World Cup 2023: వరల్డ్ కప్-2023 షెడ్యూల్ వచ్చేసింది.. క్వాలిఫైయర్స్ కోసం ఏయే జట్లు తలపడుతున్నాయంటే..?
ICC World Cup 2023 Qualifiers: మెన్స్ వన్డే వరల్డ్కప్ 2023 క్వాలిఫయర్స్ షెడ్యూల్ను ఐసీసీ మంగళవారం విడుదల చేసింది. జింబాబ్వే వేదికగా జరుగనున్న ఈ క్వాలిఫైయర్స్ టోర్నీ జూన్ 18 నుంచి జులై 9 వరకు జరుగనుంది. ఈ టోర్నీలో మొత్తం 10 జట్లు పాల్గొననుండగా వాటిని 5-5 జట్లుగా రెండు గ్రూపులు..
ICC World Cup 2023 Qualifiers: మెన్స్ వన్డే వరల్డ్కప్ 2023 క్వాలిఫయర్స్ షెడ్యూల్ను ఐసీసీ మంగళవారం విడుదల చేసింది. జింబాబ్వే వేదికగా జరుగనున్న ఈ క్వాలిఫైయర్స్ టోర్నీ జూన్ 18 నుంచి జులై 9 వరకు జరుగనుంది. ఈ టోర్నీలో మొత్తం 10 జట్లు పాల్గొననుండగా వాటిని 5-5 జట్లుగా రెండు గ్రూపులు చేశారు. ఇక గ్రూప్-ఏలో జింబాబ్వే, వెస్టిండీస్, నెదార్లండ్స్, నేపాల్, యునైటెడ్ స్టేట్స్.. అలాగే గ్రూప్-బిలో శ్రీలంక, ఐర్లాండ్, స్కాట్లాండ్, ఒమన్, యూఏఈ జట్లు ఉన్నాయి.
The groups for next month’s @cricketworldcup Qualifier in Zimbabwe!
అయితే తొలి దశలో ప్రతి జట్టు తమ గ్రూప్లో మిగతా జట్లతో ఒక్కో మ్యాచ్ ఆడుతుంది. ఈ క్రమంలో రెండు గ్రూప్ల్లో టాప్ 3 స్థానాల్లో నిలిచే జట్లు సూపర్ సిక్స్ దశకు అర్హత సాధిస్తాయి. ఈ దశలో ప్రతి జట్టు కూడా గ్రూప్ దశలో ఎదురుపడని జట్లతో తలపడతాయి. అయితే సూపర్ సిక్స్ దశకు చేరుకోవడంలో విఫలమైన జట్లపై సాధించిన పాయింట్లు మినహా, ప్రతి జట్టు గ్రూప్ దశలో సాధించిన పాయింట్లు సూపర్ సిక్స్ దశకు బదిలీ అవుతాయి. ఈ మ్యాచ్లు అయిపోయే సరికి టాప్ 2 ప్లేసెస్లో ఉన్న జట్లు భారత్ వేదికగా జరిగే ఐసీసీ మెన్స్ వన్డే వరల్డ్ కప్-2023కు అర్హత సాధిస్తాయి.
The @ICC Men’s Cricket World Cup Qualifier 2023 Match Schedule is now available ??
కాగా, భారత్ వేదికగా ఈ ఏడాది జరిగే వన్డే వరల్డ్కప్కు 8 జట్లు నేరుగా అర్హత సాధించిన విషయం తెలిసిందే. అలా అర్హత సాధించన జట్లలో భారత్, న్యూజిలాండ్, ఇంగ్లండ్, ఆస్ట్రేలియా, బంగ్లాదేశ్, పాకిస్తాన్, ఆఫ్ఘనిస్తాన్, సౌతాఫ్రికా ఉన్నాయి. మరోవైపు ఈ మెగా టోర్నీకి సంబంధించిన షెడ్యూల్ ఇంకా విడుదల కాలేదు. త్వరలోనే విడుదల చేసేందుకు బీసీసీఐ సన్నాహాలు చేస్తోంది.
