Vastu Tips: ఎంత కష్టపడి పని చేసినా డబ్బు నిలవడం లేదా? ఇంట్లో ఈ మొక్కను ఈ దిశలో నాటడం శుభప్రదం..
హిందూ సనాతన ధర్మంలో ప్రకృతిలోని మొక్కలు, జంతువులు, పక్షులను దైవంగా భావించి పూజిస్తారు. కొన్ని రకాల మొక్కలకు, పువ్వులకు విశిష్ట స్థానం ఉంది. లాంటి పవిత్ర మొక్కలో ఒకటి పారిజాతంమొక్క. ఇంట్లో పారిజాత మొక్కను పెంచుకోవడం వలన ఆర్థిక శ్రేయస్సు కలుగుతుందని జ్యోతిష్య శాస్త్రం చెబుతోంది. ఈ మొక్క లక్ష్మీదేవికి ప్రియమైనది. ప్రతికూల శక్తిని నాశనం చేస్తుంది. పారిజాత పూవ్వులతో పూజ చేయడం కూడా శుభప్రదం అని నమ్మకం. అయితే పారిజాతం మొక్కను ఇంట్లో ఏ దిశలో పెంచాలో వాస్తు శాస్త్రం పేర్కొంది.
కొంత మంది డబ్బు సంపాదించడానికి ఎంత కష్టపడి పని చేసినా శ్రమకు తగిన ఫలితం దక్కదు. అదే విధంగా కొన్ని సార్లు సంపాదించిన డబ్బు నిలవదు. నెలాఖరు వచ్చే సరికి స్నేహితులు లేదా బంధువుల నుంచి ఆర్థిక సహాయం తీసుకోవలసి వస్తుంది. దీంతో మళ్ళీ నెల వచ్చే సరికి చేతిలోని డబ్బులు రోజువారీ ఖర్చులకు.. చేసిన అప్పులు తీర్చడానికి సరిపోతాయి. ఎంతగా డబ్బులను పొడుపు చేయాలనుకున్నా కుదరడం లేదంటూ కొంతమంది వాపోతారు. అటువంటి పరిస్థితిలో జ్యోతిషశాస్త్రంలో కొన్ని పరిష్కారాలు సూచించబడ్డాయి. వీటిని పాటించడం వలన లక్ష్మీదేవి అనుగ్రహంతో ఆర్ధిక ఇబ్బందులు ఉండవు. డబ్బులను పొదుపు చేస్తారు. ఇంటి బాల్కనీలో లేదా ప్రాంగణంలో పారిజాత మొక్కను నాటితే.. అది ఆ ఇంటి సభ్యుల జీవితంపై చాలా సానుకూల ప్రభావాన్ని చూపుతుంది.
1 / 6
పారిజాత పుష్పం హిందూ మతంలో పవిత్రమైనది పువ్వుగా పరిగణించబడుతుంది. పారిజాత మొక్కలు చాలా ప్రదేశాల్లో కనిపిస్తాయి. జ్యోతిష్యుల అభిప్రాయం ప్రకారం పారిజాత మొక్క ఉన్న ఇల్లు లక్ష్మి దేవి నడయాడే ప్రదేశంగా.. మంచి సువాసనతో ఉంటుంది. పారిజాత పూల మొక్కను సరైన దిశలో నాటితే అనేక రకాల సమస్యలు దూరమవుతాయి. పారిజాత మొక్కను ఇంట్లో పెట్టుకోవడం వల్ల ఎలాంటి లాభాలు కలుగుతాయో తెలుసుకుందాం.
2 / 6
పారిజాత పుష్పం లక్ష్మీదేవికి ఎంతో ప్రీతికరమైనది. ఎక్కడైతే ఈ పుష్పం సువాసన ఉంటుందో అక్కడ లక్ష్మీదేవి నిసిస్తుందని చెబుతారు. అందువల్ల పారిజాత మొక్కను ఇంట్లో ఉంచుకోవడం వల్ల ఆర్థిక పరిస్థితి మెరుగుపడుతుంది. అలాంటి వారు పగలు రెట్టింపు, రాత్రి నాలుగింతలు పురోగమిస్తారని అంటారు. అంతే కాదు ఇంట్లోని వ్యక్తులు ఆరోగ్యంగా ఉంటారు. ఇంట్లో సానుకూల శక్తి పెరుగుతుంది.
3 / 6
ఇంట్లో పారిజాత మొక్కను నాటితే నెగెటివ్ ఎనర్జీ నశిస్తుంది. పారిజాత మొక్కను ఇంటికి ఉత్తరం లేదా తూర్పు దిశలో నాటితే ఇంటిలోని వాస్తు దోషాలు తొలగిపోతాయి. ఈ మొక్క పువ్వును చూస్తే ఆ రోజు ఎంతో ప్రశాంతంగా సాగుతుంది. మనసుకు ఎంతో సంతృప్తి కలుగుతుంది.
4 / 6
ఉద్యోగం కోసం ప్రయత్నాలు చేస్తున్న వారు.. లేదా ఉద్యోగంలో ఆశించిన విజయం సాధించకపోయినా లేదా వ్యాపారంలో విజయం సాధించకపోయినా 21 పారిజాత పువ్వులను తీసుకుని వాటిని ఎర్రటి వస్త్రంలో కట్టి.. వాటిని లక్ష్మీదేవి ముందు ఉంచాలి. ఇలా చేయడం వల్ల ఆర్ధికంగా ఇబ్బందులు తొలగి అభివృద్ధి చెందుతారని నమ్మకం. అంతేకాదు మంచి ఉద్యోగావకాశాలు కూడా లభిస్తాయి.
5 / 6
ఇంట్లో పారిజాత మొక్కను పెంచుకోవడం మాత్రమే కాదు ఆ మొక్కకు పూజ చేయడం కూడా శుభప్రదం. అప్పు ఇచ్చిన డబ్బులు తిరిగి రాక ఇబ్బంది పడుతున్నా.. లేక అప్పు తీసుకుని ఆ డబ్బులు చెల్లించడంలో జాప్యం అవుతున్నా పారిజాతం మొక్కకు పూజ చేయడం ఫలితాన్ని ఇస్తుంది. పారిజాత మొక్క ముక్కను తీసుకుని ఎర్రటి గుడ్డలో కట్టి లక్ష్మీదేవి ముందు ఉంచాలి. దీని తరువాత లక్ష్మీ దేవిని, మొక్క ముక్కను పూజించాలి. పారిజాతం మొక్కకు పసుపు, కుంకుమని దిద్ది.. కనకధార స్తోత్రాన్ని పఠించండి.. ఈ నివారణ చర్యలు ఖచ్చితంగా ఆర్ధిక ప్రయోజనాలను చేకూరుస్తాయని వాస్తు శాస్త్రం పేర్కొంది.
