Success Mantra: మీ మనసు భయానికి గురైతే వైఫల్యం మీ సొంతం.. భయం వదిలించుకునే ఐదు ప్రేరణాత్మక వ్యాఖ్యలు మీకోసం

ఈ భయం మరెక్కడా లేదని మీకు తెలుసా.. మీ మనస్సులోనే భయం అనేది ఉంటుంది. భయం తరచుగా వైఫల్యానికి కారణం అవుతుంది. మీరు మీ మనస్సు నుండి భయాన్ని తొలగిస్తే.. మీకు ఏ పని కష్టం కాదు. అలాగే మీరు భయపడరు.

Success Tips In Telugu

Surya Kala |

Updated on: Mar 12, 2023 | 3:50 PM

భయపడటానికి నిర్ణీత వయస్సు లేదు. ఎవరికైనా ఎప్పుడైనా ఏ సంఘంటన విషయంలోనైనా భయపడవచ్చు. విద్యార్ధి చదువు విషయంలో అపజయం ఎదురైతే భయపడుతాడు. వ్యాపారవేత్త వ్యాపారంలో నష్టం వస్తుందేమో అని భయపడతాడు. అదేవిధంగా.. ఎవరైనా ఏదో ఒక రకమైన భయం ఉంటుంది. దేనికైనా భయపడడం మానవ సహజం. అయితే ఈ భయం మరెక్కడా లేదని మీకు తెలుసా.. మీ మనస్సులోనే భయం అనేది ఉంటుంది. భయం తరచుగా వైఫల్యానికి కారణం అవుతుంది. మీరు మీ మనస్సు నుండి భయాన్ని తొలగిస్తే.. మీకు ఏ పని కష్టం కాదు. అలాగే మీరు భయపడరు. భయాన్ని అధిగమించడానికి సంబంధించిన 5 ప్రేరణాత్మక వాక్యాల గురించి తెలుసుకుందాం..

ప్రతి ఒక్కరూ ఏదైనా కొత్త పనిని ప్రారంభించాలన్నా.. ప్రారంభించినా వైఫల్యానికి భయపడతారు. అయితే ఆ వైఫల్యానికి భయపడవద్దు లేదా దాని గురించి భయపడి ఆ పనిని మధ్యలో వదిలివేయవద్దు. ఎవరైతే చిత్తశుద్ధితో.. నిరంతరంగా కృషి చేస్తారో.. వారు ఖచ్చితంగా ఏదో ఒక రోజు విజయం సాధిస్తారు.
మీరు ఏ పని చేయడానికి భయపడుతున్నారో.. దాన్ని మళ్లీ మళ్లీ చేస్తూ ఉండండి. మీ భయాన్ని జయించడానికి ఇదే సులభమైన మార్గం అని పెద్దలు చెప్పారు. ఇది ఖచ్చితంగా మీకు విజయాన్ని అందిస్తుంది.
జీవితంలో భయాన్ని మీ దగ్గరికి రానివ్వకండి. ఏదైనా కారణంతో మీకు భయం కలిగితే.. మీరు భయాన్ని మరచిపోయే విధంగా ఏదొక పనిలో నిమగ్నం అవండి. భయం నుంచి పారిపోకండి.. భయాన్ని దైర్యంగా ఎదుర్కోండి.
మీకు భయం లేకపోతే.. అది విజయానికి గుర్తింపు కాదు. ఎలాంటి భయాన్ని అధిగమించడానికైనా ధైర్యం అంటారు. భయపడనివాడు ధైర్యవంతుడు కాదు.. భయాన్ని ఓడించేవాడు ధైర్యవంతుడు అని అంటారు.

ఇవి కూడా చదవండి