Sravana masam 2023: ఈరోజు నుండి నిజ శ్రావణమాసం ప్రారంభం.. ఈనెల 25న వరలక్ష్మీ వ్రతం..

Shravana Masam 2023

ఈరోజు నుండి అంటే గురువారం నుంచి శ్రావణమాసం ప్రారంభమవుతుంది. శ్రావణమాసం అంటేనే ప్రతి మహిళకు చాలా ప్రత్యేకం. ప్రతి ఇంట్లో ఈ శ్రావణమాసంలో ప్రత్యేక పూజలతో పాటు అమ్మవారి వ్రతాలు చేస్తూ ఉంటారు. ఇక ఆలయాల్లో కూడా భక్తులు తాకిడి ఉంటుంది. ప్రతి ఏటా శ్రావణమాసంలో కొత్తగా పెళ్లయిన దంపతులకు నిండు నూరేళ్లు సౌభాగ్యం ఉండాలని ఐదేళ్లపాటు శ్రావణమాసంలో వచ్చే ప్రతీ మంగళవారాల్లో వ్రతాలు చేస్తుంటారు. అంతేకాదు రాష్ట్రాల్లో మహిళలు ఎంతో భక్తితో ఇంటింటా వ్రతాలు, పూజలు కూడా ఆచరిస్తుంటారు. శ్రావణమాసంలో ఎన్నో పండుగలు జరుపుకుంటారు. రక్షాబంధన్, కృష్ణాష్టమి, వరలక్ష్మీ వ్రతాలు, నాగపంచమి, నాగులచవితి వంటి పండుగలు ఎన్నో భక్తి శ్రద్ధలతో జరుపుకుంటారు దానితో పాటు ఆలయాలు కూడా దర్శిస్తుంటారు.

శ్రావణమాసం అనగానే మరి ముఖ్యంగా గుర్తొచ్చేది వరలక్ష్మి వ్రతాలు. శ్రావణమాసంలో పౌర్ణమికి ముందు వచ్చే శుక్రవారం వరలక్ష్మీ వ్రతం జరుపుకుంటారు. అది వరలక్ష్మీ వ్రతం నాడు ఉపవాస దీక్షలు చేస్తూ పూజలు వ్రతాలు ఆచరిస్తూ కన్యలకు తాంబూలం ఇస్తారు. మరికొందరు పెళ్లయిన మహిళలచే తాంబూలం కార్యక్రమం చేపడతారు. శ్రావణమాసంలో జరుపుకునే పండుగలకు మరో ప్రత్యేకత ఉంది. వర్షాకాలంలో అంటూ వ్యాధులు అతివేగంగా విజృంభిస్తుంటాయి. ఇలా అంటువ్యాధులు పెరగకుండా ఉండటానికి పూజలు, వ్రతాలు దోహదపడతాయని భక్తుల నమ్మకం. అయితే శ్రావణమాసం మొత్తం చాలా కుటుంబాలు మద్యం, మాంసానికి దూరంగా ఉంటూ పూజలు, వ్రతాలు నిర్వహిస్తారు.

శ్రావణమాసంలో కన్యలకు కదుపునింపితే జీవితాంతం పిల్ల పాపలతో సుఖంగా జీవిస్తారని మహిళలు నమ్ముతారు. అందుకే చాలామంది మహిళలు ఈ వ్రతాన్ని ఆచరిస్తుంటారు. ఇక ఈనెల 25న వరలక్ష్మీ వ్రతం. అధికమాసం రావటంతో ప్రతి సంవత్సరం కన్నా ఈ సంవత్సరం వరలక్ష్మి వ్రతం ఆలస్యమైందని పండితులు చెబుతున్నారు. మొత్తానికి శ్రావణమాసం మొదలైంది కాబట్టి శుభకార్యాలకు ముహూర్తాలు మొదలైనట్టే.

శ్రావణ మాసంలో జోరుగా ముహూర్తాలు..

మరిన్ని ఆధ్యాత్మిక వార్తల కోసం ఈ లింక్ క్లిక్ చేయండి..