Tirumala: వెంకన్న భక్తులకు గుడ్ న్యూస్.. మార్చి నెలలో శ్రీవారి ఆర్జిత సేవా టికెట్లు కావాలా..

తిరుమల శ్రీ‌వారి ఆర్జితసేవా టికెట్ల మార్చి నెల కోటా విడుదలపై టిటిడి క్లారిటీ ఇచ్చింది. మార్చి నెలలో పరీక్షల సీజన్ మొదలు కానుంది. ఈ నేపధ్యంలో తిరుపతి క్షేత్రానికి వెళ్ళాలని శ్రీవారిని దర్శించుకోవాలని ముందస్తుగా ప్లాన్ చేసుకునేవారికి వీలుగా మార్చి నెలకు సంబంధించిన పలు శ్రీవారి సేవలకు సంబందించిన టికెట్స్ తో పాటు శీవారి దర్శనం కోటాను ఆన్ లైన్ లో రిలీజ్ చేయనుంది.

Tirupati

Raju M P R | Edited By: Surya Kala

Updated on: Dec 17, 2024 | 4:13 PM

శ్రీ‌వారి ఆర్జిత సేవా టికెట్లకు సంబంధించిన సుప్ర‌భాతం, తోమ‌ల‌, అర్చ‌న‌, అష్టదళ పాదపద్మారాధన సేవల కోటాను ఈ నెల 18న విడుదల చేయనుంది. ఉదయం 10 గంట‌ల‌కు టీటీడీ ఆన్‌లైన్‌లో విడుదల చేయ‌నుంది. సేవా టికెట్ల రిజిస్ట్రేష‌న్‌ కోసం డిసెంబరు 18 నుండి 20వ తేదీ ఉదయం 10 గంటల వరకు ఆన్‌లైన్‌లో నమోదు చేసుకోవచ్ఛని ప్రకటన జారీ చేసింది. సేవా టికెట్లు పొందిన వారు డిసెంబరు 20 నుండి 22వ తేదీ మధ్యాహ్నం 12 గంటల లోపు డబ్బు చెల్లించిన వారికి లక్కీడిప్‌ లో టికెట్లు మంజూరవుతాయని స్పష్టం చేసింది. ఈ మేరకు టీటీడీ అధికారిక వెబ్ సైట్ https://ttdevasthanams.ap.gov.in ద్వారానే శ్రీ‌వారి ఆర్జిత‌సేవ‌లు, ద‌ర్శ‌న టికెట్లు బుక్ చేసుకోవాల‌ని టీటీడీ కోరుతోంది.

డిసెంబ‌రు 21న ఆర్జిత సేవా టిక్కెట్ల విడుదల.

కల్యాణోత్సవం, ఊంజల్ సేవ, ఆర్జిత బ్రహ్మోత్సవం, సహస్రదీపాలంకార సేవా టికెట్లను డిసెంబ‌రు 21న ఉదయం 10 గంటలకు విడుదల చేస్తారు.

డిసెంబ‌రు 21న వర్చువల్ సేవల కోటా విడుదల…

వర్చువల్ సేవలు, వాటి దర్శన స్లాట్లకు సంబంధించిన మార్చి నెల కోటాను డిసెంబరు 21న మధ్యాహ్నం 3 గంటలకు ఆన్‌లైన్‌లో విడుదల చేయనుంది టీటీడీ.

ఇవి కూడా చదవండి

కల్కి అవతారం సంబాల్ లోనే జరుగుతుందా.. పురాణ కథ ఏమిటంటే

డిసెంబరు 23న‌ అంగప్రదక్షిణం టోకెన్లు.

మార్చి నెల‌కు సంబంధించిన అంగప్రదక్షిణం టోకెన్ల కోటాను డిసెంబరు 23న ఉదయం 10 గంటలకు టీటీడీ ఆన్‌లైన్‌లో విడుదల చేయ‌నుంది.

శ్రీవాణి టికెట్ల ఆన్ లైన్ కోటా…

శ్రీవాణి ట్రస్టు టికెట్లకు సంబంధించిన మార్చి నెల ఆన్ లైన్ కోటాను డిసెంబరు 23వ తేదీ ఉదయం 11 గంటలకు విడుదల చేయనుంది టీటీడీ.

వృద్ధులు, దివ్యాంగుల దర్శన కోటా…

వ‌యోవృద్ధులు, దివ్యాంగులు, దీర్ఘ‌కాలిక వ్యాధులున్న‌వారు తిరుమల శ్రీ‌వారిని ద‌ర్శించుకునేందుకు వీలుగా మార్చి నెల ఉచిత‌ ప్ర‌త్యేక ద‌ర్శ‌నం టోకెన్ల కోటాను డిసెంబరు 23న మధ్యాహ్నం 3 గంట‌ల‌కు టీటీడీ ఆన్‌లైన్‌లో విడుద‌ల చేయ‌నుంది.