కావ్యపాప ప్లేయర్ పెను విధ్వంసం.. 8 ఫోర్లు, 16 సిక్సర్లతో ఇదేం ఊచకోతరా బాబూ..!

Abhishek Sharma Half Century: సయ్యద్ ముష్తాక్ అలీ 2025 ట్రోఫీలో, పంజాబ్ కెప్టెన్ అభిషేక్ శర్మ టీ20 క్రికెట్ ప్రపంచంలో తుఫాన్ స‌ృష్టించాడు. దీంతో ప్రస్తుతం సోషల్ మీడియాలో సెన్సేషన్‌గా మారాడు. బెంగాల్‌తో జరిగిన మ్యాచ్‌లో, అభిషేక్ అద్భుతమైన హాఫ్ సెంచరీ సాధించడం ద్వారా చరిత్ర సృష్టించాడు. విశేషమేమిటంటే, అతను ఒక్క పరుగు కూడా చేయకుండా కేవలం ఫోర్లు, సిక్సర్లు కొట్టడం ద్వారా 50 పరుగులు సాధించాడు. దీంతో, అతను తన గురువు యువరాజ్ సింగ్ రికార్డును సమం చేశాడు.

అభిషేక్ శర్మ అద్భుతమైన అర్ధ శతకం..

పంజాబ్‌తో జరిగిన ఈ మ్యాచ్‌లో అభిషేక్ శర్మ కేవలం 12 బంతుల్లోనే అర్ధ సెంచరీ చేశాడు. ఇది టీ20 క్రికెట్ చరిత్రలో ఉమ్మడిగా మూడవ వేగవంతమైన అర్ధ సెంచరీగా నిలిచింది. 2007లో 12 బంతుల్లోనే హాఫ్ సెంచరీ సాధించడం ద్వారా తన గురువు యువరాజ్ సింగ్ రికార్డును సమం చేశాడు. అర్ధ సెంచరీకి చేరుకునే మార్గంలో అతను 5 ఫోర్లు, 5 సిక్సర్లు కూడా కొట్టాడు. అంటే అతను బౌండరీల ద్వారా మాత్రమే 50 పరుగులు చేశాడు. హాఫ్ సెంచరీ తర్వాత తుఫాన్ ఇన్నింగ్స్‌తో రెచ్చిపోయిన అభిషేక్ శర్మ సెంచరీ పూర్తి చేశాడు. మొత్తంగా 52 బంతుల్లో 8 ఫోర్లు, 16 సిక్స్‌లతో 148 పరుగులు చేశాడు. దీంతో పంజాబ్ జట్టు 5 వికెట్లు కోల్పోయి 310 పరుగులు చేసింది.

2025 సయ్యద్ ముష్తాక్ అలీ ట్రోఫీలో బెంగాల్‌తో జరిగిన మ్యాచ్‌లో పంజాబ్ కెప్టెన్ అభిషేక్ శర్మ చేసిన విధ్వంసక ఇన్నింగ్స్ ఇప్పుడు అతన్ని వైభవ్ శర్మతో కలిపి ఓ రికార్డులో చేర్చింది. అభిషేక్ కేవలం 32 బంతుల్లోనే సెంచరీ సాధించాడు. 7 ఫోర్లు, 11 అద్భుతమైన సిక్సర్లు బాదాడు. అతని స్ట్రైక్ రేట్ 321.88గా నిలిచింది.

ఇవి కూడా చదవండి

ఏరికోరి టీమిండియా కోచ్‌గా వచ్చింది ఇందుకేనా గంభీర్..

ఆ 4 తప్పులతో టీమిండియా పరువు తీసిన గంభీర్.. కట్‌చేస్తే..

నలుగురు ఆల్ రౌండర్లు, ఐదుగురు బౌలర్లు, ఆరుగురు బ్యాటర్లతో బరిలోకి

గంభీర్, అగార్కర్‌ల మూర్ఖత్వానికి నలుగురు బలి..

ఇది అభిషేక్ 35 బంతుల్లో లేదా అంతకంటే తక్కువ సమయంలో చేసిన రెండవ టీ20 సెంచరీగా నిలిచింది. గత సంవత్సరం , ఇదే టోర్నమెంట్‌లో , అతను 28 బంతుల్లో సెంచరీ చేశాడు. ఇప్పుడు, వైభవ్ సూర్యవంశీతో పాటు, ఇంత వేగంగా రెండు టీ20 సెంచరీలు సాధించిన ప్రపంచంలో రెండవ బ్యాట్స్‌మన్‌గా నిలిచాడు. అభిషేక్ శర్మ ఈ ఇన్నింగ్స్‌లో మొత్తం 148 పరుగులు చేశాడు. దీనికి అతను 52 బంతులు ఎదుర్కొని 8 ఫోర్లు, 16 సిక్సర్లు బాదాడు.

దోహాలో యునైటెడ్ అరబ్ ఎమిరేట్స్‌తో జరిగిన 2025 ఆసియా కప్ రైజింగ్ స్టార్స్‌లో తన మొదటి మ్యాచ్‌లో వైభవ్ సూర్యవంశీ 32 బంతుల్లో సెంచరీ సాధించాడు. అతను 42 బంతుల్లో మొత్తం 144 పరుగులు చేశాడు. గతంలో, అతను ఐపీఎల్ 2025లో గుజరాత్ జట్టుతో ఆడుతూ 35 బంతుల్లో సెంచరీ చేశాడు.

2007లో యువరాజ్ సింగ్ 12 బంతుల్లోనే హాఫ్ సెంచరీ సాధించాడు. టీ20 ప్రపంచ కప్ సందర్భంగా ఇంగ్లాండ్‌పై ఈ ఘనత సాధించాడు. అలాగే, స్టువర్ట్ బ్రాడ్‌పై ఆరు బంతుల్లోనే ఆరు సిక్సర్లు బాదాడు. ఈ గురు-శిష్యుల కలయిక సినిమా కథ కంటే తక్కువేం కాదు. యువరాజ్ ఒకప్పుడు భారత బ్యాట్స్‌మెన్స్ ఎంత నిర్భయంగా ఉండగలరో ప్రపంచానికి చూపించాడు. ఇప్పుడు అభిషేక్ ఆ దూకుడును తదుపరి తరానికి ముందుకు తీసుకెళ్తున్నాడు.

పంజాబ్ దూకుడు..

ఈ మ్యాచ్‌లో అభిషేక్ శర్మ పంజాబ్‌కు బలమైన ఆరంభాన్ని ఇచ్చాడు. అతని విధ్వంసక ఇన్నింగ్స్ పవర్‌ప్లేలో పంజాబ్ వికెట్ కోల్పోకుండా 93 పరుగులు చేయడంలో సహాయపడింది. దక్షిణాఫ్రికాతో టీమిండియా త్వరలో టీ20 సిరీస్ ఆడనుందని గమనించాలి. కాబట్టి, అభిషేక్ ఫామ్ భారత జట్టుకు శుభసూచకం.