెటర్లు ఎమోషనల్‌ అవుతున్నారు. సోషల్‌ మీడియా వేదికగా ఆయనకు నివాళి అర్పిస్తున్నారు. తన కుటుంబ సభ్యులకు ప్రగాఢ సానుభూతి తెలియజేస్తున్నారు. కాగా హీత్ స్ట్రీక్‌ మరణంతో అతని భార్య నడైన్‌ స్ట్రీక్‌ కన్నీరుమున్నీరవుతోంది. ఈ క్రమంలో సోషల్‌ మీడియా వేదికగా ఒక ఎమోషనల్‌ పోస్ట్‌ షేర్‌ చేశారామె. హీత్‌ స్ట్రీక్‌తో కలిసున్న అందమైన ఫొటోలను ఫేస్‌బుక్‌లో షేర్‌ చేసిన ఆమె.. ‘ఈరోజు ఉదయం నా లైఫ్‌లో సంగం, నా అందమైన పిల్లల తండ్రి మమ్మల్ని విడిచి మరో లోకానికి వెళ్లిపోయారు. ఆయన తన చివరి రోజులను ఫ్యామిలీ, అత్యంత సన్నిహితులతో గడపాలని కోరుకున్నారు. హీత్‌ స్ట్రీక్‌ మాతో గడిపిన క్షణాలు ఎప్పటికీ మర్చిపోలేనివి. స్ట్రీక్‌.. వచ్చే జన్మంటూ ఉంటే అప్పుడు కూడా నీ భార్యగానే పుట్టాలని కోరుకుంటున్నా’ అంటూ ఎమోషనల్‌ అయ్యారు నడైన్‌ స్ట్రీక్‌.

వచ్చే జన్మంటూ ఉంటే నీ భార్యగానే..

కాగా హీత్ స్ట్రీక్‌ సతీమణి సోషల్ మీడియాలో షేర్‌ చేసిన ఫొటోలు ప్రస్తుతం సోషల్‌ మీడియాలో వైరల్‌గా మారాయి. వీటిని చూసి క్రికెట్‌ ఫ్యాన్స్‌ ఎమోషనల్‌ అవుతున్నారు. క్రికెట్‌ ఆడేటప్పుడు బలమైన దేహ ధారుడ్యంతో కనిపించిన ఆయన ఈ ఫొటోల్లో మాత్రం చాలా బక్కచిక్కిపోయి కనిపించారు. అసలు గుర్తుపట్టలేనంతగా మారిపోయారు. కాగా తన ఆల్‌రౌండర్‌ ఆటతీరుతో జింబాబ్వే క్రికెట్‌లో ఆల్‌ టైమ్‌ గ్రేటెస్ట్‌ ప్లేయర్‌గా నిలిచిపోయారు హీత్ స్ట్రీక్‌. 65 టెస్టుల్లో 216 వికెట్లు, 11 అర్ధ సెంచరీలు, 189 వన్డేల్లో 239 వికెట్లు, 13 అర్ధసెంచరీలు చేశారు. ఇక కెప్టెన్‌గానూ జట్టుకు సేవలందించారు. ఇక ఐపీఎల్‌లోనూ కోల్‌కతా నైట్‌ రైడర్స్‌ టీంలో పనిచేశారు. కాగా హీత్ స్ట్రీక్ మరణంతో అతని సహచరులు ఎమోషనల్ అవుతున్నారు. అతనితో కలిసి ఆడిన మధుర జ్ఞాపకాలను గుర్తుచేసుకుంటున్నారు.

ఇవి కూడా చదవండి