2027 ప్రపంచకప్‌.. కోహ్లీ, రోహిత్ భవితవ్యంపై బీసీసీఐ చీఫ్ క్లారిటీ

టీమిండియా సీనియర్ స్టార్ ఆటగాళ్లు విరాట్ కోహ్లీ, రోహిత్ శర్మలు 2027 వన్డే ప్రపంచకప్‌లో ఆడతారా లేదా అనే అంశంపై జరుగుతున్న చర్చలకు బీసీసీఐ అధ్యక్షుడు మిథున్ మన్హాస్ తెరదించారు. వారిద్దరి ఎంపికలో వయసు ఎప్పటికీ అడ్డంకి కాదని ఆయన స్పష్టం చేశారు. ఆటగాళ్లు పూర్తి ఫిట్‌నెస్‌తో ఉండి, అద్భుతమైన ప్రదర్శన కనబరుస్తున్నంత కాలం జట్టులో కొనసాగుతారని ఆయన భరోసా ఇచ్చారు. ఇటీవల ఓ ఇంటర్వ్యూలో మన్హాస్ ఏమన్నారంటే.. “ఎంపికకు ఫిట్‌నెస్, ప్రదర్శన మాత్రమే ప్రామాణికం కావాలి, వయసు కాదు. ఆటగాడు ఫిట్‌గా ఉండి దేశం కోసం మ్యాచ్‌లు గెలిపిస్తుంటే మనం దానిపైనే దృష్టి పెట్టాలి” అని పేర్కొన్నారు. మరోవైపు ఈ మాజీ కెప్టెన్లు అద్భుతమైన ఫామ్‌ను కనబరుస్తున్నారు. విరాట్ కోహ్లీ తన చివరి ఐదు వన్డే ఇన్నింగ్స్‌లలో 76.75 సగటుతో 307 పరుగులు చేయగా, ఇందులో వెస్టిండీస్‌పై చేసిన అజేయ సెంచరీ కూడా ఉంది. అలాగే రోహిత్ శర్మ చివరి ఐదు వన్డేల్లో 77.80 సగటుతో 389 పరుగులు సాధించి, రెండు సెంచరీలు నమోదు చేశాడు. యువ కెప్టెన్ శుభ్‌మన్ గిల్‌కు కోహ్లీ, రోహిత్ వంటి సీనియర్ల అనుభవం ఎంతో ఉపయోగపడుతుందని మన్హాస్ అభిప్రాయపడ్డారు. గిల్ ఇప్పటికే నాయకుడిగా రాణిస్తున్నాడని, జట్టులో విరాట్, రోహిత్, హార్దిక్, బుమ్రా వంటి సీనియర్లు ఉండటం కెప్టెన్‌పై పనిభారాన్ని తగ్గిస్తుందని వివరించారు. బీసీసీఐ అధ్యక్షుడి తాజా వ్యాఖ్యలతో రోహిత్, కోహ్లీ అభిమానుల్లో నూతనోత్సాహం వెల్లివిరుస్తోంది.

మరిన్ని వీడియోల కోసం ఇక్కడ క్లిక్ చేయండి

Also Watch:

యువకుడిని కిడ్నాప్‌ చేసిన దొంగలు.. అతని వద్ద డబ్బులు లేవని.. ఏంచేశారో చూడండి!