Astro Tips: రోజూ ఈ 20 నియమాలను పాటించి చూడండి.. జాతకంలో గ్రహ దోషాల నుంచి విముక్తి

జాతకంలో గ్రహాల అశుభ స్థితిని శుభప్రదంగా మార్చడానికి కొన్ని సాధారణ చర్యలను అనుసరిస్తే.. అందుకు తగిన ఫలితం ఉంటుందని విశ్వాసం. రోజూ చేసే కొన్ని పనుల్లో నియమ నిబంధనలు పాటిస్తే ఖచ్చితంగా శుభ ఫలితాలను పొందుతారు. ఈ రోజు ప్రతి వ్యక్తీ నిద్ర లేచింది మొదలు నిద్ర పోయే వరకూ రోజూ తన జీవితంలో సులభంగా పాటించే నియమాలు గురించి ఈ రోజు తెలుసుకుందాం..

Zodiac Signs

Updated on: May 24, 2024 | 3:30 PM

ప్రతి వ్యక్తికి తమ జీవితంలో జరిగే మంచి చెడుల గురించి తెలుసుకోవాలని ఉంటుంది. జాతకం గ్రహాలు రాశుల మీద ఆధారపడి ఉంటుంది. జ్యోతిష్య శాస్త్రంలో గ్రహాలు రాశుల్లో సంచరించే విధానంలో ఫలితాలు ఏర్పడతాయని పేర్కొంది. అయితే జాతకంలో గ్రహాల అశుభ స్థితిని శుభప్రదంగా మార్చడానికి కొన్ని సాధారణ చర్యలను అనుసరిస్తే.. అందుకు తగిన ఫలితం ఉంటుందని విశ్వాసం. రోజూ చేసే కొన్ని పనుల్లో నియమ నిబంధనలు పాటిస్తే ఖచ్చితంగా శుభ ఫలితాలను పొందుతారు. ఈ రోజు ప్రతి వ్యక్తీ నిద్ర లేచింది మొదలు నిద్ర పోయే వరకూ రోజూ తన జీవితంలో సులభంగా పాటించే నియమాలు గురించి ఈ రోజు తెలుసుకుందాం..

ఉదయం నిద్రలేచిన వెంటనే తల్లిదండ్రులకు, గురువులకు, పెద్దలకు నమస్కరించడం అత్యంత శుభప్రదం, ప్రతిరోజూ మంచి ఫలితాలను పొందడానికి వారి ఆశీర్వాదం తీసుకోవడం మరచిపోకండి
ఆవుకి ప్రతిరోజూ బెల్లం, ఆహారాన్ని అందించండి. వీలైతే ఆవును పూజించి ఈ రోజు కోరుకున్న పనిని నేరవేర్చమని కామధేనువుని ప్రార్థించండి.
కుక్కలకు ప్రతిరోజూ ఆహారాన్ని అందించండి. పక్షులకు కూడా ఆహారం ఇస్తే అది శుభప్రదం.
నగరం లేదా గ్రామానికి సమీపంలో చెరువు, నది లేదా సముద్రం ఉన్నట్లయితే.. తాబేళ్లు మరియు చేపలకు మరమరాలను ఆహారంగా అందించండి.
ఆహారంలో కొంత భాగాన్ని ప్రతిరోజూ కాకులకు, ఇతర పక్షులకు అందించండి. ఆవు గడ్డిని తినే సమయంలో కూడా క్రమం తప్పకుండా అక్కడ శుభ్రం చేయండి.
ఇంటికి వచ్చే అతిథులకు నిస్వార్థంగా వడ్డించి వారి నుంచి వచ్చే సందేశాన్ని శ్రద్ధగా విని.. తగిన విధంగా అనుసరించండి.
ఉదయం అల్పాహారం తయారు చేసే సమయంలో ఇంటి ఇల్లాలు ఎల్లప్పుడూ అగ్నిదేవుడికి నైవేద్యంగా ఆహారాన్ని మొదట సమర్పించి, నెయ్యి, బెల్లంతో చేసిన ఆహారాన్ని బృహస్పతికి నైవేద్యంగా సమర్పించండి. ఇలా చేయడం వలన అన్నపూర్ణ దేవి కూడా సంతోషంగా ఉంటుంది.’
ఉదయాన్నే స్నానం చేసిన తర్వాత శివలింగానికి నీటిని సమర్పించి, ‘ఓం నమః శివాయ’ అనే మంత్రాన్ని 108 సార్లు జపిస్తూ ఆరాధించండి. శివయ్యకు నమస్కారం చేయండి
ఉదయాన్నే స్నానం చేసిన తరువాత సూర్యనారాయణుడికి అర్ఘ్యం సమర్పించి ఎర్రటి పువ్వులతో పూజించండి. మరల మరల చేతులు జోడించి నమస్కరించాలి.
ప్రతి శనివారం రావి చెట్టుకు కొద్దిగా నీరు, పచ్చి పాలు నైవేద్యంగా పెట్టి ఏడు ప్రదక్షిణలు చేసి త్రిమూర్తులను శాస్త్రోక్తంగా పూజించి హారతిని కళ్లకు అడ్డుకుని ‘ఓం సర్వ పితృ దేవాయ నమః’ అని జపించండి. అప్పుడు రాహు, కేతు, శని, పిత్ర దోషాలు పరిష్కారమవుతాయి.
ఉదయం సూర్యునికి అభిముఖంగా కూర్చుని భగవత్ భజన లేదా మంత్రం లేదా గురు మంత్రాన్ని ఏకాంతంగా జపించాలి.
తన శక్తి మేరకు పేదలకు ఏదైనా దానం చేయాలి.
సేవ చేసిన తర్వాత కీర్తిని పొందాలనే భావనను కలిగి ఉండకండి.
తినకూడని వస్తువులను ఎప్పుడూ తినకూడదు.
సాధ్యమైనంత వరకు ప్రతి జీవి పట్ల దయ, ఆప్యాయత, సేవా భావాన్ని కలిగి ఉండండి.
ఆదివారం లేదా మంగళవారం రుణం తీసుకోవద్దు. రుణం తీసుకోవాల్సి వస్తే బుధవారం తీసుకోండి.
రుణాన్ని మంగళవారం నాడు తిరిగి చెల్లించాలి. సంక్రాంతి, వృద్ధి యోగం లేదా హస్తా నక్షత్రం ఉన్నట్లయితే.అప్పు తీసుకోరాదని కూడా గుర్తుంచుకోండి.
ఇంట్లోని మొదట ఆహారాన్ని ఆవుకి, చివరి ఆహారాన్ని కుక్కకు క్రమం తప్పకుండా ఇస్తే ఇంట్లో ఐశ్వర్యం, సౌభాగ్యం ఉంటుంది.
పితృ దోషం నుండి విముక్తి పొందడానికి, మహాగాయత్రి మహా మంత్రాన్ని క్రమం తప్పకుండా జపించండి. శ్రీ రామేశ్వర ధామాన్ని సందర్శించి పూజించండి.
పొరపాటున కూడా గురు , శుక్రవారం రోజుల్లో గోర్లు కత్తిరించవద్దు.