Chanakya Niti: జీవితంలో విజయం సాధించాలంటే ఈ విషయాలకు దూరంగా ఉండమంటున్న చాణక్య
కొంతమంది జీవితంలో విజయం సాధించడానికి కష్టపడి పని చేస్తారు.. అయితే ఎంత కష్టపడినా సరే చేపట్టినలో పనిలో అడ్డంకులు ఎదుర్కొంటున్నారు. దీంతో విజయం దక్కదు. ఇలాంటి వారు ఆచార్య చాణక్య చెప్పిన చాణక్య నీతిలోని కొన్ని ముఖ్యమైన విషయాలను గుర్తుంచుకోవాలి. తద్వారా మీ విజయానికి ఎలాంటి అడ్డంకులు ఉండవు.
Updated on: Dec 03, 2024 | 9:20 AM
జీవితంలో విజయం సాధించాలంటే.. కష్టపడి పనిచేయడం, అంకితభావం మాత్రమే అవసరం కాదు.. కొన్ని ప్రతికూల విషయాలకు దూరంగా ఉండటం కూడా అవసరం. ప్రతి కులా అంశాలు విజయానికి అడ్డంకులుగా మారతాయి. లక్ష్యాల నుంచి మనల్ని దూరం చేస్తాయి. జీవితంలో విజయం సాధించడానికి ఉన్న ఏకైక మార్గం కష్టపడి పనిచేయడమే. అయితే కొన్ని సార్లు ఎంత కష్టపడినా కూడా విజయం సాధించలేరు. దీంతో చాలా మంది నిరాశకు గురవుతారు. ఆచార్య చాణక్యుడు చాణక్య నీతిలో దీని గురించి చెప్పాడు. విజయవంతం అవ్వకుండా నిరోధించే అనేక చెడు అలవాట్లు ఉన్నాయి. ఈ అలవాట్లను వెంటనే మానుకోవాలి.
ఏ విషయాలకు దూరంగా ఉండాలంటే..
- ప్రతికూల ఆలోచనలు వ్యక్తులలో ఆత్మవిశ్వాసాన్ని బలహీనపరుస్తాయి. విజయ మార్గంలో వచ్చే సవాళ్లను ఎదుర్కొనే సామర్థ్యాన్ని తగ్గిస్తుంది. కనుక ఎల్లప్పుడూ సానుకూలంగా ఆలోచించండి. స్ఫూర్తిదాయకమైన పుస్తకాలను చదవండి. సానుకూల వ్యక్తులతో సమయాన్ని గడపండి.
- సోమరితనం ప్రజలను ముందుకు వెళ్లకుండా చేస్తుంది. లక్ష్యాలను సాధించడంలో ఆలస్యం చేస్తుంది. అందువల్ల చిన్న లక్ష్యాలను ఏర్పరచుకోండి. వాటిని సాధించడానికి మిమ్మల్ని మీరు ప్రేరేపించుకోండి. క్రమం తప్పకుండా వ్యాయామం చేయండి. ఆరోగ్యకరమైన జీవనశైలిని అనుసరించండి.
- అభద్రత ప్రజలను కొత్త అవకాశాలను తీసుకోకుండా నిరోధిస్తుంది. ఎక్కువ మంది ఇతరులతో తమను తాము పోల్చుకుంటారు. అయితే మీ బలాలను నమ్మండి. బలహీనతలను అంగీకరించండి. మిమ్మల్ని ఇతరులతో మిమ్మల్ని మీరు పోల్చుకోవడం మానేయండి.
- దురాశ తరచుగా ప్రజలను తప్పు మార్గంలో నడిపిస్తుంది. వ్యక్తుల సంబంధాలను పాడు చేస్తుంది. కనుక సంతృప్తి చెందడం నేర్చుకోండి. డబ్బును ఒక సాధనంగా చూడండి.
- కోపం అనేది వ్యక్తుల నిర్ణయం తీసుకునే సామర్థ్యాన్ని ప్రభావితం చేస్తుంది. మన సంబంధాలలో సమన్వయం క్షీణిస్తుంది. కనుక దీర్ఘ శ్వాస తీసుకోండి. ధ్యానం చేయండి. మనస్సును ప్రశాంతంగా ఉంచే వాటిపై దృష్టి పెట్టండి.
- అహం ఇతరుల మాటలు వినకుండా, నేర్చుకునే అవకాశాలను అందిపుచ్చుకోకుండా నిరోధిస్తుంది. అందువల్ల అహాన్ని విడిచి జీవితంలో ఎల్లప్పుడూ మర్యాదగా ఉండండి. ఇతరుల అభిప్రాయాలను గౌరవించండి.
ఈ విషయాలపై ప్రత్యేక శ్రద్ధ వహించండి
ఆచార్య చాణక్యుడు తన విధానంలో ఓర్పు, విశ్వాసం ఉన్న వ్యక్తి ఎలాంటి ఇబ్బందులనైనా ఎదుర్కోగలడని, ఇతరులకు సహాయం చేసే వ్యక్తికి కూడా సహాయం అందుతుందని చెప్పాడు. కోపం , అహం అనేవీ వ్యక్తిలోని మంచిని కూడా దాచే విషం లాంటివి కనుక ఎవరైనా సరే అహంకారంతో ఉండకూడదని చాణక్య నీతి ప్రజలను ప్రేరేపిస్తుంది. జీవితంలోని ప్రతి అంశంలో సరైన మార్గదర్శకత్వాన్ని అందిస్తుంది. తద్వారా ప్రజలు జీవితంలో ఎలాంటి సమస్యలనైనా సులభంగా ఎదుర్కొంటారు.
