Yearly Horoscope 2025: కష్టనష్టాలు, ఆర్థిక సమస్యల నుంచి ఆ రాశుల వారికి కొత్త సంవత్సరంలో విముక్తి..!
2025 సంవత్సర ఫలాలు (జనవరి 1 నుంచి డిసెంబర్ 31, 2025 వరకు): మేష రాశి వారికి కొత్త ఏడాది చాలావరకు అనుకూలంగానే సాగిపోతుంది. ఆదాయ వృద్ధికి బాగా అవకాశం ఉంటుంది. కొద్దిగా ఖర్చులు పెరిగే అవకాశం ఉంది. వృషభ రాశి వారికి జీవితం ఏడాదంతా నల్లేరు మీద బండిలా సాగిపోతుంది. ద్వితీయార్థంలో పట్టిందల్లా బంగారం అవుతుంది. అనేక విధాలుగా ఆదాయం వృద్ధి చెందుతుంది. మిథున రాశి వారికి కొత్త సంవత్సరంలో ద్వితీయార్థం నుంచి జీవితం సాఫీగా, హ్యాపీగా సాగిపోయే అవకాశం ఉంది. మేష రాశి మొదలు మీన రాశి వరకు 12 రాశుల వారికి సంవత్సర ఫలాలు ఎలా ఉన్నాయంటే..
మేషం (అశ్విని, భరణి, కృత్తిక 1): ఈ రాశికి కొత్త ఏడాది చాలావరకు అనుకూలంగానే సాగిపోతుంది. కొత్త సంవత్సరం మొదటి ఆరు నెలల్లో గురు, శనులు, మిగిలిన ఆరు నెలలు రాహువు, కుజుడు ఈ రాశివారి జీవితాన్ని విజయ పథంలో తీసుకు వెడతారు. మార్చి 29 నుంచి ఈ రాశివారికి ఏలిన్నాటి శని ప్రారంభమవుతుంది. శనికి తరచూ దీపం వెలిగించడం, శివార్చన చేయించడం వల్ల శని దోషాలు చాలావరకు తగ్గి ఉంటాయి. లాభ స్థానంలో శని లేని లోటును మే 18 నుంచి ఏడాదిన్నర పాటు రాహువు తీర్చే అవకాశం ఉంది. ఆదాయ వృద్ధికి బాగా అవకాశం ఉంటుంది. కొద్దిగా ఖర్చులు పెరిగే అవకాశం ఉంది. వృత్తి, వ్యాపారాల్లో ఆశించిన స్థాయిలో రాబడి పెరుగుతుంది. ఉద్యోగ జీవితం కొద్దిగా పని భారం, అదనపు బాధ్యతలు పెరిగినప్పటికీ సానుకూలతలకు లోటుండదు. ఏడాది ద్వితీ యా ర్థంలో ఆరోగ్యం మీద శ్రద్ధ పెట్టాల్సిన అవసరం ఉంది. ముఖ్యమైన వ్యవహారాలు, పనులు విజయ వంతంగా పూర్తవుతాయి. ఏ ప్రయత్నం తలపెట్టినా కొద్ది వ్యయ ప్రయాసలతో సఫలం అవుతుంది. సంవత్సరం మొత్తం మీద ఒకటి రెండుసార్లు ధన యోగం పట్టే సూచనలున్నాయి. నిరుద్యోగులకు విదేశీ అవకాశాలు లభిస్తాయి. తల్లితండ్రుల నుంచి అనేక విధాలుగా సహాయ సహకారాలు అందుతాయి. ఆస్తి వివాదం ఒకటి పెద్దల జోక్యంతో పరిష్కారం అవుతుంది. కుటుంబంలో శుభ పరిణామాలు చోటు చేసుకుంటాయి. ఉద్యోగ, పెళ్లి ప్రయత్నాలు సఫలం అవుతాయి. విద్యార్థులు కొద్ది శ్రమతో ఉత్తమ ఫలితాలు సాధిస్తారు. ప్రేమ వ్యవహారాలు హ్యాపీగా, సాఫీగా సాగిపోతాయి.
1 / 12
వృషభం (కృత్తిక 2,3,4, రోహిణి, మృగశిర 1,2): లాభస్థానంలో శని, దన స్థానంలో గురువు ప్రవేశం వల్ల వీరి జీవితం ఏడాదంతా నల్లేరు మీద బండిలా సాగిపోతుంది. ద్వితీయార్థంలో పట్టిందల్లా బంగారం అవుతుంది. అనేక విధాలుగా ఆదాయం వృద్ధి చెందుతుంది. వ్యక్తిగత జీవితంలోనూ, కుటుంబ జీవితంలోనూ అనేక శుభ పరిణా మాలు చోటు చేసుకుంటాయి. సాధారణ వ్యక్తి సైతం సంపన్నుడయ్యే అవకాశం ఉంది. కుటుంబ జీవితం హ్యాపీగా సాఫీగా సాగిపోతుంది. ఇంట్లో శుభ కార్యాలు చోటు చేసుకుంటాయి. ఆర్థిక వ్యవ హారాలు విజయవంతంగా, సంతృప్తికరంగా సాగిపోతాయి. ఆరోగ్యం బాగా మెరుగ్గా ఉంటుంది. ఒకటి రెండు ప్రధానమైన వ్యక్తిగత సమస్యలు పరిష్కారమవుతాయి. అదికారుల అనుగ్రహానికి పాత్రులవుతారు. రాశినాథుడు శుక్రుడు ఏడాదంతా బాగా అనుకూలంగా ఉన్నందువల్ల ఆర్థిక పరిస్థితి బాగా మెరుగుపడుతుంది. ఏ ప్రయత్నం తలపెట్టినా విజయవంతం అవుతుంది. ప్రము ఖులతో పరిచయాలు వృద్ధి చెందుతాయి. అదనపు ఆదాయ ప్రయత్నాలు సానుకూలపడతాయి. పలుకుబడి పెరుగుతుంది. విద్యార్థులు సునాయాసంగా విజయాలు సాధిస్తారు. సంపన్న కుటుంబంతో పెళ్లి సంబంధం ఖాయం అయ్యే అవకాశం ఉంది. ప్రేమ వ్యవహారాలు హ్యాపీగా సాగి పోతాయి. ఆరోగ్యం మీద శ్రద్ధ పెట్టాల్సిన అవసరం ఉంది. ఇతరుల వివాదాల్లో కల్పించుకోకపో వడం మంచిది. ప్రతి ఆదివారం ఉదయం ఆదిత్య హృదయం పఠించడం వల్ల ఆరోగ్యం మెరుగ్గా ఉంటుంది. తీర్థయాత్రలు, విహార యాత్రలతో పాటు విదేశీ యానానికి కూడా అవకాశం ఉంది.
2 / 12
మిథునం (మృగశిర 3,4, ఆర్ద్ర, పునర్వసు 1,2,3): ఈ రాశికి శని, గురువు, రాహువు వంటి ప్రధాన గ్రహాల అనుకూలత తగ్గే అవకాశం ఉన్నప్పటికీ, రాశ్యధిపతి బుధుడు, శుక్రుడు, రవి గ్రహాల అనుకూలత బాగా పెరుగుతున్నందువల్ల కొత్త సంవత్సరంలో ద్వితీయార్థం నుంచి జీవితం సాఫీగా, హ్యాపీగా సాగిపోయే అవకాశం ఉంది. ప్రస్తుతం వ్యయ స్థానంలో సంచారం చేస్తున్న గురువు మే 25 నుంచి మిథున రాశిలోకి ప్రవేశిస్తున్నందువల్ల ద్వితీయార్థంలో ధన వృద్ధికి, పదోన్నతులకు, ఇంట్లో శుభకార్యాలకు బాగా అవకాశం ఉంది. మే 25 లోపు వృత్తి, ఉద్యోగ, వ్యాపారాల్లో కొద్దిగా ఇబ్బందులు ఎదురయ్యే అవకాశం ఉంది. ఆస్తి వివాదాలు, కోర్టు వివాదాలు మే 18 తర్వాత నుంచి పరిష్కారం కావడం ప్రారంభిస్తాయి. మే 18 నుంచి రాహువు భాగ్య స్థానంలోకి, మార్చి 29 నుంచి శని దశమ స్థానంలోకి అడుగు పెడుతున్నందువల్ల విదేశాల్లో ఉద్యోగం లభించే అవకాశం ఉంది. అయితే, పని భారం విపరీతంగా పెరిగి విశ్రాంతి కరవయ్యే అవకాశం ఉంది. తరచూ శివాలయానికి వెళ్లి అర్చన చేయించడం మంచిది. ఆర్థికంగా అంచనాలకు మించిన పురోగతి ఉంటుంది. ఒకటి రెండు ముఖ్య మైన వ్యక్తిగత సమస్యలు పరిష్కారం అవుతాయి. నిరుద్యోగులకు ప్రథమార్థంలో సామాన్యమైన ఉద్యోగం లభించినా, ద్వితీయార్థంలో మాత్రం ఆశించిన ఉద్యోగం లభిస్తుంది. పెళ్లి ప్రయత్నాల్లో శుభ సమాచారం అందుతుంది. కుటుంబ జీవితం సుఖ సంతోషాలతో సాగిపోతుంది. విద్యార్థులు తేలికగా విజయాలు సాధిస్తారు. ప్రేమ వ్యవహారాలు హ్యాపీగా, సాఫీగా సాగిపోతాయి.
3 / 12
కర్కాటకం (పునర్వసు 4, పుష్యమి, ఆశ్లేష): ఈ రాశికి శని మార్చి 29న మీన రాశిలోకి ప్రవేశించడంతో అష్టమ శని దోషం నుంచి విముక్తి లభిస్తుంది. మే 18న రాహువు అష్టమ స్థానంలోకి ప్రవేశిస్తున్నందువల్ల ఆరోగ్యం మీదా, ఆహార, విహారాల మీదా శ్రద్ధ పెట్టడం మంచిది. మే 25న గురువు వ్యయ స్థానంలోకి ప్రవేశిస్తున్నందువల్ల శుభకార్యాల మీద ఎక్కువగా ఖర్చు పెట్టడం జరుగుతుంది. ఉద్యోగాలపరంగా విదేశాలకు వెళ్లడం, అక్కడ స్థిరపడడం జరుగుతుంది. ఆదాయం బాగా వృద్ధి చెందుతుంది కానీ, కుటుంబ ఖర్చులు బాగా పెరుగుతాయి. సుందరకాండ పారాయణం, విష్ణు సహస్రనామ స్తోత్ర పఠనం వల్ల గురువు మరింత అనుకూలంగా మారి, ఆదాయాన్ని బాగా పెంచే అవకాశం ఉంటుంది. మొత్తం మీద ఏడా దంతా కాస్తంత సంతృప్తికరంగా, అనుకూలంగానే సాగిపోతుంది. ఒకటి రెండు వ్యక్తిగత సమ స్యల పరిష్కారంతో పాటు, ఆర్థిక సమస్యలు కూడా పూర్తిగా పరిష్కారమయ్యే అవకాశం ఉంది. వృత్తి, ఉద్యోగాల్లో ప్రాభవం పెరుగుతుంది. వ్యాపారాలు లాభాలపరంగా బలం పుంజుకుంటాయి. ఉద్యోగ స్థిరత్వం ఏర్పడుతుంది. శుభ గ్రహాల అనుకూల సంచారం వల్ల కుటుంబ జీవితం హ్యాపీగా సాగి పోయే అవకాశం ఉంది. వృత్తి, ఉద్యోగాలపరంగా బరువు బాధ్యతలు పెరగడం, ఒత్తిడి ఎక్కువ కావ డం వంటివి జరుగుతాయి. ఆరోగ్యం అనుకూలంగా ఉంటుంది. విద్యార్థులు కొద్దిపాటి శ్రమతో ఉత్తమ ఫలితాలు సాధిస్తారు. మే తర్వాత నుంచి పెళ్లి సంబంధాలు కుదురుతాయి. ప్రేమ వ్యవ హారాలు సానుకూలంగా సాగిపోతాయి. నిరుద్యోగులకు విదేశాల నుంచి శుభవార్తలు అందుతాయి.
4 / 12
సింహం (మఖ, పుబ్బ, ఉత్తర 1): ఈ రాశికి ప్రథమార్థం కంటే ద్వితీయార్థం బాగా అనుకూలంగా ఉంది. మే 25న గురువు లాభ స్థానంలోకి మారిన దగ్గర నుంచి ఆదాయం పెరగడం, శుభ పరిణామాలు చోటు చేసుకోవడం, ఇంట్లో శుభకార్యాలు జరగడం, సంపన్నులు కావడం, ఆస్తి కలిసి రావడం వంటివి జరుగుతాయి. మార్చి 29న శని మీన రాశిలో ప్రవేశించడం వల్ల అష్టమ శని దోషం ప్రారంభం అవుతున్నప్పటికీ, లాభ స్థానంలోని గురువు వల్ల ఒక ఏడాది పాటు శని దోషం పనిచేసే అవకాశం ఉండకపోవచ్చు. ఉద్యోగంలో పని భారం, వృత్తి, ఉద్యోగాల్లో కొద్దిగా శ్రమాధిక్యత ఉండవచ్చు. ఈ రాశివారికి ఈ ఏడాదంతా కొద్దిగా అనుకూలంగానే సాగిపోతుంది. ప్రథమార్థంలో స్వల్ప అనారోగ్యాలకు అవకాశం ఉంది. వ్యాపారాలు నిలకడగా సాగిపోతాయి. ప్రథమార్థంలో ఆర్థిక పరిస్థితి మధ్య మధ్య ఇబ్బంది పెడుతుంది. కొత్త ఉద్యోగ ప్రయత్నాలు సానుకూలపడతాయి. కొద్దిగా ఆదాయ వృద్ధి ఉంటుంది కానీ, అందుకు తగ్గట్టుగా వృథా ఖర్చులు కూడా ఉంటాయి. పెళ్లి ప్రయత్నాలు సఫలం అవుతాయి. కుటుంబ సభ్యుల నుంచి శుభవార్తలు వింటారు. జీవిత భాగస్వామికి సంబంధించి ఒకటి రెండు శుభ పరిణామాలు చోటు చేసుకుంటాయి. శనీశ్వరుడికి జపం, తైలాభిషేకం, శివార్చన చేయించడం వల్ల అనేక కష్టనష్టాల నుంచి బయటపడడం జరుగుతుంది. ఒకటి రెండు సార్లు ధన యోగం పడుతుంది. విద్యార్థులు బాగా కష్టపడాల్సి ఉంటుంది. పెళ్లి సంబంధా లకు గట్టి ప్రయ త్నాలు సాగిం చాల్సి ఉంటుంది. ప్రేమ వ్యవహారాలు సంతృప్తికరంగా సాగుతాయి.
5 / 12
కన్య (ఉత్తర 2,3,4, హస్త, చిత్త 1,2): మార్చి 29న శని సప్తమ స్థానమైన మీన రాశిలో ప్రవేశించడం వల్ల ద్వితీయార్థంలో వృత్తి, ఉద్యో గాల్లో అనుకూలతలు కొద్దిగా తగ్గే అవకాశం ఉంది. పని భారం, వేధింపులు, సమస్యలు పీడించే సూచనలున్నాయి. అయితే, మే 18 నుంచి ఆరవ స్థానంలో రాహువు ప్రవేశం వల్ల ఉద్యోగం మారడానికి అవకాశం ఉంది. ద్వితీయార్థంలో ఉద్యోగ పరిస్థితుల కొద్దిగా సానుకూలపడే అవకాశం ఉంది. దశమంలో గురువు ప్రవేశం వల్ల ఉద్యోగ మారడానికి అవకాశం ఉంది. వ్యక్తిగత, కుటుంబ సమస్యలు బాగా తగ్గుముఖం పడతాయి. మానసిక ప్రశాంతతకు లోటుండదు. అనుకున్న పనులు నిదానంగా పూర్తవుతాయి. సంపన్న కుటుంబానికి చెందిన వ్యక్తితో పెళ్లి సంబంధం కుదరుతుంది. ఆధ్యాత్మిక చింతన బాగా పెరుగుతుంది. ఆదాయ ప్రయత్నాలు సఫలం అవుతాయి కానీ అందుకు తగ్గుట్టుగా అనవసర ఖర్చులు పెరుగుతాయి. వ్యాపారాల్లో లాభాలు ఆశాజనకంగా ఉంటాయి. మే వరకు ఆర్థికంగా, కుటుంబపరంగా పురోగతి ఉంటుంది. మాటకు, చేతకు విలువ పెరుగుతుంది. ఆ తర్వాత వ్యాపార భాగస్వాములతో, జీవిత భాగస్వామితో ఇబ్బం దులు ఏర్పడవచ్చు. ఆచితూచి వ్యవహరించడం అన్నివిధాలా మంచిది. ఆర్థిక వ్యవహారాలు సానుకూలంగా సాగిపోతాయి. ఆస్తి వివాదాలు అనుకూలంగా పరిష్కారమవుతాయి. ఆరోగ్యానికి లోటుండదు. విద్యార్థులు తేలికగా విజయాలు సాధిస్తారు. ప్రేమ వ్యవహారాలు హ్యాపీగా, సాఫీగా సాగిపోతాయి. శని, రాహువులకు పరిహారంగా తరచూ శివార్చన చేయించడం మంచిది.
6 / 12
తుల (చిత్త 3,4, స్వాతి, విశాఖ 1,2,3): ఈ రాశివారికి కొత్త సంవత్సరమంతా వైభవంగా సాగిపోతుంది. మార్చి 29 నుంచి శని మీన రాశి సంచారం ప్రారంభిస్తున్నందువల్ల పట్టిందల్లా బంగారం అవుతుంది. ప్రతి పని, ప్రతి ప్రయత్నం విజయం సాధిస్తాయి. అనేక మార్గాల్లో ఆదాయం ఇబ్బడిముబ్బడిగా పెరుగుతుంది. శత్రు, రోగ, రుణ బాధల నుంచి పూర్తిగా విముక్తి లభిస్తుంది. మే 18న కుంభ రాశిలోకి మారబోయే రాహువు, మే 25న మిథున రాశిలోకి మారబోయే గురువు అనేక శుభ యోగాలనివ్వడం జరుగుతుంది. మిథున రాశిలో గురువు ప్రవేశంతో ఈ రాశివారికి ఏడాదంతా శుభ పరిణామాలతో, శుభ వార్తలతో, శుభకార్యాలతో సాగిపోతుంది. ఉద్యోగంలో ఉన్నత పదవులను పొందడం జరుగుతుంది. వృత్తి, వ్యాపారాలు లాభదాయకంగా సాగిపోతాయి. ఉద్యోగులకు, నిరుద్యోగులకు విదేశాల్లో ఉద్యోగాలు లభించే అవకాశం ఉంది. పెళ్లి ప్రయత్నాల్లో కూడా విదేశీ సంబంధాలు కుదురుతాయి. రాజకీయంగా, సామాజికంగా ఉన్నత స్థానాలలో ఉన్న వ్యక్తులతో పరిచయాలు పెరుగుతాయి. లాభ స్థానంలో కేతువు ప్రవేశిస్తున్నందువల్ల అనవసర పరిచయాలు కలిగే అవకాశం ఉంది. కొందరు స్నేహితుల వల్ల ఆర్థికంగా నష్టపోయే అవకాశం ఉంది. తీర్థ యాత్రలు, విహార యాత్రలు ఎక్కువగా చేసే అవకాశం ఉంది. వీలైనప్పుడల్లా సుబ్రహ్మణ్యాష్టకం చదువు కోవడం వల్ల రాహు కేతువులు మరింత అనుకూలంగా మారే అవకాశం ఉంటుంది. విద్యార్థులు మంచి విజయాలు సాధిస్తారు. ప్రేమ వ్యవహారాలు ఉత్సాహంగా, ఉల్లాసంగా సాగిపోతాయి.
7 / 12
వృశ్చికం (విశాఖ 4, అనూరాధ, జ్యేష్ట): ఈ రాశివారికి శని, రాహు, గురువులు అనుకూలంగా లేనందువల్ల ఈ సంవత్సరం ద్వితీయా ర్థంలో అనుకున్న పనులు అనుకున్నట్టు జరిగే అవకాశం లేదు. ఆర్థిక ఇబ్బందులు, రావలసిన సొమ్ము రాకపోవడం, ముఖ్యమైన వ్యవహారాల్లో తప్పటడుగులు, ఉద్యోగాల్లో పొరపాట్లు వంటివి జరిగే అవకాశం ఉంది. ప్రథమార్థం సాఫీగా సాగిపోయే అవకాశం ఉంది కానీ, ద్వితీయార్థంలో తప్పనిసరిగా జాగ్రత్తలు పాటించాల్సి ఉంటుంది. సుబ్రహ్మణ్యాష్టకం పఠించడంతో పాటు, తరచూ శివార్చన చేయించడం వల్ల రాశ్యధిపతి కుజుడు, శని అనుకూలంగా మారే అవకాశం ఉంటుంది. రాశ్యధిపతి కుజుడి కారణంగా కొద్ది ప్రయత్నంతో, కొద్ది శ్రమతో సంవత్సరమంతా ఆర్థికంగా, ఉద్యోగపరంగా శుభప్రదంగా సాగిపోతుంది. ఆరోగ్యం మీద కొద్దిగా శ్రద్ధ పెట్టాల్సిన అవసరం ఉంది. ఆర్థిక వ్యవహారాల్లో ఆచితూచి వ్యవహరించాల్సి ఉంటుంది. మే వరకు వృత్తి, ఉద్యోగాల పరంగా హోదా పెరగడంతో పాటు, సామాజికంగా పేరు ప్రతిష్ఠలు పెంచే అవకాశం ఉంది. గురు, కేతువులు అనుకూలంగా ఉండడం వల్ల తప్పకుండా కొన్ని శుభ పరిణామాలు అనుభవానికి వస్తాయి. కుటుంబ జీవితం సుఖమయంగా సాగిపోతుంది. వ్యాపారాలు నిలకడగా ముందుకు సాగుతాయి. సొంత పనుల మీద శ్రద్ధ పెట్టడం మంచిది. వృత్తి, వ్యాపారాల్లో సొంత ఆలోచనలు కలిసి వస్తాయి. విద్యా ర్థులు స్వల్ప ప్రయత్నంతో ఉత్తమ ఫలితాలు సాధిస్తారు. పెళ్లి సంబంధం కుదురుతుంది. ప్రేమ వ్యవహారాలు హ్యాపీగా సాగిపోతాయి. నిరుద్యోగులకు మే లోపు ఉద్యోగ యోగం పడుతుంది.
8 / 12
ధనుస్సు (మూల, పూర్వాషాఢ, ఉత్తరాషాఢ 1): ఈ రాశివారికి ఏడాదంతా అనుకూలంగా సాగిపోయే అవకాశం ఉంది. మార్చి ఆఖరులో శని మీన రాశి ప్రవేశం వల్ల ఈ రాశివారికి అర్ధాష్టమ శని ప్రారంభం అవుతుంది. అయితే, మే 18న రాహువు తృతీయ స్థానంలో ప్రవేశించడం, మే 25 నుంచి గురువు సప్తమ స్థానంలో ప్రవేశించడం వల్ల అర్ధాష్టమ శని దోషం బాగా తగ్గి ఉంటుంది. ఆదాయం బాగా వృద్ధి చెందుతుంది. ఉద్యోగంలో పదోన్నతులు కలుగుతాయి. వృత్తి, వ్యాపారాలు రాబడిపరంగా ఆశించిన పురోగతి సాధిస్తాయి. ఇంట్లో శుభకార్యాలు జరుగుతాయి. ఉన్నత స్థాయి కుటుంబానికి చెందిన వ్యక్తితో పెళ్లి సంబంధం కుదురుతుంది. ఏ ప్రయత్నం తలపెట్టినా సఫలం అవుతుంది. ప్రథమార్థం కంటే ద్వితీయార్థం వైభవంగా సాగిపోతుంది. ఒక ప్రముఖుడుగా గుర్తింపు పొందే అవకాశం ఉంది. కుటుంబంలో సుఖ సంతోషాలు వృద్ధి చెందుతాయి. నిరుద్యోగులకు విదేశాల నుంచి ఆశించిన సమాచారం అందు తుంది. విదేశాలకు సంబంధించిన సంస్థల్లోకి ఉద్యోగం మారడానికి అవకాశం ఉంటుంది. ఉద్యో గంలో ప్రాధాన్యం, ప్రాభవం పెరుగుతాయి. అనారోగ్యం నుంచి కోలుకోవడం జరుగుతుంది. వ్యక్తిగత సమస్యలు తగ్గుముఖం పడతాయి. ఆర్థిక ప్రయత్నాలు, ఆర్థిక లావాదేవీలు ఆశించిన ఫలితాలనిస్తాయి. పిల్లల నుంచి శుభవార్తలు వింటారు. రాదనుకున్న డబ్బు చేతికి అందుతుంది. విద్యార్థులు సునాయాసంగా విజయాలు సాధిస్తారు. ప్రేమ వ్యవహారాలు పెళ్లిళ్లకు దారితీస్తాయి. క్రమబద్ధంగా లలితా సహస్ర నామ స్తోత్రం పఠించడం వల్ల మనసులోని కోరికలు నెరవేరుతాయి.
9 / 12
మకరం (ఉత్తరాషాఢ 2,3,4, శ్రవణం, ధనిష్ట 1,2): మార్చి 29న శని తృతీయ రాశిలోకి మారుతున్నందువల్ల ఏలిన్నాటి శని దోషం నుంచి పూర్తిగా బయటపడడం జరుగుతుంది. దీనివల్ల అనేక కష్టనష్టాలు, పని ఒత్తిడి, ఆర్థిక సమస్యలు, అనా రోగ్యాల నుంచి విముక్తి లభిస్తుంది. జీవితం పురోగతి బాటపడుతుంది. ఉద్యోగంలోనే కాక, సామా జికంగా కూడా ఆశించిన గుర్తింపు లభిస్తుంది. మే 18న కుంభ రాశిలో ప్రవేశిస్తున్న రాహువు వల్లే కాకుండా, మే 25న మిథున రాశిలోకి ప్రవేశిస్తున్న గురువు వల్ల కూడా ఈ రాశివారికి శత్రు, రోగ, రుణ సమస్యల నుంచి చాలావరకు ఉపశమనం కలుగుతుంది. రావలసిన డబ్బు చేతికి అందుతుంది. ఉద్యోగంలో పదోన్నతులకు, వృత్తి, వ్యాపారాల్లో డిమాండ్ పెరగడానికి కూడా అవ కాశం ఉంది. ద్వితీయార్థంలో వీరికి అనుకూలతలు బాగా పెరుగుతాయి. జీవితం కొత్త పుంతలు తొక్కుతుంది. ఆదాయం క్రమంగా పెరగడం ప్రారంభం అవుతుంది. వృత్తి, ఉద్యోగ, వ్యాపారాలు ఊపందుకుంటాయి. స్వల్ప అనారోగ్యాలకు అవకాశం ఉంది. ఇంటా బయటా అనుకూలతలు పెరుగుతాయి. ఒకటి రెండు శుభవార్తలు వినే అవకాశం ఉంది. నిరుద్యోగులు విదేశీ ఉద్యోగాలు సంపాదించే అవకాశం ఉంది. విదేశాల్లో స్థిరపడడం కూడా జరుగుతుంది. ఆర్థిక లావా దేవీలు బాగా కలిసి వస్తాయి. కుటుంబ జీవితం సాఫీగా, హ్యాపీగా సాగిపోతుంది. విద్యార్థులు కొద్ది శ్రమతో ఉత్తమ ఫలితాలు సాధిస్తారు. ఆశించిన పెళ్లి సంబంధం కుదురుతుంది. ప్రేమ వ్యవ హారాల్లో సాన్నిహిత్యం పెరుగుతుంది. విష్ణు సహస్రనామ స్తోత్ర పఠనం వల్ల అనేక శుభాలు జరుగుతాయి.
10 / 12
కుంభం (ధనిష్ట 3,4, శతభిషం, పూర్వాభాద్ర 1,2,3): ఏప్రిల్ నెల నుంచి వీరి జీవితంలో సానుకూల మార్పులు చోటు చేసుకోవడం ప్రారంభిస్తాయి. శని మీన రాశిలోకి మారినప్పటి నుంచి కొన్ని సమస్యలు, ఇబ్బందులు, ఒత్తిళ్ల నుంచి విముక్తి కలుగుతుంది. ఈ రాశిలోకి రాహువు ప్రవేశించడం వల్ల ఉన్నత స్థానానికి ఎదిగే అవకాశం ఉంది. మే చివరలో గురువు పంచమ స్థానంలో ప్రవేశించిన తర్వాత నుంచి వీరి జీవితం కొత్త పుంతలు తొక్కుతుంది. ఆదాయం వృద్ధి చెందడం, ప్రతిభకు, సమర్థతకు గుర్తింపు లభించడం, పిల్లలు ఘన విజయాలు సాధించడం, వ్యక్తిగత సమస్యలు పరిష్కారం కావడం, సంతాన యోగం కలగడం వంటివి జరుగుతాయి. ప్రథమార్థం కంటే ద్వితీయార్థం వైభవంగా సాగిపోతుంది. ద్వితీయార్థంలో వృత్తి, ఉద్యోగ, వ్యాపారాల్లో ఆదాయం బాగా పెరుగుతుంది. ఆశించిన స్థాయిలో ఆర్థికాభివృద్ధి కనిపిస్తుంది. అనవసర ఖర్చుల విషయంలో ఎంత జాగ్రత్తగా ఉంటే అంత మంచిది. వృత్తి, ఉద్యోగాల్లో గౌరవ మర్యాదలకు లోటుండదు. విదేశీ ఉద్యోగాలకు లేదా చదువులకు అవకాశం ఉంటుంది. నిరుద్యోగులు దూర ప్రాంతాల నుంచి శుభ సమాచారం అందుకుంటారు. పిల్లలు చదువుల్లో పురోగతి సాధిస్తారు. వ్యక్తిగత, కుటుంబ సమస్యల నుంచి చాలావరకు విముక్తి లభిస్తుంది. ఆహార, విహారాల్లో తప్పనిసరిగా జాగ్రత్తలు పాటించాల్సి ఉంటుంది. విద్యార్థులు మే నెల నుంచి తమ చదువులపై శ్రద్ధ పెంచాల్సి ఉంటుంది. ప్రేమ వ్యవహారాల్లో ఆచితూచి అడుగు వేయడం మంచిది. పెళ్లి ప్రయత్నాలు, ఉద్యోగ ప్రయత్నాలు తప్పకుండా సఫలం అవుతాయి.
11 / 12
మీనం (పూర్వాభాద్ర 4, ఉత్తరాభాద్ర, రేవతి): ఈ ఏడాది ఈ రాశివారికి ప్రథమార్థమంతా అనుకూలంగా సాగిపోతుంది. ద్వితీయార్థంలో వీరికి అనుకూలతలు బాగా తగ్గే అవకాశం ఉంది. మార్చి చివరలో శని, మే చివరలో రాహువు, గురువు మారుతున్నందువల్ల వీరికి ఆరోగ్యపరంగా, ఆదాయపరంగా కొన్ని చిక్కు సమస్యలు, ఇబ్బం దులు తప్పకపోవచ్చు. తరచూ శివార్చన చేయించడం వల్ల శని దోషం తగ్గే అవకాశం ఉంది. మీన రాశిలోకి శని ప్రవేశించిన దగ్గర నుంచి వ్యక్తిగత, ఆర్థిక సమస్యలు పెరిగే అవకాశం ఉంది. రాహువు వ్యయ స్థానంలోకి వచ్చిన తర్వాత ఆర్థికంగా మోసపోవడం, నష్టాలు కలగడం, ఆర్థిక వ్యవహారాలు సానుకూలంగా సాగకపోవడం, ఆస్తి వివాదాలు పరిష్కారం కాకపోవడం వంటివి జరిగే అవకాశం ఉంది. గృహ, వాహన ప్రయత్నాల్లో కూడా ఇబ్బందులుంటాయి. మే నెల వరకు ఈ రాశివారు వృత్తి, ఉద్యోగాల పరంగానే కాకుండా ఆర్థికంగా కూడా కొద్దిగా శుభ ఫలితాలను అనుభవించడం జరుగుతుంది. వ్యక్తిగత సమస్యలు తగ్గుముఖం పడతాయి. మనసులోని కోరి కలు నెరవేరుతాయి. ద్వితీయార్థంలో జీవిత భాగస్వామితో విభేదించడం, జీవిత భాగస్వామి స్వల్ప అనారోగ్యాలు గురి కావడం జరగవచ్చు. ఆదాయం తగ్గడం, ఆర్థిక సమస్యలు పెరగడం వంటివి జరుగుతాయి. వృత్తి, ఉద్యోగాల్లో ప్రాధాన్యం తగ్గే అవకాశం కూడా ఉంది. తీర్థయాత్రలు, విహార యాత్రలు బాగా విస్తృతమవుతాయి. విద్యార్థులకు శ్రమ తప్పకపోవచ్చు. ప్రేమ వ్యవహా రాలు సాఫీగా సాగిపోతాయి. పెళ్లి ప్రయత్నాలు సఫలమవుతాయి. నిరుద్యోగులు శుభవార్తలు వింటారు
