Virat Kohli: మిస్సింగ్ హబ్బీ.. అందమైన ఫొటోతో ఎమోషనల్ నోట్ పంచుకున్న అనుష్క శర్మ..
అనుష్క శర్మ తన భర్త విరాట్ కోహ్లీతో కలిసి దిగిన ఓ ఫోటోను షేర్ చేసింది. దీనితో పాటు, నటి క్యాప్షన్లో ఎమోషనల్ నోట్ కూడా రాసుకొచ్చింది.
Updated on: Sep 18, 2022 | 6:27 PM
సోషల్ మీడియాలో ఎప్పుడూ హెడ్లైన్స్లో ఉండే జోడీల జాబితాలో అనుష్క శర్మ, విరాట్ కోహ్లి కూడా ఉన్నారు. వీళ్లిద్దరికీ ఉన్న విపరీతమైన ఫ్యాన్ ఫాలోయింగ్ వాళ్లను ఎంతగానో ప్రేమిస్తుంది, సపోర్ట్ చేస్తుంది. భారత జట్టు సూపర్ స్టార్ బ్యాట్స్మెన్ విరాట్ కోహ్లీ ప్రస్తుతం మొహాలీలో ఉన్నాడు. ఆస్ట్రేలియాతో టీ20 సిరీస్ ఆడేందుకు పంజాబ్ చేరుకున్నాడు. ఇంతలో, అతని ప్రేమ భార్య, బాలీవుడ్ నటి అనుష్క శర్మ అతనిని గుర్తుచేసుకుంటూ ఒక పోస్ట్ను పంచుకున్నారు.
అనుష్క శర్మ తన అధికారిక ఇన్స్టాగ్రామ్ హ్యాండిల్ నుంచి అందమైన ఫోటోతో భావోద్వేగ శీర్షికతో తన భర్తను గుర్తుచేసుకుంది. కామెంట్ బాక్స్లో విరాట్ చాలా క్యూట్గా రిప్లై ఇచ్చాడు. అనుష్క శర్మ విరాట్తో పాత ఫోటోను షేర్ చేసింది. దీనిలో ” హోటల్ లాంటి బయో బబుల్ లాంటి వాతావరణంలో లేదా ఎలాంటి ప్రదేశాలలోనైనా ఈ వ్యక్తితో ఉన్నప్పుడు ప్రపంచం మరింత ఉత్సాహంగా, ఆహ్లాదకరంగా, అందంగా కనిపిస్తుంది” అని రాసుకొచ్చింది.
అనుష్క శర్మ పోస్ట్ను ఇక్కడ చూడండి..
View this post on Instagram
ఈ పోస్ట్పై విరాట్ స్పందన..
ఈ పోస్ట్కు ప్రత్యుత్తరం ఇస్తున్నప్పుడు, విరాట్ కోహ్లీ రెండు హృదయ ఎమోజీలను పంచుకున్నారు. అనుష్క పోస్ట్పై ఆమె అభిమానులు, తమ ప్రేమను కురిపిస్తున్నారు. ఇప్పటివరకు 20 లక్షల మంది లైక్లు వచ్చాయి. అదే సమయంలో, విరాట్ రిప్లైపై ఇప్పటివరకు 14 వేల మందికి పైగా వినియోగదారులు స్పందించారు.
అనుష్క కమ్ బ్యాక్ సినిమా త్వరలో విడుదల..
వర్క్ఫ్రంట్ గురించి మాట్లాడితే, ఈ రోజుల్లో అనుష్క శర్మ తన రాబోయే చిత్రం చక్దా ఎక్స్ప్రెస్ కారణంగా చర్చలో ఉంది. తల్లి అయిన తర్వాత ఆమె బాలీవుడ్లో తిరిగి రావడం ఇదే తొలిసారి. చక్దా ఎక్స్ప్రెస్ నెట్ఫ్లిక్స్లో విడుదల కానుంది. ఈ చిత్రంలో భారతీయ మహిళా క్రికెటర్ ఝులన్ గోస్వామి పాత్రలో నటి కనిపించనుంది. ప్రోసిత్ రాయ్ దర్శకత్వం వహించిన ఈ చిత్రాన్ని అనుష్క సోదరుడు కర్నేష్ శర్మ క్లీన్ స్లేట్ ఫిల్మ్స్ నిర్మించింది.
