ENG Vs PAK: ఒరేయ్ ఆజామూ.! ఎంత పని జరిగింది.. ఇక తట్టాబుట్టా సర్దుకోవాల్సిందే
ఒరేయ్ ఆజామూ.! ఎంత పని జరిగింది.! ఇక జట్టులో నీ ప్లేస్ ఊస్టే అంటున్నారు ఫ్యాన్స్. ముల్తాన్ వేదికగా ఇంగ్లాండ్తో జరుగుతోన్న రెండో టెస్టులో బాబర్ ఆజామ్ స్థానంలో వచ్చిన క్రమాన్ గులామ్ అరంగేట్రం టెస్టులోనే సెంచరీ బాదేశాడు. ఆ వివరాలు..
Updated on: Oct 15, 2024 | 6:07 PM
తొలి టెస్టు మ్యాచ్.. అందులోనూ తొలి సెంచరీ.. ఈ ఫీట్ ప్రతీ ఒక్క క్రికెటర్ కలలు కంటాడు. ఇప్పుడు పాకిస్తాన్ క్రికెటర్ అదే సాధించాడు. బాబర్ ఆజామ్ స్థానంలో జట్టులోకి వచ్చిన కమ్రాన్ గులామ్ తొలి మ్యాచ్లోనే సెంచరీ సాధించి.. పాక్ జట్టును ఆదుకున్నాడు. దాదాపుగా ఐదేళ్ల తర్వాత పాకిస్థాన్కు చెందిన ఓ బ్యాట్స్మెన్ అరంగేట్రం టెస్టులోనే సెంచరీ సాధించడం విశేషం. ముల్తాన్ వేదికగా ఇంగ్లాండ్తో జరుగుతోన్న రెండో టెస్టు..తొలి సెషన్లోనే పాకిస్థాన్ కష్టాల్లో పడింది. ఆ జట్టు 10 ఓవర్లలోపే అబ్దుల్లా షఫీక్, షాన్ మసూద్ వికెట్లను కోల్పోయింది. ఆ సమయంలో కమ్రాన్ గులామ్ క్రీజులోకి దిగాడు. క్రీజులోకి వచ్చిన వెంటనే తన దూకుడైన ఆటతీరుతో అందరినీ అబ్బురపరిచాడు. ఈ కుడిచేతి వాటం బ్యాట్స్మెన్ 15వ బంతికే సిక్సర్ కొట్టి.. అనుభవమున్న సీనియర్ ఇంగ్లాండ్ బౌలర్లను ముప్పు తిప్పలు పెట్టాడు. ఆ తర్వాత గులామ్ 104 బంతుల్లోనే అర్ధ సెంచరీ పూర్తి చేసుకున్నాడు. అంతకుముందు ఈ ఆటగాడు సామ్ అయ్యూబ్తో కలిసి మూడో వికెట్కు సెంచరీ భాగస్వామ్యాన్ని నెలకొల్పాడు. సామ్ అయూబ్ 77 పరుగుల వద్ద తన వికెట్ కోల్పోయాడు.
ఇది చదవండి: ఇక మొదలెడదామా.! కివీస్ టెస్టు సిరీస్ టూ ఛాంపియన్స్ ట్రోఫీ వరకు.. టీమిండియా రాబోయే షెడ్యూల్ ఇది
కమ్రాన్ గులామ్ 192 బంతుల్లో సెంచరీ పూర్తి చేయగా.. మొత్తంగా 224 బంతులు ఎదుర్కున్న కమ్రాన్.. 11 ఫోర్లు, 1 సిక్స్తో 118 పరుగులు చేశాడు. ఈ ఆటగాడు 2023లో పాకిస్తాన్ తరపున వన్డేల్లో అరంగేట్రం చేశాడు. అతను కంకషన్ సబ్స్టిట్యూట్గా రంగంలోకి దిగాడు. ఆ మ్యాచ్లో హరీస్ సొహైల్ గాయపడ్డాడు. కానీ కమ్రాన్ గులామ్కి బ్యాటింగ్ లేదా బౌలింగ్ చేసే అవకాశం రాలేదు. దీని తర్వాత, ఈ ఆటగాడికి మళ్ళీ పాకిస్థానీ జట్టులోకి రావడానికి అవకాశం రాలేదు.
𝐒𝐨𝐥𝐢𝐝! This has been some effort from Kamran to strike a fifty on debut 👏#PAKvENG | #TestAtHome pic.twitter.com/wfHz6EZRqt
— Pakistan Cricket (@TheRealPCB) October 15, 2024
అరంగేట్రం టెస్టులోనే సెంచరీ చేసిన 13వ పాక్ బ్యాట్స్మెన్ కమ్రాన్ గులామ్. అలాగే, పాకిస్థాన్లో ఈ ఘనత సాధించిన 11వ ఆటగాడు. ఇంగ్లండ్తో జరిగిన అరంగేట్రం టెస్టులో సెంచరీ సాధించిన తొలి పాకిస్థానీ ఆటగాడు కమ్రాన్. 23 ఏళ్ల తర్వాత ముల్తాన్ గడ్డపై అరంగేట్రం టెస్టులో ఓ బ్యాట్స్మెన్ సెంచరీ సాధించడం విశేషం.
ఇది చదవండి: టీ20లకే మొనగాడురా.! 12 ఫోర్లు, 5 సిక్సర్లతో కావ్యపాప ప్లేయర్ ఊచకోత
మరిన్ని క్రికెట్ వార్తల కోసం ఇక్కడ క్లిక్ చేయండి..
