Shaikpet Flyover: మెరుగైన మౌలిక సదుపాయాల కల్పన, సిగ్నల్ ఫ్రీ నగరంగా తీర్చిద్దే ప్రయత్నంలో భాగంగా చేపట్టిన వ్యూహాత్మక రహదారుల అభివృద్ధి (SRDP) పథకం కింద మరో ప్రాజెక్టు నగర ప్రజలకు అందుబాటులోకి రానున్నది.
1 / 9
రూ. 333.55కోట్ల అంచనా వ్యయంతో 2.8 కిలోమీటర్లు నిర్మించిన షేక్ పేట్ ఫ్లైఓవర్ ను నూతన సంవత్సర కానుకగా శనివారం రాష్ట్ర పురపాలక పట్టణాభివృద్ధి ఐటీ, పరిశ్రమల శాఖ మంత్రి కె.తారక రామారావు ప్రజలకు అంకితం చేయనున్నారు.
2 / 9
ఆరాంఘర్ నుండి ఎల్.బి నగర్ వెళ్లే రహదారిలో మాజీ రాష్ట్రపతి అబ్దుల్ కలాం (మిధాని -ఓవైసీ హాస్పిటల్ ) మల్టీలెవల్ ఫ్లైఓవర్ జంక్షన్ ను మంత్రి కేటీఆర్ ఇటీవలే ప్రారంభించారు.
3 / 9
ఎస్.ఆర్.డి.పి పథకం ద్వారా మొత్తం రూ. 8 వేలకోట్ల అంచనా వ్యయంతో 48 వివిధ రకాల అభివృద్ధి పనులు చేపట్టారు. అందులో సుమారు రెండు వేల కోట్ల విలువ గల ఫ్లైఓవర్లు, అండర్ పాసులు, ఆర్.ఓ.బి లు, ఆర్.యు.బి లు తదితర 24 పనులు పూర్తయ్యాయి. సుమారు రూ. 6 వేలకోట్ల రూపాయల విలువ గల మరో 24 పనులు వివిధ ప్రగతి దశలో కలవు. ఆర్ అండ్ బి జాతీయ రహదారుల శాఖలతో సమన్వయం చేస్తూ జిహెచ్ఎంసి క్రియాశీలకంగా వ్యవహరిస్తున్నది.
4 / 9
షేక్ పేట్ ఫ్లైఓవర్ రూ. 333.55 కోట్ల అంచనా వ్యయంతో 2.8 కిలోమీటర్ల మేరకు చేపట్టారు. ఖైరతాబాద్ జోన్ సర్కిల్ 18 నుండి శేరిలింగంపల్లి జోన్ మల్కమ్ చెరువు వరకు 6 లైన్లతో ఫ్లైఓవర్ ను నిర్మించారు.
5 / 9
4 జంక్షన్లు ఓయూ కాలనీ, ఫిల్మ్ నగర్, 7 టూమ్స్, విస్పెర్ వ్యాలీ జంక్షన్లలో మేజర్ కారిడార్ గుండా ప్రతి రోజూ 4 లక్షల వాహనాల రాకపోకలు సాగుతాయి.
6 / 9
లక్డికాపూల్ నుండి మెహిదీపట్నం, టోలిచౌకి మీదుగా గచ్చిబౌలి వరకు 11 కిలోమీటర్ల మేజర్ ట్రాఫిక్ కారిడార్ లో మెరుగైన రవాణా సౌకర్యంతో పాటుగా రేతిబౌలి నుండి ఓ.ఆర్.ఆర్ గచ్చిబౌలి వరకు ఫ్లైఓవర్ కలుపుతుంది. అంతేకాకుండా ఈ ఫ్లైఓవర్ బయోడైవర్సిటీ జంక్షన్ నుండి జె.ఎన్.టి.యు జంక్షన్ వరకు కలుపుతూ 17 కిలోమీటర్ల మేర ఎలాంటి ట్రాఫిక్ సమస్య లేకుండా చేస్తుంది.
7 / 9
జిహెచ్ఎంసి అధ్వర్యంలో మొదటి సారిగా ఫ్లై ఓవర్ క్రింద ప్రత్యేక పార్కును ఏర్పాటు చేయడం జరిగింది. ఈ పార్కు లో వాకింగ్ ట్రాక్, కూర్చోవడానికి సిట్టింగ్ అరెజ్మెంట్ కూడా చేశారు. ఇదే కాకుండా పచ్చదనాన్ని పెంచడానికి 16 ఫ్లైఓవర్ పిల్లర్ల పై వర్టికల్ గార్డెన్ తో అలంకరించారు.
8 / 9
ఈ ఫ్లైఓవర్లని మరింత ఆకర్షణీయంగా మార్చేందుకు వాటర్ ఫౌంటెన్ ఏర్పాటు చేశారు. ఫ్లైఓవర్ కింద నుండి వెళ్లే వాహన దారులకు చక్కటి ప్రాణవాయువు అందించడానికి జిహెచ్ఎంసి బయోడైవర్సిటీ విభాగం ద్వారా పూల రకాలైన మొక్కలను నాటారు.
