Border-Gavaskar Trophy: కోహ్లీ, గంభీర్‌లపై టీమిండియా మాజీ ప్లేయర్ ఆసక్తికర కామెంట్స్.. ఏమన్నారంటే?

బోర్డర్-గవాస్కర్ ట్రోఫీ మొదటి టెస్టులో ఆస్ట్రేలియాపై 295 పరుగుల తేడాతో భారత్ విజయాన్ని సాధించడంలో విరాట్ కోహ్లీ కీలక పాత్ర పోషించాడు. పెర్త్‌లో కోహ్లి అద్భుతమైన సెంచరీ చేసిన తర్వాత, భారత మాజీ క్రికెటర్ అజయ్ జడేజా అతని నైపుణ్యాన్ని, ప్రతిభను ప్రశంసించాడు. దీంతో మొన్నటి వరకు కోహ్లీని విమర్శంచిన వారు అందరూ ఇప్పుడు సైలెంట్ అయిపోయారు. కోహ్లీ పేరే అన్నింటికి సమాధానం. కోహ్లీని అనుమానించే వారు ఇంకెవరైన ఉంటే వారందరు సైలెంట్ గా రెస్టు తీసుకోవడం బెటర్ అని అన్నాడు. మేధావులు రాత్రికి రాత్రే పుట్టరు” అని జడేజా పేర్కొన్నాడు. కోహ్లి అద్భుతమైన ఆటతీరుతో తన ప్రతిభను నిరూపించాడు, విమర్శకుల మాటలకు సమాధానంగా ఫామ్‌లోకి తిరిగి వచ్చాడని జడేజా పేర్కొన్నాడు.

మొత్తం మీద, మొదటి టెస్టులో భారత్ 487 పరుగులకు 6 వికెట్లు డిక్లేర్ చేసి ఆస్ట్రేలియాకు 534 పరుగుల లక్ష్యాన్ని ఇచ్చింది. జస్ప్రీత్ బుమ్రా 5/30తో భారత్ బౌలింగ్‌ను నడిపించగా, అరంగేట్రం చేసిన హర్షిత్ రాణా కూడా 3/48తో ఆకట్టుకున్నాడు. రెండో ఇన్నింగ్స్‌లో భారత్ 534 పరుగుల లక్ష్యాన్ని అందించిన తర్వాత ఆస్ట్రేలియా 238 పరుగులకే ఆలౌటైంది. 295 పరుగుల తేడాతో భారత్ విజయం సాధించింది. ఇది భారత్‌కి సిరీస్‌లో కీలకమైన ఆధిక్యాన్ని ఇవ్వడమే కాకుండా జట్టు ఆత్మవిశ్వాసాన్ని పెంచింది.

ఇక గౌతమ్ గంభీర్‌ను ప్రధాన కోచ్‌గా నియమించిన ఆరు నెలల్లో, అతన్ని సమర్ధించాల్సిన సమయం వచ్చిందన్నారు. గంభీర్ ను విమర్శించే ముందు అతనికి కొంత సమయం ఇచ్చి ఉండాల్సింది అన్నారు జడేజా.  “మీరు కొంత సమయం పాటు మాత్రమే కోచ్‌గా ఉన్నప్పుడు, అతన్ని అంత తొందరగా అంచనా వేయడం తగదు” అని జడేజా అన్నారు. 2011 ప్రపంచకప్ విజేత అయిన గంభీర్, జూలైలో భారత జట్టు కోచ్‌గా నియమితుడయ్యారు. న్యూజిలాండ్‌తో జరిగిన మ్యాచ్‌లో పరాజయంతో గంభీర్‌పై విమర్శలు వెల్లువెత్తాయి.

“అతను మంచివాడని మీకు నమ్మకం లేకపోతే, ఒక ప్రదర్శన ఎవరినైనా ఒప్పించగలదు. మీరు ప్రస్తుతం చూస్తున్నది అతని నుండి అందరూ ఆశించినదే” అని జడేజా అన్నారు. టెస్టుల్లో టీమిండియా ప్రదర్శనకు సంబంధించి గంభీర్ కు మరింత సమయం అవసరమని జడేజా అభిప్రాయపడ్డారు.

రెండో టెస్టులో రోహిత్ శర్మ జట్టులో తిరిగి చేరడంతో, అతను (రోహిత్) తిరిగి జట్టులో రావడం భారతదేశం ఆత్మవిశ్వాసాన్ని పెంచుతుంది అని జడేజా చెప్పారు. రోహిత్ శర్మ ఎప్పుడూ ఒక ఆస్తిగా ఉంటాడు. జట్టుకు అవసరమైనప్పుడు, అతను ముందుకు వస్తాడు అని జడేజా అభిప్రాయపడ్డారు.

పెర్త్‌లో బ్యాటింగ్ చేసే సమయంలో కేఎల్ రాహుల్, యశస్వి జైస్వాల్ అద్భుతమైన ప్రదర్శన ఇవ్వడంతో, జడేజా అడిలైడ్ టెస్టులో బ్యాటింగ్ స్లాట్లను మార్చే అంశంపై ఆసక్తి చూపించారు. రాహుల్ ఓపెనింగ్‌లో మంచి ఫామ్‌లో ఉన్నాడు. కానీ, రోహిత్ వన్ డౌన్‌లో ఆడితే, జట్టు బలపడుతుంది అని జడేజా పేర్కొన్నాడు.