Asian Games: ముగిసిన ఆసియా క్రీడలు.. 85 పతకాలలో 4వ స్థానంలో భారత్.. ఫస్ట్‌ ప్లేస్‌లో ఎవరంటే?
జపాన్‌లో జరిగిన 2026 ఆసియా క్రీడలు అధికారికంగా ముగిశాయి. జపాన్‌లోని నాగోయా సిటీ మిజుహో పార్క్ అథ్లెటిక్ స్టేడియంలో ఆసియా క్రీడల ముగింపు వేడుకలు ఘనంగా జరిగాయి. 43 క్రీడాంశాలలో రెండు వారాల పాటు సాగిన ఉత్కంఠభరిత పోటీలకు ఈ రోజు ముగింపు పలికారు. అయితే ఈ క్రీడల్లో భారత్ మొత్తం 85 పతకాలు గెలిచి నాలుగో ప్లేస్‌ను కైవసం చేసుకుంది.
Updated on: Oct 04, 2026 | 9:47 PM
జపాన్‌లో జరిగిన 2026 ఆసియా క్రీడలు ఎట్టకేలకు ముగిశాయి. ఒలింపిక్ కౌన్సిల్ ఆఫ్ ఆసియా అధ్యక్షుడు ఆసియా క్రీడలు ముగిసినట్లు అధికారికంగా ప్రకటించారు..ఆసియా క్రీడల ముగింపు వేడుకల్లో ఆసియా క్రీడలకు చెందిన లాంఛనప్రాయ టార్చ్ జెండాను ఖతార్ ప్రతినిధులకు అప్పగించారు. 2030లో దోహాలో జరిగే తదుపరి ఎడిషన్‌కు ఖతార్ ఆతిథ్యం ఇవ్వనుంది. ముగింపు వేడుకలో భారత జెండాను షూటర్ నీరూ ధండా మోశారు. ఈ క్రీడల్లో రెండు స్వర్ణాలు, ఒక రజతం గెలుచుకున్న నీరూ ధండా దేశ పతాకధారిగా వ్యవహరించారు.
ఆసియా క్రీడల పతకాల పట్టికలో భారత్ నాలుగో స్థానంలో నిలిచింది. 21 స్వర్ణాలు, 27 రజతాలు, 37 కాంస్యాలతో కలిపి మొత్తం 85 పతకాలు సాధించి భారత్ అద్భుత ప్రదర్శన కనబరిచింది. ఇది గత ఎడిషన్ (హాంగ్‌జౌ 2023)లో సాధించిన 106 పతకాల కంటే తక్కువైనా, చారిత్రక విజయాలు, కొత్త ఛాంపియన్లు ఈ ఎడిషన్‌లో ఎక్కువగా వచ్చాయి. భారత క్రీడాకారులు హాకీ, క్రికెట్, కబడ్డీ, ఆర్చరీ, షూటింగ్, బాక్సింగ్, రెజ్లింగ్, గోల్ఫ్ వంటి అనేక విభాగాల్లో స్వర్ణాలు సాధించి దేశానికి గర్వకారణమయ్యారు.
2026 Asian Games
ఆసియా క్రీడలు 2026 పతకాల పట్టికలో మొదటి నాలుగు స్థానాల్లో పీపుల్స్ రిపబ్లిక్ ఆఫ్ చైనా, జపాన్, రిపబ్లిక్ ఆఫ్ కొరియా, భారత్ నిలిచాయి. ఆసియా క్రీడల్లో 341 పతకాలతో మొదటి స్థానంలో నిలిచిన చైనా క్రీడాకారులు 169 బంగారు, 89 రజత, 83 కాంస్య పతకాలు సాధించారు.
269 పతకాలతో రెండో స్థానంలో నిలిచిన జపాన్ క్రీడాకారులు 83 బంగారు, 95 రజత, 91 కాంస్య పతకాలు సాధించారు.150 పతకాలతో మూడో స్థానంలో నిలిచిన దక్షిణ కొరియా క్రీడాకారులు 39 బంగారు, 43 రజత, 68 కాంస్య పతకాలు సాధించారు. భారత్ 85 పతకాలతో నాలుగో స్థానంలో నిలిచి టాప్ ఫోర్‌లో తన స్థానాన్ని కాపాడుకుంది.
2026 Asian Games (1)
మరిన్ని క్రీడా వార్తల కోసం ఇక్కడ క్లిక్ చేయండి.
