Big Cricket League: లక్క్ అంటే నీదేరా బాబు: 98 దగ్గర అవుట్ కానీ సెంచరీ కంప్లీట్! వీడియో వైరల్

సూరత్‌లోని లాల్‌భాయ్ కాంట్రాక్టర్ స్టేడియంలో జరిగిన బిగ్ క్రికెట్ లీగ్ 2024 మ్యాచ్‌లో ఓ వింత సంఘటన క్రికెట్ ప్రేమికులందరినీ ఆశ్చర్యానికి గురిచేసింది. క్రికెట్ ప్రపంచంలో అరుదుగా జరిగే సంఘటనలు ఈ మ్యాచ్‌లో చోటుచేసుకోవడంతో, ప్రేక్షకులందరూ ఉత్కంఠతో తిలకించారు.

యుపి బ్రిజ్ స్టార్స్ జట్టుకి చెందిన బ్యాటర్ చిరాగ్ గాంధీ 98 పరుగుల వ్యక్తిగత స్కోరుతో భారీ సెంచరీ వైపు దూసుకెళ్తున్నారు. ఎమ్‌పి టైగర్స్ స్పిన్నర్ పవన్ నేగి బౌలింగ్ చేసిన ఓ డెలివరీ, చిరాగ్ బ్యాట్ మిస్ చేసి స్టంప్స్‌ను తాకింది. స్టేడియం మొత్తం ఊపిరి బిగపట్టుకున్న సందర్భమది. కానీ ఆశ్చర్యకరంగా, స్టంప్స్ గట్టిగా కదిలిపోయినా, బెయిల్స్ మాత్రం తమ స్థానంలో అలా నేలచూపులు చూస్తూ నిలిచిపోయాయి.

ప్రేక్షకులంతా ఈ ఘటనను నమ్మలేని విధంగా చూస్తుండగా, అంపైర్లు ఒక్కసారిగా మాట్లాడటానికి సమావేశమయ్యారు. క్రికెట్ నిబంధనల ప్రకారం, బెయిల్స్ కదలకపోతే బ్యాటర్ అవుట్‌ అయినట్టు పరిగణించరు. చర్చల అనంతరం, అంపైర్లు చిరాగ్ గాంధీకి తన ఇన్నింగ్స్‌ను కొనసాగించేందుకు గ్రీన్ సిగ్నల్ ఇచ్చారు.

ఈ సంఘటన క్రికెట్ కమ్యూనిటీలో కలకలం రేపింది. స్టంప్స్ తాకినా అవుట్ కాకుండా గట్టిగా నిలబడటం చిరాగ్ అదృష్టాన్ని స్పష్టంగా తెలియజేసింది. తనకు వింత అనుభవంగా మిగిలిన ఈ అవకాశాన్ని చిరాగ్ పూర్తి స్థాయిలో సద్వినియోగం చేసుకొని, అద్వితీయమైన సెంచరీని పూర్తి చేశాడు. స్టేడియం మొత్తం చిరాగ్ ఆటను మెచ్చుకుంటూ గగ్గోలు పెట్టింది.

అయితే, గాంధీ అత్యద్భుతమైన సెంచరీ చేసినప్పటికీ, ఆ రోజు మ్యాచ్‌లో UP బ్రిజ్ స్టార్స్‌ను గెలిపించలేకపోయాడు. డిసెంబర్ 15న జరిగిన ఆరవ మ్యాచ్‌లో, MP టైగర్స్ తమ అద్భుతమైన ప్రదర్శనతో UP బ్రిజ్ స్టార్స్‌ను 71 పరుగుల తేడాతో చిత్తు చేసింది. చిరాగ్ యొక్క సెంచరీ మాత్రం మ్యాచ్ హైలైట్‌గా నిలిచింది.

ఈ సంఘటనను క్రికెట్ చరిత్రలో చాలా అరుదుగా చోటుచేసుకునే ఓ అద్భుత ఘటనగా గుర్తించి, ఈ మ్యాచ్‌ను అభిమానులు తరచూ గుర్తుచేసుకుంటారు. క్రికెట్‌లో ఎప్పుడు ఏమి జరుగుతుందో ఊహించలేం అని ఈ మ్యాచ్ మళ్లీ నిరూపించింది!

🤨 ICYMI Stumps rattled, but the bails said, 𝗡𝗢𝗧 𝗧𝗢𝗗𝗔𝗬!

🔗 Head over to https://t.co/Ffh5Ru1PPG to register for the trials for season 2 of the Big Cricket League.#BCLT20 #BigCricketLeague #AbSapneBanengeHaqeeqat #BCL2024 | Big Cricket League | Ab Sapne Banenge Haqeeqat pic.twitter.com/P4ZhUo8Tzi

— Big Cricket League (@bigcricleague_) December 16, 2024