ICC World Cup 2023 India Schedule: 10 టీంలు.. 46 రోజులు.. 10 వేదికల్లో 48 మ్యాచ్‌లు.. ప్రపంచ కప్ షెడ్యూల్‌లో పాక్‌కు భారీ షాక్..

World Cup 2023 Schedule: భారత్ వేదికగా జరగనున్న వన్డే ప్రపంచకప్ షెడ్యూల్ విడుదలైంది. అక్టోబరు 5 నుంచి ప్రపంచకప్ ప్రారంభం కానుండగా, ఫైనల్ మ్యాచ్ అహ్మదాబాద్‌లో జరగనుంది.

Ind Vs Pak Match

Venkata Chari |

Updated on: Jun 27, 2023 | 1:16 PM

World Cup 2023 Schedule: భారత్ వేదికగా జరగనున్న వన్డే ప్రపంచకప్ షెడ్యూల్ విడుదలైంది. అక్టోబరు 5 నుంచి ప్రపంచకప్ ప్రారంభం కానుండగా, ఫైనల్ మ్యాచ్ అహ్మదాబాద్‌లో జరగనుంది. 46 రోజుల పాటు జరిగే ఈ టోర్నీ మొత్తం 10 వేదికల్లో 48 మ్యాచ్‌లు జరగనున్నాయి. వన్డే ప్రపంచకప్ షెడ్యూల్ గురించి 5 కీలక విషయాలను ఇప్పుడు తెలుసుకుందాం..

వన్డే ప్రపంచకప్‌లో భారత జట్టు తన తొలి మ్యాచ్‌ను అక్టోబర్ 8న ఆస్ట్రేలియాతో ఆడనుంది. అక్టోబర్ 15న అహ్మదాబాద్‌లో పాకిస్థాన్‌తో భారత జట్టు పోటీపడనుంది.

ఐసీసీ షెడ్యూల్‌ నుంచి పాకిస్థాన్‌కు గట్టి ఎదురుదెబ్బ తగిలింది. పాకిస్థాన్ తన రెండు మ్యాచ్‌ల వేదికను మార్చాలని డిమాండ్ చేసింది. చెన్నైలో ఆఫ్ఘనిస్థాన్‌, బెంగళూరులో ఆస్ట్రేలియాతో ఆడేందుకు పాకిస్తాన్ ఇష్టపడలేదు. అంతే కాదు అహ్మదాబాద్‌లో భారత్‌తో తలపడేందుకు పీసీబీ కూడా సిద్ధంగా లేకపోయినా ఐసీసీ మాత్రం పాక్ వినతిని పట్టించుకోలేదు.

ఇవి కూడా చదవండి

ఐసీసీ ప్రపంచ కప్ 2023 చివరిసారి లాగే రౌండ్ రాబిన్ ఫార్మాట్‌లో నిర్వహించనున్నారు. మొత్తం 10 జట్లు రౌండ్ రాబిన్ ఫార్మాట్‌లో మొత్తం 9 లీగ్ మ్యాచ్‌లు ఆడనున్నాయి. ఇందులో టాప్ 4 జట్లు సెమీ ఫైనల్స్‌కు అర్హత సాధిస్తాయి.

వన్డే ప్రపంచకప్‌లో తొలి సెమీఫైనల్ నవంబర్ 15న ముంబైలో, రెండో సెమీఫైనల్ నవంబర్ 16న కోల్‌కతాలో జరగనుంది. నవంబర్ 19న అహ్మదాబాద్‌లోని నరేంద్ర మోదీ స్టేడియంలో ఫైనల్ మ్యాచ్ జరగనుంది.

ప్రపంచ కప్ సెమీ ఫైనల్స్, ఫైనల్స్ కోసం రిజర్వ్ డే ఉంచారు. ఒకవేళ వర్షం లేదా మరేదైనా కారణాల వల్ల, ఈ నాకౌట్ మ్యాచ్‌లను నిర్ణీత రోజున నిర్వహించలేకపోతే, మరుసటి రోజు నిర్వహిస్తారు. అన్ని నాకౌట్ మ్యాచ్‌లు డే అండ్ నైట్‌లుగా జరగనున్నాయి. భారత కాలమానం ప్రకారంర అన్ని మ్యాచ్‌లు మధ్యాహ్నం 2 గంటల నుంచి ప్రారంభమవుతాయి.